影片
港鐵黃埔站 B 出口, 步行約4分鐘
繼續閱讀
營業時間
星期一至日
06:00 - 00:00
以上資料只供參考, 請與餐廳確認詳情
早前實在太多食客幫襯，要預半粒鐘排隊呢！三顧草蘆都無機會懲罰您，我係唔會死心架！福佳智障淋病，大部份食肆都關門大吉，行下遠啲行下遠啲，唔覺意活塞龍門！冷清清唔洗等位，不過職員們忙到走上走落，連環外賣一浪接一浪，坐低十幾廿分鐘完全無停過，香港人加油，香港人反抗！雖然食客只得嘍囉三四件，不過外賣長出長有無限復活，香港人反抗！黃金聖鬪士的日常，守護聖域保護雅典娜，香港人加油﹗師傅有料到，日日餐單唔同款。龍門焗飯焗意、芝士咖哩、芝士黑椒、芝士茄汁味道都滿意，雞牛豬厚厚大件兼水潤，那裡唔好食呢？最緊要正字，捍衛繁體字！餐牌雞髀或雞肶，唔係脾呀！龍門都養好多姐姐嬸嬸喎，眼見已經四個廚房四個樓面咯。熱檸茶走甜，深啡色濃濃茶味，泛著檸檬酸澀味提神良方，長長幼幼的木條有點難用，不過非常環保。煎蛋秘製滷水雞髀飯，探訪多次終於都食得到，堅持不懈香港人加油！賣相擺盤有誠意。硬實乾涸沒肉甜的雞髀，雞皮都是乾乾的，預料之中合格正常唔難食，滷水汁調得平淡偏水偏淡。太陽蛋面冷底暖，微溫飯太濕少少爛，唔夠熱唔夠香，就算撈埋淡豉油都係十分平庸。鮮茄汁焗豬扒飯，即焗有誠意，熱烘烘的到來，摸一摸堅燙手喎！索一索鮮茄味突出，還有陣陣肉香芝士香添。耐心將炒飯及鮮茄汁撈得均勻完美才慢慢嘆，溶岩般的鮮茄汁，高溫燙親我的櫻桃小嘴啊！越熱越好食。清淡的味道包著嚥韌沒蛋香的炒飯嘴嚼，平凡而單調。豬扒醃味溫和，食得到的豬肉甜味，而且有咬口夠天然，咬啖豬扒配啖飯多多汁夾雜芝士咸香，算合格可以的，真心大快活會好食多倍。芝士黑椒汁焗雞扒飯，處女座必殺天舞寶輪黑椒汁焗雞扒，光芒四射熱力迫人，火氣十足吱吱咋咋滾住登場，已被芝士黑椒香氣小宇宙所籠罩，立即兜得均勻預備起動！厚厚雞扒肥美彈滑，雞皮凰脂，白肉雞汁，大大舊伴飯釀入嘴仔，香香濃濃厚厚黏黏黑椒汁有點咸，撈多一點飯拼雞扒嫩肉剛剛好！咖哩焗魚柳飯，思前想後焗飯焗意焗飯焗意，都係覺得咖哩撈飯較為吸引！即焗需時要耐心等候，其實都不用十分鐘已經熱騰騰送上，香氣撲鼻咖哩芬芳無比！檢查一下，有無搞錯呀！塊魚柳仲要大塊過厚過件雞扒，咁樣我會好飽架喎﹗切舊大大厚厚連咖哩撈飯塞入口，真的要擘到盡先釀得到呢！塞到嘴仔脹卜卜滿足非常，脆脆的炸粉吸盡咖哩汁，炒飯底亦吸盡大量咖哩汁濕濕品嚐，味濃辛辣又帶甜，滑彈的魚柳不過仍然食得到一絲魚青味道！咖哩芝士非常夾，咖哩有蔬菜甜味？似甘筍的清甜，大大舊魚大大啖飯多多的汁，燙著嘴細味，幸福美滿！茄汁焗肉醬意粉，姐姐突然問焗肉醬意粉要咩汁？我呆左兩秒，肉醬意粉唔係理應茄汁架咩？先入為主，我住係自己個框框裡面太耐咯，仲可以揀黑椒、咖哩，芝士呢。有點稀有點水掛不起肉醬，熱辣辣勁滑意粉，清淡茄汁撈芝士，啜過不停迅間消滅，最後剩低大量茄汁肉醬係底，可以一羹一羹地品嚐！焗黑椒汁牛扒意粉，吱吱渣渣鬼殺咁嘈到場，芝士黑椒氣味輕飄，我已被完全俘虜！厚厚巨形港式牛扒，醃得入味微𢲡不過份，滑滑帶彈性，清甜牛味食得開心舒服。甜美微辣黑椒油混著咸香芝士，意粉捲作一團擘大口塞入嘴仔大滿足！芝士汁焗魚柳意粉，芝士汁真係有點淡口，比忌廉湯更淡味。炸魚柳非常出色，魚味濃郁，外層香甜，肉質鬆軟。淡淡芝士汁捲著香口魚柳大大啖塞入，添點味道可口得多，燙著嘴品嚐更加美味！
繼續閱讀
同朋友在紅磡行街，行到攰攰地，搵到呢間充滿文宣既黃店。店外的文宣仲要好update，緊貼時事。店舖在下午兩點幾都算多人，有幾個客在外面等外賣，門口姐姐問我地怕唔怕凍，因為得返最入邊的座位，冷氣較勁。我地叫左兩個全日餐，分別是雞扒荷包蛋米粉，同埋沙嗲牛肉麵+北海道牛乳炒蛋及厚多士。兩個人都飲熱檸水。雞扒比普通茶餐廳來得較大塊，肉質同味道都唔錯，荷包蛋原來有兩隻，基本上以茶餐而言，份量算充足。朋友叫既沙嗲牛麵味道尚可，個牛乳炒蛋就好滑溜，厚多士就醬可以多少少。至於熱檸水無咩特別，不過唔知係唔係冷氣凍，導致覺得杯水好快凉左咁，不過，隻熱飲杯幾靚。埋單計數總共$70，張單都有文宣字眼。
繼續閱讀
第二次幫襯龍門 今次食美味雜菌菇米線+黑松露雜菌菇玉子燒+花生醬多士 熱奶茶米線同多士都ok 份量夠多 玉子燒有驚喜 裏面d餡好多😋 如果多返少少黑松露就好啦 奶茶就不過不失 多返d茶味會好d值得一提嘅係餐具係放喺白色盒裏面 到我攞嗰陣得返一隻叉、幾隻羹同刀 唔知店員有冇fill返d餐具呢🤔
繼續閱讀
即使係下午茶時段龍門冰室都係有唔少人排隊，不過侍應都好有耐性、好有禮貌咁逐一安排顧客入座，所以我哋等咗一陣就入去坐低咗叫嘢食喇。《常餐 - 沙嗲鮮牛肉湯麵》 HK$35落足料嘅沙嗲牛肉！沙嗲汁非常香濃，上菜時已經聞到有好濃郁嘅花生醬味，牛肉亦都煮得好夠淋，非常入味，美中不足係公仔麵淋得濟。常餐又點會冇多士呢？多士烘得外脆內軟，仲好罕有咁有得揀油多、奶醬多或者奶油多等多款選擇，佢落醬一啲都唔孤寒，落得夠晒多醬，啱晒重口味人士！至於奶茶就茶味十足，不過就略嫌太甜，所以下次嗌番少甜就啱啱好啦！《芝士汁雞扒牛乳炒蛋撈一丁》HK$52非常抵食嘅一個餐！有手掌咁大塊嘅雞扒 ，又滑又嫩嘅3.6牛乳炒蛋。而出前一丁就偏乾身，有少少一箸箸，不過配上香濃嘅芝士汁就啱啱好啦！但食晒成個餐有少少滯，建議大家可以叫番杯凍檸茶消滯。總括而言，龍門冰室係一間大件夾抵食嘅黃色茶餐廳，大家得閒就去支持下啦！
繼續閱讀
龍門係黃店就唔洗講，仲要係一間好好食既黃店！因為疫情關係，星期日晏晝兩點去唔使排隊，仲可以優惠價食想食好耐嘅玉子蛋常餐。平時$48，兩點後入座就$40。我叫咗一個鮑魚片火腿通，一個黑松露蘑菇玉子燒同一份奶醬多，加一杯凍檸茶！好滿足的星期日！仲要讚下龍門，雖然係一間茶餐廳，佢每張枱都有消毒酒精、搓手液同紙袋俾客人放口罩：）
繼續閱讀