影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
阿木台灣麵黎到D2 place 啦！套餐好掋食，所以之前喺旺角分店都經常見到滿座，新開張呢度鋪面夠大，座位舒服緊係要嗌呢到招牌紅燒牛肉麵啦！熱辣辣香噴噴上枱，牛肉厚切大大塊，入口軟腍肉味香濃，麵質好有咬口好煙韌，唔會浸到淋哂。個湯底好濃郁一啖湯一啖麵甘食另外鹽酥雞便當🐤🐤炸得好香脆，咬落雞肉好嫩滑啖啖肉！肉燥鋪滿白飯面頭撈飯食好正，肉燥肥瘦比例適中，唔會覺得太油膩😚三款配菜仲有隻蛋蛋。食得台灣嘢又點少得蛋餅😛 呢度嘅蛋餅好有水準，餅皮好薄，入口蛋香味加上醬汁 😋
繼續閱讀
來到新開的阿木牛肉麵，要了蕃茄牛肉麵、肉燥飯、肉鬆蛋餅與滷牛筋。蕃茄牛肉麵的湯麵煮得剛好，彈牙的麵條、配合濃郁的湯頭和嫩滑的牛肉。湯頭以新鮮的蕃茄熬煮而成，散發出濃郁的番茄香氣。牛肉肉質鮮嫩多汁，入口鮮香，讓人回味。肉燥飯是台灣的經典小吃之一，肉燥醬以豬肉及調味料炒煮而成，口感鮮嫩多汁，味道濃郁香甜，搭配上白飯，十分美味。肉鬆蛋餅，蛋餅以薄脆的蛋皮包裹著鬆軟的蛋和肉鬆，這個小吃包含蛋皮的鬆軟、蛋的滑嫩和肉鬆的香脆。滷牛筋經過長時間的滷製，質感彈牙有嚼勁，肉質鮮美。滷汁的調味恰到好處，讓人回味無窮。這𥚃的台灣菜很出色，傳統料理有獨特的口味和風味，環境也舒適，服務不錯，推介。
繼續閱讀
最近去開荔枝角D2 Place，見到新開左【阿木台灣麵】，之前去過旺角果間都幾好食，所以今次又食左。今次叫左午餐、紅燒牛肉麵同招牌芝士肉鬆蛋餅。午餐：叫左鹹酥雞便當搭配3個前菜同飲品，鹹酥雞必點、外脆內嫩、味道鹹香。外層酥脆，內裡嫩滑多汁，帶有淡淡嘅胡椒鹹香味道。飯係滷肉飯、油香同香味十足。3個前菜係麵筋、蘿蔔、滷蛋，都不錯。紅燒牛肉麵：每次必點紅燒牛肉麵，牛肉經過長時間燉煮，令佢更加鮮嫩多汁，香氣四溢、肉質軟腍、湯底味道鮮甜濃郁。粗麵好挂湯。 招牌芝士肉鬆蛋餅：呢款招牌芝士肉鬆蛋餅係【阿木台灣麵】嘅招牌之一。餅裡面有芝士同肉鬆，味道同口感層次分明。芝士嘅濃郁香氣同肉鬆嘅鹹香味道相互輝映。
繼續閱讀
阿木台灣麵原來進駐D2 Place 了😀之前經過旺角分店成日都排長龍，一次都未食過🫣 D2呢間舖頭都幾大，好多位👍🏻午市套餐好抵食，一個主食加一杯飲品$60-$90不等。招牌麻辣牛肉牛筋麵，我哋轉咗新竹米粉。大大碗，牛肉份量好多又大件😦愛辣的朋友話個麻辣都好惹味，好刺激😆我就當然唔使諗，角切蕃茄牛肉手工粗麵😋牛肉和筋位比例好好，煙靭又彈牙☺️手工粗麵有咬口，不錯！鹽酥雞便當便當有三款配菜 跟 滷肉飯碗滷肉飯會唔會太大碗了🫢 鹽酥雞炸得夠香夠脆，送飯一流🤤 仲食到雞肉滑滑的～台式炸大腸膽固醇爆錶🙈 但係佢哋好鍾意食。處理得幾好，冇臭腸味。而且又係大大碟！
繼續閱讀
#Elsie帶你食｜🇭🇰｜ 阿木台灣麵 📍荔枝角長順街15號D2 Place TWO 1樓102號舖——————————————-呢排好似食少左台灣嘢？！😂 所以係時候食反餐 台灣的味道喇喇喇🫶 位於荔枝角呢間阿木台灣麵 係旺角分店 旺角個間成日都排長龍 所以我決定去荔枝角分店食 終於食到了oh yes🥹 🔖鹽酥肉便當 HKD65鹽酥肉真係我食襯食台灣嘢都必點嘅嘢 酥肉炸得好香脆 但唔會炸到肉質乾晒 而且酥肉大大塊 啖啖肉 超級下飯！🔖芝士肉鬆蛋餅 HKD45好香蛋味 外脆亦內軟 肉鬆爆棚 令到口感非常之豐富 而且芝士同肉鬆真好夾😍 🔖台灣小香腸 HKD32 台灣腸真係無得輸 加埋蒜片 更香口 啱晒我呢啲重口味人士 好好食🔖蕃茄牛肉麵HKD76平時食得多紅燒湯底麵 呢度有蕃茄湯底 覺得好新奇 就嗌黎試試 佢個湯底蕃茄味好濃 仲有酸菜同蔥做配料 而且牛肉有成5大舊 亦都好厚肉🔖肉燥拌麵 HKD43細細碗 啱晒小鳥胃嘅朋友仔 半肥半瘦嘅五花腩肉 加上大量青瓜絲 一啖食落口 唔會覺得好膩 份量同調味都剛剛好
繼續閱讀