影片
港鐵銅鑼灣站 C 出口
繼續閱讀
電話號碼
39562146
開飯介紹
以滋潤燉湯作為主打的火鍋店，亦有提供多款新鮮刺身，如加拿大野生象拔蚌。
繼續閱讀
營業時間
今日營業
17:30 - 01:00
星期一至日
17:30 - 01:00
以上資料只供參考, 請與餐廳確認詳情
有關獎賞計劃
呢排天氣越嚟越凍，最適合打邊爐今晚約咗朋友嚟銅鑼灣行街，響OpenRice search吓邊度有得打邊爐，見到呢間漁火評價非常高，地點又方便，係地鐵站對面嘅京都廣場，一於拉朋友黎拾下拾下👅打邊爐個湯底絕對係靈魂，漁火嘅湯底原來出名冇味精同自家煲，除咗一般大路嘅湯底，仲有一啲非常養生同住家嘅老火湯底，我哋叫咗個出面好少見既菜乾杏汁燉豬骨，老闆娘好細心提醒我哋湯滾咗之後可以飲碗湯，一試就覺得非常之濃郁，絕對係真材實料！我哋首先梗係叫咗個小食醫肚，🥢鬼馬油條，油炸鬼配以墨魚肉，熱辣辣脆卜卜！🥢自家製竹蔗茅根-自家製嘅竹蔗茅根水比起市面一般買到嘅好明顯低糖同足料，一jar 夠每人三四杯就好抵飲❤️🥢鮮甜脆骨腩- 脆骨腩係打邊爐必會食嘅魚，呢度嘅骨腩係非常之爽脆，出邊通常係鯇魚好多骨，呢度係真脆骨腩冇乜細骨，連朋友平時唔食魚今次都食咗幾片🥢蘇格蘭蟶子皇- 問咗店員今日嘅蟶子王特別新鮮，所以叫咗一客同朋友分享，蟶子王非常厚肉同大隻，店員好細心介紹，只要淥12秒鐘就可以食，果然我哋根據指示去淥嘅聖子係非常之鮮甜，熟度啱啱好❤️🥢即炸鬆脆響鈴- 平時我唔會食響鈴嘅，因為覺得好油膩，店員話原來呢個響鈴係廚師新鮮啱啱乍起，淥2秒鐘就食得，食落果然同平時街市買嘅係完全唔同呀，個皮非常之薄，果然冇介紹錯👍🏻🥢招牌雲吞王-雲吞王非常大粒，足粒！餡料係肉同蝦，食得出有啲荽茜香🥢漁火特選牛盛薈-打邊爐點可以冇牛肉，呢度嘅牛肉喺手切本地牛，我哋每款都想試吓，所以叫咗呢個盛會。店員都好細心提我哋每款淥熟就食得，唯獨係牛柳粒可以淥耐啲，因為會更加香口有趙口。朋友最愛係牛舌芯，我自己就鍾意牛柳粒，因為有趙口同牛味重❤️象拔蚌刺身- 同店員傾偈先知原來佢地象拔蚌刺身一向好受歡迎，有唔同size，於是我哋就叫咗個推廣細size試吓，本身諗住好飽見到嚟到細size都咁大碟，以為會食唔晒，但食落佢哋個象拔蚌刺身真係非常之爽脆鮮甜，點少少Wasabi已經帶出本身海鮮嘅鮮味！呢個我哋食唔停口，好快食晒成碟❤️呢餐飯真係食得好滿足，店員細心服務殷勤，食材真材實料又非常新鮮，絕對係高質打邊爐之選！
繼續閱讀
今日嚟到漁火食高質火鍋 ! 呢度除咗有一般嘅港式火鍋湯底 , 仲有燉湯 !! 燉湯做湯底非常奢華 😍😍 我哋就試試佢 !花膠響螺燉赤肉 ($228)好足料 !! 好多花膠 , 響螺 , 圓肉等 , 先飲湯 , 後打邊爐 ~ 個湯好好飲 !!! 好夠味 !! 好飲到覺得用呢個燉湯黎打邊爐有 d 嘥 😂😂 但眼闊肚窄又飲唔到咁多 脆炸蝦餅 ($98)自家製的 !! 好彈牙 !! 食到入面有一粒粒嘅蝦肉 !! 正 !!頂級桶蠔 ($168)好大隻 😲😲😲 份量又多 , 淥完唔會縮水 , 超高質 , 有驚喜 !肥水大花甲 ($108)呢個大花甲同樣超大隻 😋😋😋 半隻手掌咁大 !! 冇沙 , 飽滿 , 啖啖肉 , 勁 juicy ! 手切頂級 Prime 牛肉 ($248)油花分布平均 , 厚度適中 , 好食 ! 👍漁火特色四色丸 ($128)呢度嘅特色丸全部都係手打 👏👏 真材實料 !! 有潮州手打牛肉丸 , 手打蝦丸 , 手打墨魚丸同鹹蛋豬肉丸 , 我最鍾意牛丸同蝦丸 , 真係好彈呀 , 好 juicy !!即炸鬆脆響鈴 ($58)哇 !! 呢個響鈴超巨大呀 !! 新鮮炸起 , 勁香脆 , 好食過出邊買個 d , 抵食 !自家製竹蔗茅根 ($58)一大扎 , 入邊冇放材料的 , 所要份量好多 , 足夠 3 - 4 人 share , 好清甜 😌😌 唔會太甜 ~時令雜菜籃 ($78)擺盤美美的 ~ 有粟米 , 冬菇 , 白菜 , 菜心同油麥菜 , 啲菜新鮮又洗得乾淨 ! 整體黎講 , 食店位置方便 , 座位闊落 , 環境乾淨 ~ 食材選擇豐富 , 最鍾意佢嘅燉湯湯底 ~ 啱晒鍾意飲湯嘅朋友仔 ~ 而且每款火鍋配料都係好足料同高質 ! 😌😌 大花甲同桶蠔令我念念不忘 !! 超級推介大家嚟試下 !! 🤩🤩
繼續閱讀
咁有滋有味的海鮮火鍋，我實在是忍唔住要同大家分享一下啦！🔥嘅花甲海蝦魚湯底，簡直是清新撲鼻，喝落去係咁的滋味，痴痴地好味啊！然後肉食部分，手切頂級prime牛肉真係貴得嚟又值得，咬落去那個嫩滑，真係叫人停唔住口。再嚟講講極品黑豚腩肉啦，脂肪同瘦肉層次分明，煮得啱啱好，保持咗充滿彈性嘅肉質，真系正呀！海中鮮蝦同牡丹蝦都是海鮮控嘅心頭好，每一口都係那種爽口彈牙，蝦味十足嘅享受。至於蘇格蘭蟶子皇，每一啖都咁飽滿，味道清新得滯，就算食到一粒沙，都唔覺得礙事。話咁快就滲手指頭的即炸鬆脆響鈴和手打墨魚丸真係爆炸，墨魚滑同順德魚腐更加係滑溜溜，入口即化。聽我咁一講，你地係咪都已經流晒口水啊？即刻約定三五知己，搵個時間去打個邊爐，享受一下這份人間美味啦！😋✨🍲
繼續閱讀
事業受挫，相約好友於晚上打邊爐一解鬱悶店內環境舒適整潔，冷氣和通風系統皆十分好裝修優雅時尚，有大量卡位，座位寬敞，可以慢慢食慢慢傾主打時令海鮮、刺身及多款招牌特色湯底，價錢合理醬料每位$15！生蔥、生蒜、炸蒜、紅椒粒皆即日新鮮準備招牌花膠響螺燉赤肉無味精，極度濃郁香甜又足料小食椒鹽九肚魚外層薄脆、魚肉嫩滑，配上喼汁十分惹味本地手切鮮牛頸脊切得厚實肥美、肉質鮮嫩限量必食海鮮蘇格蘭蟶子皇大大隻，灼15秒左右可保留到鮮甜口感鮮味海中蝦蝦肉扎實有口感，美味及鮮味十足鮮甜脆骨腩肉質札實、入口爽脆、魚油香味十足即炸鬆脆響鈴出品熱辣，放湯一燙即吃最可口田園蔬菜時令雜菜籃有白菜、菜心、生菜、冬菇及粟米，清甜又健康
繼續閱讀
係萬聖節之夜，我同朋友去左銅鑼灣既漁火海鮮刺身鍋食晚餐。我哋揀左鴛鴦鍋，有招牌麻辣同鮮魚清湯鍋底。岩岩好一淡一濃，各有特色。而前菜我地叫左巧手糖心皮蛋。酸甜開胃既前菜，帶點泡椒既惹味，比較吸引醒神。再黎我哋叫左一系列火鍋配料。佢哋既花甲夠大隻，開口時見到肥美既花甲肉。配上魚湯汁，鮮味十足，口感一流！佢哋既手打四色丸係要必點之選。因為真係各有特色！我特別中意咸蛋黃豬肉丸。因為呢款外面好少食到。而且咸香正好突出豬肉的惹味。2都鬼甘夾。而墨丸同蝦丸打到起哂膠，煮熟一咬，彈牙QQ,口感十足。街市冰鮮貨簡直無得比！而即炸響鈴真係好難係普通火鍋店見到。膽卜卜既響鈴一秒間索入魚湯/ 麻辣湯底。一咬，係口腔溢出湯汁，同時保持酥脆口感。滿意度爆燈！而佢哋個手切Prime牛肉，色水同紋理都好令。放係邊一個湯底都好合適。滾十秒放落口，淡淡牛脂香滲透口腔。肉質較嫩，所以容易入口。最後大家可以一試佢哋個竹蓆茅根水，自家制，所以甜度適中之餘，解渴解膩一流！
繼續閱讀