七折食到飽！日、韓、泰菜及咖啡店外賣7折優惠

相信而家唔少人都會買外賣買多咗，不過其實外賣就唔一定要頹食，買外賣返屋企都可以食得好豐富㗎～今期繼續介紹多間外賣優惠餐廳畀大家，有人氣西式咖啡店、日本菜、韓式炸雞及泰國菜，繼續帶大家味遊世界～

以旅遊為主題嘅咖啡館相信唔少文青同偽文青都唔會陌生，而且一向都好有人氣，於港九新界都有分店，好方便～今次佢哋做緊全單7折優惠，特別推介抗疫一人套餐，可以自選一款意粉或漢堡包+一杯飲品，如龍蝦汁鳳尾蝦意大利粉及厚切芝士雞扒蕃茄沙律菜漢堡包拼酸忌廉蕃薯條，鍾意可以加埋甜品，食飽飽先有精神繼續WFH㗎嘛！

加藤屋全線分店指定食品7折

主打丼飯、CP值幾高嘅日式餐廳～特盛麻辣牛肉飯啱晒重口味嘅朋友，甜甜地嘅日式牛肉汁加上麻辣，味道層次上更加豐富，超惹味送飯一流！另外和風咖喱豬扒飯都唔錯，咖喱味香濃，豬扒香脆結實得嚟有咬口，而且份量都幾多，抵食之選。

Mee…lemongrass 全線分店全單7折

東南亞菜餐廳，供應如喇沙、Pho、撈檬、炒粉麵及咖喱等。招牌馬來一品牛柳粒，嚴選優質靚牛去製作，牛味濃郁又軟腍，嫩滑juicy，加埋自家製馬來式醬汁烹調，粒粒都勁惹味。當然要試埋招牌無骨海南雞，雞肉嫩滑又唔肥膩，油飯粒粒分明，一入口勁香，配埋自加製醬汁真係食到無停口！

鮨一日本料理全線分店指定食品7折

日本菜一向都係香港人至愛，呢間日本菜今次好多食品都有7折優惠呀～如三色丼定食包括甜蝦、帶子及三文魚，魚生粒新鮮鮮甜，蒲燒鰻魚飯嘅鰻魚都幾厚切，配埋香甜嘅鰻魚汁好開胃！另外仲有豚肉生薑燒、和風牛肉飯定食、吉列廣島蠔煮蛋飯及鹽燒鯖魚定食等。

Dodam Chicken 觀塘 &銅鑼灣全單7折

口味都幾正宗嘅韓國炸雞專門店，招牌菜有各款韓式烤焗雞及招牌薄餅。呢間韓國炸雞過江龍可以揀焗烤雞，顧名思義係以焗爐烤製代替油炸，用高溫逼出多餘油脂同時保留雞肉水分。如原味焗烤雞、蜂蜜牛油香蒜焗烤雞等。如果想食炸雞都有選擇，如黑蒜麻辣脆雞及韓式甜豉油脆雞等，好惹味。

買開外賣嘅可以用埋呢個七折食到飽優惠，所有參與餐廳都有至少7折優惠，輸入優惠碼「EAT10」 #消費滿$50，額外減$10！另外仲有抗疫晚市限定優惠，每日下午4時起，輸入優惠碼「TAS20」 ^消費滿$200，即減$20！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)

#七折食到飽優惠：https://bit.ly/33NU48c
^抗疫晚市限定優惠：https://bit.ly/3G1OrBi