影片
港鐵黃埔站 A 出口, 步行約1分鐘
繼續閱讀
電話號碼
23345567
23345633
開飯介紹
於2014年創立的品牌，此店主打美味的韓式燒肉，另外亦供應醬油蟹等傳統風味料理，款款新鮮足料。
繼續閱讀
營業時間
今日營業
12:00 - 15:00
17:30 - 22:30
星期一至日
12:00 - 15:00
17:30 - 22:30
以上資料只供參考, 請與餐廳確認詳情
有關獎賞計劃
位於黃埔的韓宮，以其方便的位置和精心調製的韓國料理，成為了我的心頭好。這裡不僅提供多樣化的韓國美食，還以其抵食的價格和良好的服務吸引了我們一次又一次的拜訪。餐廳的用餐環境溫馨舒適，裝潢典雅，讓人在用餐過程中感受到悠閒舒適的氛圍。餐廳提供的韓式醬油蟹和韓式燒肉套餐都是絕佳的選擇。韓式醬油蟹以其鮮嫩的蟹肉和濃郁的醬汁而聞名，而且以僅僅＄68（經IG @kbap.bbq.hk 訂坐可以以優惠價＄68 食到醬油蟹一份）的價格相當抵食。韓式燒肉套餐的牛肉脂肪分佈均勻，口感鬆軟，$699的價格也十分合理。無論是喜歡海鮮還是牛肉，都能在這裡找到心儀的美食。雪耳常用於製作甜品或燉湯，沒想到老闆娘說燒雪耳是現今韓國的新趨勢。在烤盤上輕輕燒烤過後，增添了一種微焦的香氣，脆脆的口感很是出色、美味，絕對是這次用餐的一大亮點不能不提的是餐廳的服務員態度親切熱情，時刻關注客人的需求，使得用餐體驗更加愉悅。考慮到菜品的品質、份量和服務的品質，韓宮的價格相當合理，性價比很高，實在是物超所值，讓人感到十分滿意。
繼續閱讀
自從去完濟洲之後，一直對韓國菜都滿眼心心🤩今次黎到黃埔食返由韓國人主理的韓式料理先🤩 一出黃埔站就係，超方便易搵😆除左韓國菜式，仲有韓式BBQ你揀！好多菜式飲品選擇❤️最抵食係，加$68就有一隻醬油蟹食🥲唔係唔加呀嘛？首先奉上泡菜，醃蘿蔔同菠菜，酸酸辣辣幾開胃醬油蟹大大隻仲好多膏，生蛋黃攪拌蟹膏，再戴上手套唧啲蟹肉出黎食😆 配埋紫菜飯一齊食好吃好邪惡呢！開頭唔知點食，請教完店員先知原來醬油蟹是咁食的！醬鹹肉鮮甜❤️加$68就有得食，好抵😸BBQ Set C韓燒🔥上桌的燒肉烤盤擺得超華麗豐富！同圖片一樣架！無花無假！相機📷食先！然後就開始慢慢燒🔥肉類有調味牛肋骨，牛五花，烤五花腩，同埋烤豬頸肉配菜有雪耳，矮瓜，泡菜，荳芽，香腸同芝士牛五花超薄的，很快燒熟！牛味濃濃，肉質鮮嫩薄身五花腩，肉質厚實豬頸肉烤起來超香！油脂滿滿🤣最後先燒調味牛肋骨，看上去醬汁醃得超濃！燒完深色的一塊，吃起來很鮮嫩，醬汁濃濃甜甜的好入味！燒雪耳都幾特別，第一次見！食落脆脆地又幾香！唔錯唔錯😹人蔘雞湯🍲食到口乾乾，飲返個人蔘雞湯肉厚鮮雞～清澈的湯帶微微蔘味，糯米偏少無咁索水，咁就可以飲多啲湯汁喇😸整體環境都好舒服，唔會好迫，同朋友黎bbq下傾下計都好岩😸食物款式都好豐富，唔會太貴！而且食物質素都唔錯👍🏻推薦推薦～
繼續閱讀
依家地鐵有黃埔站，去黃埔真係非常方便，呢間韓國餐廳位於黃埔嘅地鐵站A出口，一行出去望向右邊就到，同地鐵站個位相隔20步非常近餐廳燈光非常光猛，枱同枱之間嘅距離有足夠，我見幾枱人都係食燒肉，但係又唔會覺得好油煙，空氣調節做得非常好，餐廳主管係韓國人完全唔識廣東話我哋溝通嘅時候只係用英文來溝通，感覺似在韓國食緊晚餐一樣叫咗個set c 人餐$499入面有調味牛肋骨, 牛五花，烤五花腩，烤豬頸肉，豬肉牛肉嘅種類都好多，一個餐可以試埋幾種口味我最鍾意嘅係烤豬頸肉，肉質又夠爽口，味道唔算太濃，可以用返餐廳提供嘅醬汁，更加好味，唔同嘅醬汁食出唔同嘅味道，烤五花腩，一定要燒到有少少焦香，入口香脆，如果覺得油膩，仲可以包埋生菜一齊食，令到油膩感減低旁邊放有一堆大豆芽，四片茄子，一條腸仔，同埋芝士加泡菜，泡菜雖然有少少辣，但配埋白飯食飯都可以食多幾碗蒸水蛋$98，雞蛋入面有紅蘿蔔粒，蔥花，芝士 ，香濃嘅芝士味紅蘿蔔有有咬口食落，入面仲有紅椒少少魚露嘅香味，每一啖都有口感，第一次食咁特別嘅蒸水蛋醬油蟹加白飯$198白飯上面鋪滿紫菜加埋醬油蟹嘅蟹膏撈埋落去食，非常惹味，醬油蟹個蟹蓋上面仲放有一隻生嘅雞蛋，非常香滑，連埋啲飯食飽肚又夠香味
繼續閱讀
一排冇食韓國菜，見屋企附近新開左呢間韓國BBQ，經openrice訂枱試吓有三款BBQ套餐，主要牛或豬，另外可以自己散叫加料唔BBQ都有其他飯、麵、炸雞食先來三款前菜：泡菜、酸蘿蔔、咖喱薯仔▶️ 無骨韓式甜酸炸雞 ($148) ＆無骨芝士炸雞 ($148)兩碟炸雞望落唔錯，一件件圓轆轆旁邊配有芥末醬同醃蘿蔔揀咗無骨，啱晒我哋呢啲懶人外皮唔算薄，所以未至於香脆，勝在入面啖啖肉🍗甜酸醬嗰款食落根本就係中式咕嚕肉😂只係多啲醬同變咗雞肉芝士嗰款比原味多咗幾條芝士咁，細佬嫌佢唔夠邪惡拉絲🧀▶️ 炒牛肉粉絲 ($118)呢個應該係今餐最好食嘅嘢粉絲口感非常Q彈煙韌(好似橡筋咁)😋配埋少少蛋絲、清脆嘅椰菜、菠菜、紅蘿蔔絲，豐富又健康🥬炒牛肉雖然份量唔多，但牛肉質素OK，調味適中成碟嘢感覺唔油膩又唔太鹹👍🏻▶️ 石鍋牛肉飯 ($125)都係一啲基本材料：菠菜、生雞蛋、大豆芽菜、紅蘿蔔、冬菇牛肉同炒粉絲嘅牛肉一樣🐂份量唔多整體個飯撈勻左都比較乾身，味道偏清淡，去到一半大多為飯焦食得辣嘅朋友可以自行加辣醬以石鍋牛肉飯來講呢個唔算好食😅▶️ 人蔘雞湯 ($148)人生中冇乜食過人蔘雞湯🐔湯底清而入味，真係有紅棗同兩支人蔘紅棗好甜而人參就偏苦，兩樣都係滋補嘢，冬天食更加warm成隻雞咁上，要花啲功夫自行拆肉拆骨雞中間釀入咗少少糯米🍚拆開完之後啲糯米入咗湯，變咗粥，唔係真係太試到佢味道雞算多肉，但質感偏鞋同埋欠缺雞鮮味▶️ 純豆腐湯 ($118)雖然叫純豆腐，但原來入邊仲有海鮮有蜆肉、一隻蝦等豆腐好軟身，食落幾滑同埋好索湯，送白飯幾啱呢度啲白飯唔錯🍚偏黏身但有質感湯底紅卜卜以為好辣，點知唔食辣嘅我都接受到，帶有少少蟹鮮甜味道整體呢個豆腐湯唔錯嘅，不過細份咗啲🤏🏻-要喺香港搵好食嘅韓國菜唔容易即使由正宗韓國老闆主理，味道都仲有進步空間😬除咗炒粉絲好食啲之外，其他都好一般環境比較細，坐得有少少擠迫，唔太方便多人share食物不過通風做得幾好，隔離大多數枱喺度BBQ都唔會搞到烏煙瘴氣成頭煙服務唔錯，老闆講英文，但有識講廣東話嘅侍應見佢哋用心做，老闆娘幾nice可惜性價比唔高，大概$180/人，份量偏細(尤其肉類)，五個人食以上食物只有6成飽，最後都要食返個甜品
繼續閱讀
紅磡正宗韓國料理，韓國嘢少不了燒肉炸雞🤓先嚟開胃前菜有蘿蔔菠菜同埋泡菜😙燒肉方面呢度提供咗唔同嘅set啱晒兩個人到四個人嚟食～我哋今次叫咗set C 主要提供牛肉同豬肉🐮🐷例如有調味嘅豬肋骨，牛五花，烤豬牛五花，豬頸肉～仲有茄子腸仔芝士雪耳等等，好豐富！🤩配上醬汁就更加出味，分別有燒肉汁辣汁同埋鹽～或者可以將燒芝士連埋豬頸肉一齊食😈set當中最鍾意就係呢一個調味牛肋骨，好大一條需要鉸剪展開😛牛味好出唔需要另外點醬汁已經好惹味😋另外少不了炸雞！份量比想像中多，脆炸嘅外皮同鮮嫩嘅雞肉配上甜甜酸酸嘅醬汁😙有韓國嘅味道👅海鮮純豆腐湯，熱辣辣十分足料，有各類海鮮，豆腐好滑身，食得辣嘅朋友表示都算有啲辣既！🤓食韓國嘢，再加上呢個忌廉梳打或者配上一個啤酒爽一下😝
繼續閱讀