影片
港鐵油麻地站 A2 出口, 步行約7分鐘
繼續閱讀
附加資料
$20 即可成為1年會員，附送30款甜品(包括焦糖布丁、雪燕燉奶)，另有到會及包場服務，詳情請向店員查詢
營業時間
星期一至日
11:45 - 21:15
以上資料只供參考, 請與餐廳確認詳情
食家推介
相關文章
天氣凍凍地，好自然會想起火鍋。但，食素的人士，在香港要找一間合心意，也就是素食的火鍋店，實在是不容易。農曆新年期間，在網上看到了這一間《心裡有素》的宣傳，說有自助素食火鍋。我同太太就選了一個能交低小孩，可倆口子出街的星期六來試新店。可是，執筆時，小店已經頂不住租金的壓力，連後來的白武士都幫唔到幾耐，最終結業了。《心裡有素》其實是一間很普通的素食自助餐餐廳。那天來到，店員先是推介我們吃下午茶時段的素食自助餐。而火鍋，卻是自助餐價錢再 top up 上去的，所以，我們來到，就可以一口食食晒自助餐同非自助，但是任點的火鍋。先說自助餐的東東，其實可以說是沒什麼可以驚喜。因為食物的選擇，很大眾化。當中，當然有人見人愛，但有點點飽肚的素食炸點。簡單的小菜類食品，看起來似是一些大家去到佛堂參佛，佛堂內眾姨姨幣心煮出來給信眾們午、晚餐的食物出品。茶葉蛋、蒸水蛋及炒菜，，是不突出的食品。但以平平地，能令周邊素友兩餐溫飽的話，這種出品，算是 OK 既。火鍋盤未來到，我同太太就先食自助餐的東東，先把肚填好。大家都是簡單地吃幾個炸點，配以炒麵。若不是點了火鍋，這一個自助餐中，我們基本上只會吃炒麵。因為，也可以說是奈何，炒麵是眾自助餐點中，最好食的一樣東東。火鍋來了，我們選的是沙爹湯底。這沙爹湯底，看得出是自家製的。因為散發出來的香氣，有非常濃的花生香，再有的，就是芹菜的香味。成個湯底就是以芹菜同自家製沙茶醬來撐起，令我們吃好之後，不加點蔬菜了，直接喝上兩、三碗火鍋湯更開心。火鍋也是自助的，但更貼切的形容，是放題。我們在火鍋紙上剔剔剔，主要都是剔一些蔬菜及菇類。出來，就是一大盤的菜，很是壯觀的。店姨姨說，食完可以再添的，但當我們看見這一個份量，心中已經說，一盤就夠了。沙爹湯底，好配合我們所選的蔬菜及菇類。當中，油豆腐 (也就是豆腐卜)，把沙爹湯盡吸在內，味道香甜得無比。食晒所有東西之後，沙爹味仍殘留在口腔內，很是好。之後，店姨姨說仲有甜品同水果。蛋糕同紅棗糕都好好味道。尤其是紅棗糕，是純紅棗的甜味，若不是飽，我們會多吃幾件。最後說的，是飲品。好絃種飲品的吸引，都食健康。多吃了炸點，多吃了火鍋料，熱氣的話，都健康解火。當中的新會十五年老陳皮茶，是店姨姨極力推介的，不甜，但飲後立即感生津止渴。另外的鮮菠蘿蜜糖特飲、羅漢果紅棗茶同黑桑葚山楂茶，都好好。單以素食自助餐來評，就真係普通到冇得再普通了。而火鍋，雖然都是簡單食材，但所有蔬菜都夠新鮮，湯底又夠正，值得給回一個開心的讚讚。
繼續閱讀
最近天氣特別熱🥵 食嘢沒胃口，同事話大魚大肉吃多了想食D素食😄 於是收工帶同事一起到#心裡有素 打卡食放題✌️ ✌️✌️餐廳菜品款式多樣化，🎃有炸物、😋湯、👍豆漿、蔬菜、🍜炒麵、生果沙律🥗食材非常新鮮！選擇特別多，🈶幾十到菜任君挑選！😚😚色香味俱全，非常有食慾🤤 口味以清淡為主，每一款味道都唔錯👍 減肥嘅我也敞開肚食，完全沒負擔😄 我最鈡意食炒麵🤩味道唔錯，食咗兩碗👏 好抵素食養生👍👍
繼續閱讀
尊敬的餐廳負責人:你好！我寫呢個評語係為咗表達對於最近我係2023年4月30號中午黎你間餐廳所經歷既失望同不滿。我係嚟食你個IG講話有得食無限量嘅馬拉榴槤雪糕同北海道4.3牛乳雪糕，但係到咗之後發現你嘅宣傳同實際情況完全係南轅北轍！你Instagram post嘅貼文同賣既廣告都話有得食無限量嘅雪糕，但係嚟到你個鋪頭，被店員告知要follow你個account 、like同share咗你嘅post先限換一杯雪糕，仲只係得一圈，同你post嘅圖真係差好遠！呢種手段明顯係誘導消費者去你鋪頭，並且對消費者不誠實。其次，我對於您的食物味道也感到非常失望。除了雞蛋以外，其他既食物味道都非常差，完全冇我期待中既美味口感。作為素食餐廳，我原本期望你餐廳既食物能夠提供更多的健康同美味選擇，但是實際上卻給我帶來了非常差的體驗。我覺得呢個經歷唔止我一個人有，而呢樣野會影響你間餐廳既聲譽。我知道呢間餐廳曾經面臨結業危機，後尾有人注資先繼續頂到落去，我希望你能夠改善你既做法同提升食物既質素，好讓消費者可以享受到好啲嘅服務同美食，如果唔係我擔心會重蹈覆轍咋。多謝你抽時間睇呢個評論，希望你可以留意下我嘅意見，然後採取啲行動去改善啦。 祝生意興隆一位失望的顧客
繼續閱讀
心血來潮想食下素食，而呢間素食餐廳行旺角時成日都見到，所以今次一於幫襯下先。我地晚市時間入座，自助餐限時100分鐘($150/位)，中意嘅話仲可以加錢揀埋火鍋放題添，呢到寫明免收加一😁小店空間唔算好大，不過座位都唔會話放得太逼，仲有卡位可以選擇熱食區：有四季豆、蜜糖豆木耳炒蓮藕、西蘭花、蜜椒薯角、清炒菜心、蕃茄炒蛋、麵醬茄子等等、款式種類都算OK，味道水準都唔錯😁仲有蒸粟米、蒸番薯，食返食材嘅原汁原味，幾香甜👍🏻茶葉蛋：我至愛之一，煮得入晒味，蛋嘅口感亦都好好😋涼菜區：有桂花蕃茄、蕎麥麵、金針菜、豆腐，好適合食主食之前食下過下口癮先炸物區粥飯麵類鮮菠蘿蜜糖特飲+DHC維生素C：酸酸甜甜，啱晒我口味黑桑葚山楂茶：天氣開始熱，飲落幾消暑先去沙律區夾Ｄ沙律開下胃先，除左沙律菜之外，仲有粟米粒、青瓜、火龍果、西瓜、牛油果、菠蘿、蘋果等，食落都幾新鮮😋蕃茄炒蛋：幾中意個炒蛋幾幼滑麵醬茄子、蜜椒薯角：調味得幾惹味椒鹽茶樹菇、南瓜天婦羅、茄子天婦羅、秋葵天婦羅：食落唔會好重油味，炸得乾身薄脆，非常香口惹味🤤揚州炒飯、乾燒伊麵：雖然都係揚州炒飯用素食食材，但都炒得幾香口滋味，乾燒伊麵都幾有水準👍🏻大合照🤩除左自助區拎野食之外，仲有溏心蛋，素翅等不定時推出，一出爐職員就會同食客講聲，有需要就自己拎，幾特別😉臨尾當然要食雪糕先得，只要LIKE左IG就送，分別有貓山王榴槤雪糕同明治4.3牛乳雪糕，口感軟滑，榴槤味都幾出色，必食🥰間唔中食下素食，其實都幾有新鮮感，感覺又健康，仲要味道都唔錯😉補MENU
繼續閱讀
📍 心裡有素 (油麻地)油麻地廣華街38號地舖早排腸胃炎病左，戒左口，諗唔到食咩，醒起好耐冇食呢間素菜，一於食佢☺️去到發現店舖家具大翻新😍換曬枱枱凳凳，而且選色新穎，充滿活力👍除咗家具之外，佢哋而家仲新添左一部雪糕機，都係自助形式😍😍大人小朋友都愛❤️另外仲有火鍋放題選擇，變化頗大🤩🤩不過唔記得咗影相當日我哋下午茶時段光顧，但係因為時間有限，我哋無試火鍋放題，只係食返基本自助餐，人均 $70。如果加火鍋放題都係另加$20，$100有找，非常化算🤤🤤🤤食物選擇依舊多，包括熱食、小菜、冷盤、前菜沙律、炸物、粥粉麵飯、茶葉蛋、蒸水蛋、湯、水果等等，食到好飽🤤🤤除咗雪糕機，今次仲新增左糕點甜品但係無咗我最鍾意嘅蜜糖蕃茄，呢度有啲可惜！！今次食物相對refill唔算快，對比上次較慢，始終這個時段人流較少，都是正常。食食下見到餐廳有塊牌記錄住送出愛心飯盒數目，即時感到人間有愛，估唔到佢地仲堅持到而家👍👍💯💯💯#愛心餐盒 #愛心餐廳 #自助餐 #素食 #素食自助餐 #旺角廣華街 #旺角美食 #慈善餐廳 #yummy #vegan #vegetariandiet #mk #foodie
繼續閱讀