影片
港鐵沙田站 A3 出口
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
♡ ♡ ♡ ♡ 沙田 - 鳴虎拉麵♡ ♡ ♡ ♡ 『初嚐知名連鎖拉麵店』去完日本旅行心思思好想再食拉麵今次近近地試吓屋企附近嘅拉麵店先位於沙田一田熟食區嘅位置有間細細嘅鳴虎拉麵每個月都有做緊唔同嘅優惠好似我去呢次就係12:00-5:00 送餃子3隻或汽水🔹黑鳴虎 $88 博多黑蒜油拉麵🍜最鍾意食濃味拉麵 特別係黑蒜油嘅香氣食落超濃郁 仲有隻溏心蛋🔹綠虎 $88四國香葱油拉麵🍜香葱量多 基本上舖曬喺拉麵上相對上湯㡳較多油 但食落冇太油膩感可能啲葱減咗油膩感～豚肉都偏大塊 亦都軟林🔹芝麻雞翼即叫即炸 咬開仲出緊煙好香脆 食完想encore ~◆*．◆*．◆*．餐廳資訊◆*．◆*．◆*．📍 鳴虎 (新城市廣場三期) (沙田)沙田沙田正街18號新城市廣場三期1樓一田百貨內喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee沙田🔎發掘同類美食：#ee拉麵#hkfoodie #hkfoodblogger #instafood #hkblogger #hkkol #沙田美食
繼續閱讀
兩隻小豬放學話去Dino Park玩，玩完超肚餓！家姐話想食飯但係細佬想食麵🤣於是我地衝左去鳴虎啦，因為我記得嗰度啲拉麵同飯都好食，而且價錢非常抵🤩🍛鳥取照燒雞扒丼 $58雞肉完全無嚡口！滑嘅😍同埋嗰醬汁加埋啲芝麻，紫菜超香口，我哋三個一啖接一啖不斷食，成個飯超快俾我地KO晒😂好味👍🍜蝦味噌豬骨湯拉麵 $88蝦味噌豬骨湯底好濃郁🤤本身鍾意海鮮味道湯底嘅我唔住連湯都想飲埋！🍜日本魚乾豬骨湯拉麵 $88 同蝦味嗯噌豬骨湯一樣好味道🥹好難分勝負🥹呢個Barry超鍾意，佢未試過自己一個人仔食晒成碗拉麵⋯今次係第一次！Bella Barry話好鍾意呢度啲叉燒，林GG唔會咬到口都攰🤣因為好啱佢哋胃口❤️出奇地呢餐兩隻小豬食得好快，原本佢哋見到有餃子同雞翼都話想再食，不過又好想返去Dino Park玩多轉，下次再試啦👅
繼續閱讀
下午去新城市廣場三期的一田超市買了好多東西，順便在鳴虎拉麵吃野。本月有好大優惠，星期一至五12點至5點吃拉麵只要68元，平左二三十元，仲要送三個餃子或者汽水，好抵！蝦味豬骨湯拉麵湯底是由豬骨熬製而成，又增添了蝦味，散發出撲鼻而來的濃郁湯香，麵條彈牙有嚼勁，吸附醇厚的豬骨蝦味湯汁。還有兩塊大片肉、絲絲黑木耳和一片大紫菜。薄燒鰻魚丼一大片燒烤過的鰻魚質地柔嫩，肉質鮮美，醬汁淋在鰻魚上，帶有一絲絲的甜味和微妙的鹹香，鮮美的鰻魚汁淋在飯上，鹹香在口中蔓延開來。芝士魚條拼魚餅魚餅三角形，魚條條狀，都好有魚肉味，外層金黃色裡面嫩滑彈牙，最好味就是裡面夾了香濃誘人的芝士，口口都惹味！肉餃子煎炸餃子香脆，肉馅香嫩多汁
繼續閱讀
簡單黎講 就係普通food court質素拉麵 不能要求更多唔好期望會有專業拉麵舖既水平完全唔係果回事一碗辣味拉麵$98 但都真係幾難食無論湯同麵質都唔合格湯底味道無層次 唔夠辣衰過出前一丁麵質都煮太稔口感相當麻麻溏心蛋醃得唔夠入味食落似煮野食新手整出黎既味唔似專業拉麵舖既溏心蛋收銀態度都唔太好 好唔耐煩咁 無乜禮貌座位就擠逼 坐得唔舒服不過呢個係一田設計問題食完一次唔會再食唔明點解咁多好評 係咪其他味會好食d 好多人好似讚蝦味噌
繼續閱讀
叫咗兩個麵，一個日本魚乾豬骨湯拉麵，一個蝦味噌豬骨湯拉麵。味道一般，好鹹，冇冰水，冇調味料，完全冇得調整味道。叉燒應該想做炭燒味，但變咗苦澀味。收銀個樣黑口黑面，可能係我錯覺，但尤其取餐時，不停叮叮叮，好似攞慢少少都唔得。不過問佢攞水同攞筷子嗰時又冇乜嘢。另外見到個指甲鉗，唔太開胃。總括而言，不要貪平，而且天生環境唔好，建議俾貴少少去第二度食。
繼續閱讀