1130
89
28
影片
開飯介紹
哈豆！台灣人在觀塘開的餐廳，將要邁入十年！從只有肉燥飯，到後來有各種台灣美食，牛肉麵精益求精到滷肉飯、鹹酥雞、各種乾拌麵，還有芋泥奶凍吐司，許多甜品！美食界的大集合，在哈豆富利店全都找得到！歡迎你走入哈豆的世界，點杯三峽碧螺春，享受老闆挑的音樂悠閒放鬆！
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
-
網上訂座服務暫停
相關文章
今次去觀塘食台灣菜，呢間餐廳開咗好多年，由台灣人主理，負責接待嘅都係台灣人，服務態度幾好！呢度有好多食物選擇，飯、麵、小食、甜品、飲品應有盡有～ 有啲食物仲係其他台式餐廳少有，值得試吓！餐廳牆身仲有好多台灣景點壁畫，幾有特色！🔸麻油雞湯+水餃+滷肉飯+油菜套餐 $110一早睇定menu想食麻油雞☺️ 因為比較少地方有得食呢道菜～ 麻油雞用鐵鍋裝住，保持住熱度，無咁易凍！麻油雞湯好暖胃，麻油味唔會超濃，相對較易入口，湯入面仲有冬菇同紅棗，幾滋補～ 有3大塊雞肉，仲要係雞髀肉，肉質爽嫩，唔算好滑又唔會覺得嚡～滷肉飯有一半肉鬆，滷肉唔算太多，滷汁幾好味，唔會覺得肥膩～ 水餃有兩隻味，有高麗菜同韭菜味，餃子皮唔會太厚，幾清淡純粹嘅味道，想濃味啲可以點吓個醬汁，酸酸地幾開胃！🔸走心牛肉番茄湯麵 $78牛肉麵幾抵食！有4大塊牛𦟌，幾厚身爽口，仲有花枝丸、貢丸同滷蛋！番茄湯底清甜，大人小孩都愛嘅味道！幾鍾意麵質爽口唔腍，又夠滑身！🔸哈豆鮮果茶 +$42好飲！仲要有得揀去冰👍🏻 甜度揀咗微糖，覺得啱啱好，水果有熱情果、橙、火龍果、車厘茄，好清新嘅味道！🔸黑糖芋芋鮮奶 +$39揀咗熱同微糖，芋泥綿密，加埋熱鮮奶，幾好飲！🔸芋泥奶凍吐司 $64推介！呢度嘅芋泥做得幾出色！好幼滑綿密又唔會太甜，奶凍香滑，用竹炭吐司夾住，中間仲有麵包皮粒增加口感！係從未食過嘅凍芋泥吐司，幾新奇好味😋
繼續閱讀
以前九龍灣返工，有時放工會去觀塘食飯幫襯過幾次嘅哈豆，次次食都keep到水準，今次嚟都唔例外✨豐盛台灣牛肉湯麵 $78食台灣菜必嗌牛肉麵，一碗有齊牛𦟌、貢丸同花枝丸湯底係走清淡路線嘅牛肉湯底，唔會太鹹帶點蘿白嘅清甜，飲得出無味精👍🏻牛𦟌煮得夠腍，份量都唔少麵條用上台灣關廟麵，嗌「多麵」唔需要加錢，男仔都夠飽✨鮮梅佐豬排滷肉飯 $70豬扒新鮮炸起酥脆唔會太油膩，炸粉係用地瓜粉做法正宗滷肉飯好惹味但唔會太鹹，送飯一流🤤✨嘎嘎脆芋頭愛花生 $99好IGable嘅刨冰！😍 份量超大夠3-4個人share最頂係芋頭雪糕筒，刨冰淋滿低糖黑糖仙草糖水面頭有特濃花生奶蓋、黃豆粉同紅豆刨冰比較粗粒口感清爽 同喺台灣夜市食到嘅係完全一樣自家製奶蓋好好味三色芋圓口感煙韌，食落有芋頭同蕃薯味，真材實料✨哈豆鮮果茶 $48 鮮榨檸檬椰果多多 $52特色飲品選擇好多，主食加配有得減$10次次嚟必點鮮果茶，鮮果味同茶味平衡鮮榨檸檬椰果多多，多多味道好濃加埋檸檬酸酸甜甜，仲有椰果可以咬下😆
繼續閱讀
話說同 👦🏻 去九龍東上工作坊，甚少嚟到觀塘，一於尋找下工廠大廈裡的美食小店 🩷 搵左間台灣人開既台灣菜，店內牆上有不少台灣景點壁畫，花花佈置，令人最震撼係有一幅用粉筆畫既著名台劇/戲的畫 😳🍜 豐盛台灣牛肉麵軟腍牛肉半筋半肉，有超多配菜～貢丸、花枝丸、青紅蘿蔔，滷水蛋🥚等，麵條比較淋身，湯底唔似出面紅燒湯濃稠，味道較為清淡。🥘 浮誇大腸麵線增量版麵線套餐，大腸份量增多！麵線味濃，入面仲有鯪魚肉 🐟 額外加搭台灣腸，外脆內嫩，爆汁𝗝𝘂𝗶𝗰𝘆好惹味🤤🥪 芋見檸奶凍吐司炭黑色烘烤三文治，外層脆脆的，綿密芋泥同檸檬香果凍，拼埋一齊微甜唔會太膩 💯🧋 黑糖芋芋鮮奶加仙草入口好香濃黑糖味，加上軟綿綿嘅芋泥 💜 再Q彈冰爽仙草，口感十分好豐富！而且仲好飽肚～😂🍹 哈豆鮮果茶一杯鮮果茶裡有超多水果 🍉 菠蘿、提子、車厘茄、檸檬、火龍果、百香果，入口清新又解膩整體而言甜品比主菜更吸引 🤩 走個陣仲見到隔離枱有份刨冰 🍧 好想試埋但已經食到飽飽；而餐廳打卡位加左不少分～
繼續閱讀
自從要去唔同地方工作後，解鎖左搭巴士去觀塘呢個成就🤭平時只識搭地鐵🚇轉兩條線先去到，搭巴士真係方便好多😆😆今次同男朋友一齊嚟觀塘，諗住觀塘半日遊食個午餐、行下駱駝漆再去海濱公園睇日落🌅落咗巴士行過天橋，嚟到半日遊第一個行程食午餐，位置就起天橋隔離既富利工業大廈，觀塘啲工業大廈成日都有隱藏美食，而今次就嚟到由台灣人開既哈豆餐廳❣️去到哈豆，行入餐廳一秒飛左去台灣😍，店內壁畫畫得好靚好仔細呀，有畫到九份、阿里山、台灣地圖配各景點等等⋯而且店內仲有花花牆裝飾，好適合打卡😍😍 原來11月開始富利店新設咗呢啲打卡花花裝飾咋。小妹週日嚟到，估唔到都咁多客人嚟食嘢喎😲我地兩人共叫左一份麵食套餐、一份飯類套餐，以及一份小食：🐮 豐盛台灣牛肉湯麵餐牛肉湯底清甜帶少少辣，牛肉粒軟腍，花枝丸有粒粒花枝肉架，大愛❣️🍵 桂圓紅棗茶（熱）比想像中大杯，一壺配一隻杯仔，可以慢慢品嚐，甜度仲可以自己揀添🤭🐷 鮮梅豬排滷肉飯餐豬扒配搭的梅汁酸酸甜甜，滷肉飯濃味好食😋，加上均衡營養配菜有青菜、青瓜，唔係只食肉架❣️🍹 哈豆鮮果茶+椰果（凍）份量同紅棗茶一樣，一大壺而且好多料，有蘋果、橙，檸檬、紅肉火龍果、百香果、車厘茄，小妹都係第一次見水果茶係有埋車厘茄😲，小妹怕酸無食埋粒茄😂😂🧩台灣滷水拼盤滷水拼盤入味，最愛雞翼同滷豆腐，不過份量有啲少，如果每件成雙成對就最完美啦，但係因為主食份量多，而家就剛剛好！整體來講，呢度真係好靚同野食份量夠，平日大食既男朋友都話夠食👍🏻👍🏻哈豆除了在富利工業大廈有鋪外，佢地起觀塘成業街19號成業工業大廈都有分店架😊😊小妹推薦嚟富利店，因為有花花🌷🌸🌹🌺牆打卡！
繼續閱讀
觀塘工廠大廈不嬲都多特色餐廳㗎啦今次我哋去試嘅就係哈豆地點都幾方便，唔使行得太入，過咗APM同亞太中心之後個路口轉左行前少少就到我哋一行三人lunch去食嘅嗌咗蕃茄牛肉湯麵$62好推介！蕃茄湯底都幾濃郁，麵質好好食！椒鹽排骨肉燥拌麵$58排骨份量好多，性價比超級高！逢甲鹽酥雞肉燥飯$58用咗個好大嘅盆栽，好得意，對比起排骨有少少失色，但係其實佢份量都唔少，都有成八粒最後仲share咗一個甜品嘎嘎脆芋頭愛花生$99嚟到真係嘩！一聲勁大兜，刨冰上面有黃豆粉，花生奶蓋，香芋雪糕，紅豆醬，最上面仲插咗一個雪糕筒上去，勁岩打卡！最後飽到捧住個肚走
繼續閱讀
您可能會有興趣的...