影片
港鐵牛頭角站 B6 出口, 步行約9分鐘
繼續閱讀
電話號碼
55002591
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
*Last order 21:00
以上資料只供參考, 請與餐廳確認詳情
有關獎賞計劃
相關文章
自從觀塘海濱全面開放之後，除咗為繁忙嘅工商業地區帶嚟休憩地方之外，喺海濱望去對岸，見到郵輪碼頭同港島摩天大廈嘅景色，突然有一種台場式嘅浪漫，兩個人不如嚟一次日劇嘅面對面奔跑，再去附近嘅磯の水產食日本菜啦！串燒喺呢個咁chill嘅環境，又點少得一邊傾計一邊食串燒呢？分別叫咗牛肋條串、牛舌串、白鱔串、大蔥雞肉卷作為前菜。白鱔外皮燒得香脆，魚油豐盈，更添風味；牛肋條同牛舌本身已經充滿濃厚嘅牛味，恰到好處嘅火侯，鹹香之餘仲有焦香味；至於大蔥同雞肉係串燒嘅絕配，嫩滑嘅雞肉加上鮮甜嘅大蔥，減少油膩感之餘，亦增加口感。旬之壽司8點8點壽司包括吞拿魚、油甘魚、章紅魚、三文魚、帶子、赤海蝦、海鰻同左口魚邊，款款新鮮高質，絕有誠意。特別喜歡左口魚邊，因為魚肉本身已經非常香滑，略略燒焦後嘅魚肉帶有一層魚油，更有入口即熔嘅感覺。磯之卷磯之卷用上鮮甜又creamy嘅海膽、細滑軟綿嘅吞拿魚蓉、飽滿脆口嘅三文魚子，組成極具口感嘅配搭。壽喜燒肥牛鍋壽喜燒嘅靈魂當然就係當牛肉遇上醬汁啦！牛肉肥瘦度適中，肉味香濃。但最正當然唔少得索晒壽喜燒湯汁嘅配菜，金菇同冬菇非常惹味呢！
繼續閱讀
上次係觀塘海濱La Serre食飯的時候已經見到對面有間充滿日式風情的居酒屋~離遠都聽到日式音樂，當時已決定搵日要去試吓🤟🏻🤟🏻今次去的時候突然有優惠✨每一台送咗一支松竹梅白壁蔵 「澪」有氣清酒 300ml🥂澪清爽的氣泡令人覺得好舒服~而且只有5%酒精成分，並帶有適當的酸味和帶有微甜~ 十分容易入口，還可以減低食物的油膩感✨🍣旬之壽司 8點 $1688款壽司包括吞拿魚，油甘魚，章紅魚，蜜柑鯛，三文魚，带子、海鰻，左口魚邊。特別介紹左口魚邊同埋蜜柑鯛。左口魚邊質地有啲爽口，油分豐富；蜜柑鯛故名思義係以蜜柑作為飼料嘅鯛魚，所以有微微嘅蜜柑味之餘，仲辟走咗魚腥味添~🍤七彩火龍卷 $68火龍卷外層有七彩芝麻，入面包住吉烈炸蝦同紫菜。炸蝦仍然保持到香脆度，加埋啲沙律醬食落更香口惹味~🧈蒜蓉牛油焗蜆 $68蒜蓉牛油嘅香味滲入每一隻蜆，個汁唔會水汪汪，蜆肉細嫩鮮甜而且冇沙👍🏻🐔土匪雞肉串 $18土匪雞翼就食得多，雞肉串就比較少見。呢款雞肉串味道比大家認知嘅“土匪味”更香辣，雞肉燒得啱啱好又夠Juicy，份量亦相當夠~上次La Serre離開嘅時候見到只要La Serre消費夠$500，就會有磯の水產8折優惠~不過就要留單同一星期內用，我唔見咗張單所以用唔到🫣大家有機會可以用呢個優惠呢~
繼續閱讀
夜晚想喺觀塘揾嘢食，嚟咗遠離煩囂嘅海濱道《磯の水產》🐚 呢度嘅裝修都好有日本風味，食物有質素之餘，店員服務態度又好，令人想一去再去㗎😚🍣 旬之壽司 8點 （$168）八件壽司件件唔同，一次過滿足我同朋友嘅願望🥰 有三文魚壽司、海鰻壽司⋯ 件件都新鮮又肥美，拼盤真係超抵嗌😚🔥 火炙中拖羅壽司2件 （$78）🐠 三文魚腩壽司2件 （$48）朋友唔夠喉，追再咗兩款壽司，包括油脂感滿滿嘅三文魚腩，同香氣撲鼻嘅火炙拖羅，係幸福嘅感覺🤤🍲 壽喜燒牛肉鍋呢個牛肉鍋好豐富！味道唔會太甜，清清甜甜😚 牛肉、豆腐、鳴門卷等都索晒汁，好正🌟🍆 芝士肉鬆燒茄子 （$58）茄子好大條！加上芝士同肉鬆鹹香得宜，好食😋🐥 七味雞翼4隻 （$48）呢度連雞翼都有幾款造法，例如串燒、芝麻雞翼，我哋揀嘅七味雞翼脹卜卜啖啖肉，仲好香🥳！🥤靜崗抺茶可樂、草莓梳打最後揀咗兩樽好特別嘅日式飲品，抺茶可樂好飲又有特色！
繼續閱讀
今日收工同男朋友係公司附近嘅居酒屋食dinner🥰呢間磯之水產就係海旁隔一條街，環境好chill之餘食物都好高質☺️我地食得好開心、食完仲可以去海旁散步添🧡＊＊＊＊＊🍣旬之壽司 8點 $168🦪廣島蠔鍋 $118壽司set有八件唔同嘅時令壽司，好豪華好大份！件件都好厚切又新鮮🥰廣島蠔鍋入面有6隻大大隻嘅蠔，啲蠔非常新鮮又有海水味，界於爽身同creamy之間，味道好balanced 🥰正！🍆蒜蓉燒茄子 $38🐮牛肉金針菇卷串 $28🍗雞翼串 $24🐥大蔥雞肉串 $28🐟白鱔串 $38🥟雞皮餃子4隻 $48另外叫左啲炸物同串燒，全部都係即叫即整，熱辣辣好正😋個人推介茄子、大蔥雞串😍🍺Asahi White / Black Draft $88買一送一夜晚啤酒買一送一超給抵，杯杯都500ml超大杯😋另外食到一半佢地突然有優惠，打鑼打鼓🥁每檯送左一合清酒🍶😍＊＊＊＊＊
繼續閱讀
同同事去牛頭角見完客見肚餓, 就入咗附近一間日本料理餐廳食個dinner。開放式門面對正海繽公開, 環境寧靜, 適合同三五知己食下野閒聊。餐廳供應多款刺身壽司、小食、多款串燒、鍋物等…仲有各款日式樽裝果汁同埋生啤。 【角切魚生沙律】HK$78賣相色彩豐富吸引, 粒粒角切魚生size唔細, 有三文魚、油甘魚、帆立貝、三文魚籽、蟹籽等, 配上清甜多汁蕃茄仔同埋新鮮沙律菜, 加咗少少酸汁, 清新開胃。【三文魚刺身3切】HK$48刺身雖然厚切, 不過魚質偏林, 冇咩魚油香。【七彩火龍卷】HK$68飯卷中卷住了吉列炸蝦, 飯卷表面黏附著大量七彩芝麻, 入口既香口又有層次, 仲食到吉列蝦嘅香脆爽口, 沾上少少沙律醬食, 味道更提升。【旬之壽司 8點】HK$168壽司包括了吞拿魚、油甘魚、章紅魚、蜜柑鯛、三文魚、帶子、海鰻、左口魚邊, 飯底比較實, 海鰻好嫩滑, 帶子肥美鮮甜, 左口魚邊經火炙過, 滲出魚油。【白鱔串】HK$38白鱔皮微脆, 鱔肉厚身有魚香, 魚質微爽多汁。【生薑豚肉鍋】HK$98份量好足, 有盡索湯汁好林嘅大東菇、爽脆紅羅白條、綿滑豆腐、一大堆薑蓉、金菇, 洋蔥, 葱等等配料, 當然有唔少切得薄而肥瘦平均又嫩口嘅豚肉, , 湯底鹹甜薑味濃, 冬天飲埋個湯底暖身又有益。日式樽裝果汁 HK$68/支靜崗抹茶可樂、靜崗蜜瓜梳打
繼續閱讀