影片
開飯介紹
品牌創立多年，以日本新鮮食材製作刺身、壽司等料理，另外亦有熱食、佐酒小菜可供選擇。此分店走日式簡約路線，並結合水泥牆設計，感覺年輕時尚。
繼續閱讀
營業時間
今日營業
12:00 - 15:30
17:30 - 22:30
星期一至日
12:00 - 15:30
17:30 - 22:30
公眾假期
12:00 - 15:30
17:30 - 22:30
公眾假期前夕
12:00 - 15:30
17:30 - 22:30
以上資料只供參考, 請與餐廳確認詳情
有關獎賞計劃
優惠
相關文章
荃灣, 一個我常常會去的地方! 有一家日式小店, 幾乎每次到荃灣也會經過, 今天終於相約媽媽一起去試試!簡簡單單來個季節二人套餐, 甚麼也能試試! 蟹籽沙律 ~ 蟹籽份量超級多, 青瓜絲爽脆, 喜愛沙律醬不會太多!漬物兩品 ~ 我愛漬牛膀, 媽媽愛蕎頭!味淋魚干 ~ 很精彩! 第一次食到這麼水潤的魚干, 超讚! 時令生蠔 ~ 西非蠔, 海水味不會很濃, 蠔身白雪雪的, 質感 Creamy 幼滑, 很鮮甜!刺身盛合四品 ~ 帶子、白身魚、三文魚、鯛魚, 鮮甜爽口! 日本海膽魚籽杯 ~ 馬糞海贍很幼滑, 味道甘甜濃郁, 配上咸香三文魚子及甜蝦刺身, 滋味層次豐富!和風糖漬蕃茄 ~ 很清甜, 新鮮爽脆, 醬汁酸酸甜甜, 很開胃! 唐揚炸雞配明太子醬 ~ 新鮮炸的, 外脆內軟, 肉汁滿滿的! 配上咸咸的明太子醬, 濃口之作!櫻花蝦蔥吞拿魚腩卷 ~ 吞拿魚不會太油, 幼滑順喉, 初試搭配櫻花蝦, 層次感滿滿, 想不到有驚喜!糖心蛋蜆肉味噌湯烏冬 ~ 蜆肉超厚肉, 味道超鮮甜, 烏冬QQ的, 飽了!甜品 ~ 綠茶麻糬配香甜紅豆, 完美!
繼續閱讀
鮨一日本料理 G One Sushi Japanese Restaurant📍荃灣大壩街79號地舖同好take care我嘅一位朋友食飯，揀咗荃灣一間好受歡迎嘅日本餐廳食晚餐。邊食新鮮嘅食材，邊傾偈談心，真係人生一大樂事！ 💰$78蟹肉牛油果凱撒沙律 🥗粟米、蕃茄仔、沙律菜全部都好fresh，每樣咬落都充滿水分，非常清新鮮甜。蟹肉、蟹籽、牛油果三者完美配合，令沙律食落多咗海鮮嘅鮮味，入口可以食到牛油果嘅軟滑同蟹籽嘅爽脆，口感上變得更有層次，配上特別嘅dressing，異常醒胃，整體比一般caesar salad更豐富。 💰$198日本黑鮪魚中拖羅刺身 🍣識我嘅都知我真係幾抗拒食吞拿魚刺身，真係得好少嘅次數係俾我食到好味兼我接受到嘅吞拿魚刺身。朋友話鮨一嘅刺身出名新鮮，所以呢晚叫咗廚師推介嘅日本黑鮪魚中拖羅刺身，希望可以令我對吞拿魚刺身有所改觀。 💰$98針魚刺身 🐟第一次食針魚，見到晒全條魚嘅樣貌。顧名思義，呢款魚嘅下顎有一枝針，針嘅尖端有少少紅色，魚身偏幼長，帶閃嘅銀色極為搶眼。佢嘅魚肉白得嚟有少少透光，喺燈光下細心睇，仲會見到佢呈銀色嘅筋，真係好靚。雖然佢嘅肉味偏淡，但勝在肉質鮮甜彈牙，係少有我喜歡嘅魚類刺身。 💰$45鹽燒牛舌串 🐄朋友叫咗串鹽燒牛舌，佢話牛舌燒得外脆內嫩，而且富有鹽香，簡單調味已能帶出牛舌自身嘅鮮味同牛香。 💰$68鹽燒活白鱔串 🍢我就揀咗串鹽燒活白鱔，白鱔有充分油脂，外皮亦燒得香脆軟糯，魚肉鮮美豐厚，但白鱔始終帶幼刺，食用時要加倍小心。 💰$62清酒煮蜆 🐚呢個價錢食到呢個份量同水準嘅清酒煮蜆，認真值回票價！每隻蜆都非常飽滿，食落口中不帶一點腥味或一粒細沙，可見廚師嘅用心。我留意到佢嘅清酒加入咗七味粉，所以啲蜆食落會略帶微辛，放埋一齊煮嘅大根煮得好入味淋身，每件都吸盡清酒湯汁嘅精華，讚！ 💰$128鱈魚白子 🧠我會用呢個emoji，因為我真係覺得白子女似腦！其實佢係鱈魚精巢嚟，含豐富蛋白質，富營養價值！但由於我比較怕呢種半軟半滑嘅口感，而且知道佢嘅真身令我有點卻步，所以最後我都無鼓起勇氣，試下佢係咩味，真失敗⋯⋯ 💰$98甲羅燒 🦀最後一道上嘅菜式係甲羅燒，相信淨係個樣都已經吸引到唔少人想一試佢嘅滋味。蟹蓋內放滿蟹膏醬，配上新鮮日本蛋黃，灑上蔥花，輕輕攪拌後，將蟹膏醬放上烤過嘅薄麵包上面食，滿口都係蟹膏嘅香醇，絕對係齒頰留香！
繼續閱讀
創立於尖沙咀的日本料理餐廳「鮨一」於網上好評如潮，今次相約朋友到訪荃灣店朝聖店內環境不大，裝潢走木系和風，甚有日本居酒屋的氣氛==========🔹蟹肉牛油果凱撒沙律 $78色彩繽紛，賣相精美沙律菜、粟米及小番茄新鮮；蟹肉及牛油果上鋪滿爽脆蟹籽，蟹肉鮮嫩美味，牛油果軟滑Creamy美味指數：8/10==========🔹針魚刺身 $98閃亮銀光，雪白通透的外表非常吸引魚身軟嫩有彈性，味道淡雅清甜美味指數：8/10==========🔹日本黑鮪中拖羅刺身 $198 (原價$298)厚切拖羅色澤鮮明，味道濃郁肥美而毫無腥味，口感輕軟嫩滑美味指數：8/10==========🔹鱈魚白子 $128大鄉里的我第一次品嚐，白子為魚的精巢，蛋白質豐富口感綿密柔滑，有乳狀的感覺，入口即融，味道豐厚濃烈但容易接受美味指數：8/10==========🔹甲羅燒 $98滿滿的甘甜蟹膏配上蛋香濃郁的蛋黃，將其放到輕脆的薄多士上，非常滋味美味指數：8.5/10==========🔹清酒煮蜆 $62蜆的份量豐富，配上幾件清甜蘿蔔蜆肉鮮甜汁多，清酒加入七味粉，帶點醒胃的辣，味道調較恰到好處美味指數：9/10==========🔹鹽燒活白鱔串 $68外皮香脆，魚肉油脂豐腴美味指數：8/10==========🔹鹽燒牛舌串 $45充滿鹽香的牛舌口感輕脆嫩滑，牛香不俗美味指數：8.5/10
繼續閱讀
終究還是黎試下貴價又食唔飽既海膽飯，海膽新鮮，口感濃鬱順滑，加埋托羅蓉增加左一個層次，但係米飯跟唔上，拖左後腿，用配送既紫菜一起食會好d；時令魚生刺身，帆立貝、牡丹蝦、時令魚，肉質好新鮮，彈牙，肥美，好貴好貴好貴！！
繼續閱讀
🍽️長野縣高糖度蕃茄沙律呢個沙律裏面有粟米、蕃茄、蟹籽同沙律菜，食落去感覺好清新且鮮甜！而且每食一啖都好有口感，配埋特調嘅醬汁，食完覺得好開胃😆🍽️特上十貫目呢個特上十貫目有十款唔同種類嘅壽司，如海膽、蟹籽、帶子、三文魚、甜蝦同拖羅等⋯食壽司點可以唔將Wasabi加豉油一齊食呀，正呀😜🍽️深海池魚王刺身我哋叫咗半份刺身，總共有八片。見到碟刺身就知師傅刀工有幾出色，刺身上碟後仍然可以透出碟嘅花紋，池魚嘅魚肉晶瑩通透，食落仲好鮮甜！佢仲會有啲帶有酸味嘅醬汁，我建議大家可以先唔沾醬汁，之後再沾醬汁食，咁就有2種唔同嘅口感同味道😎🍽️鹽燒油甘魚鮫呢個油甘魚鮫都幾大舊，而且食落啖啖肉，因為用咗鹽燒嘅煮法，令到啲皮脆卜卜，肉質都幾滑，食落都唔錯😝🍽️赤血引亦血印食落好新鮮，不過唔知係咪心理因素影響，覺得味道有啲似吞拿魚，但血味更濃郁，所以餐廳特別放咗檸檬係赤血印旁邊，可以俾唔同嘅客人調整返自己中意嘅口味，都係一個幾有趣嘅新嘗試😌🍽️鹽燒黑豚腩串黑豚腩係「燒」嘅過程當中，「燒」呢個煮法會令到腩肉表面嘅油脂會稍微溶化，將豐富油脂鎖實，而黑豚腩肉質鮮嫩，肥而又唔會好油膩，食落非常多汁添🤪🍽️燒豆腐串當豆腐經過燒嘅過程中，燒完嘅豆腐食落表面係脆而內裏係滑溜，加埋師傅用咗特調嘅醬汁搽落豆腐一齊燒，所以食個陣唔會覺得豆腐好淡😛
繼續閱讀