影片
開飯介紹
主打新派越南菜，菜式創新精緻，把不同元素融入越菜中，如加入海膽製作越式小食；而招牌菜則有椒鹽軟殼蟹、生牛湯河粉等。
繼續閱讀
附加資料
可以 whatsapp 54268991 落單
營業時間
今日營業
11:30 - 23:00
星期一至四
11:30 - 22:00
星期五至六
11:30 - 23:00
星期日
11:30 - 22:00
以上資料只供參考, 請與餐廳確認詳情
有關獎賞計劃
最近香港不停落雨，仲上升至黑雨，咁就決定求其喺附近搵啲嘢食。見到呢間舖頭仲有開，於是就入去食啦。之前都去過去荃灣分店，但喺見今次嘅menu都好唔同，唔知佢係咪會定時定候更換嗰餐牌內容。今次我就嗌咗: 1️⃣越池鹽燒原條鱸魚($168): 煮法係用鹽包住成條鱸魚，再用多一層錫紙包住去焗，焗嘅時間啱啱好！2️⃣原隻大蝦冬陰功湯($138) : 首先要俾個like喺隻蝦度隻蝦好大隻🤣🫶🏻 第二呢就係個湯有少少辣幾開🙆🏻♀️3️⃣招牌去骨海南雞配黃薑飯($79): 件件雞都好大舊🤣4️⃣椰汁紅豆冰($33)5️⃣椰子沙冰($38)最後仲要提一提，店舖入面裝修設計都比較盞鬼，牆上都貼有唔同嘅標語，大家去到可以留意一下🙆🏻♀️
繼續閱讀
沙田有越南嘢嘅地方我諗都唔係算太多，喺位於沙田圍站附近勵城花園😲😲😲，有間用越南菜做主題嘅，💗💗朋友上網見到跟住就話諗住同我去試下請我食🫶🫶🫶🫶去到嘅時候發現餐廳都唔係話特別細坐落都幾寬敞我哋叫咗越南蝦餅🥰🥰豬頸肉拼豬扒飯🐷🐷豬軟骨🐷🐷仲有叫咗個燒雞🐔🐔蝦餅食落去qq彈彈煙煙韌韌香口無比💗豬扒豬頸肉飯個泰國香米配上呢個椰漿飯口感非常好蜜糖豬軟骨甜甜蜜蜜，連甜品都唔使嗌🥰🥰火焰烤雞都不過不失💗
繼續閱讀
從外面見到呢間餐廳裝修幾有特色，好有越南風味，牆上貼咗好多特別海報同字貼，就決定入去一試，果然夠曬特別同正宗，每道菜份量都好足料👍🏻胡志明市牛豬蕃茄湯檬粉 $108入面有生牛肉+烤牛肉+豬頸肉+豬扒，啱曬中意食肉嘅我。烤牛肉同生牛肉最好食，牛味同口感💯蕃茄湯底用鮮蕃茄熬製，超濃郁，忍唔住飲曬啲湯😛手撕雞扎肉椰汁酸湯檬粉 $85酸湯味道鮮明，夠酸夠開胃，啱曬鍾意食酸湯嘅人，仲滲透咗淡淡椰香。手撕雞肉好嫩，口感好滑。檬粉好爽口，軟硬度啱啱好，好索湯汁😋小食拼盤A $149份量夠幾個女仔share食，拼盤有春卷、手撕雞檬紙卷，裡面係碎檬粉，外面個紙卷十分煙韌、烤豬頸肉，外皮超脆同香口、同埋黑糖鳳爪沙律，鳳爪好爽口，食起上嚟都好方便唔使掠骨～椰汁紅豆冰椰香味濃郁，紅豆粒粒分明，唔係好沙個種，唔會過甜，十分解渴😇#devietson #越男仔 #越南美食 #越男仔沙田店 #沙田美食
繼續閱讀
Happy Friday 同老公去越男仔食餐好，老公點左火車頭河粉，居然有5款牛：牛丸、生牛肉、牛筋、牛栢葉、烤牛肉，岩曬鐘意食牛既人😍我地覺得烤牛肉最好食，烤得好香。平時食越南野食完都好口乾，但越男仔個河粉湯底偏清淡，無咩味精，食晒成碗都好舒服，如果鐘意重味d可以自己加青檸、辣椒等調味，餐廳有提供。我點左蝦餅拼豬頸肉撈檬粉，豬頸肉＆蝦餅都煎香左邊位，岩岩好無燶，勁好食。魚露咸味適中，配菜生菜都好新鮮。小食點左三色檬紙卷，雞肉、三文魚、蟹肉卷，每樣有兩件，唔洗爭😂 雞肉＆三文魚都用火槍燒過，入口超香，檬紙卷偏淡味，平衝返成道菜。蟹肉都超多，完全值回票價。蟹肉上的醬汁好辣，我唔太識食辣，如果落單前職員可以問一問要唔要辣汁就更好☺️
繼續閱讀
🇻🇳越食餐牌好精彩🇻🇳-陪朋友喺沙田城門河一帶散完步 已經到飯點 揀咗間平靚正越南街坊小店坐低-🍢串燒牛肉呢度有超多款越式小食 之前食過自家製蝦餅同芝心🧀蝦多士 今次order傳統串燒 牛肉充滿炭香 有厚度嚼勁夠 最正嘅 就係面頭勁多粒粒花生🥜沙嗲醬😋- 🐟越式䱽魚即焗原條䱽魚大概要等20分鐘 香焗呢種烹調方式雖然保留魚肉濕潤同温度 魚腥味亦唔輕 橙色醬汁顯得九唔搭八 配魚露豉油仲惹味-🥬石鍋啫啫生菜席前將唐生菜炒熟 吱吱聲熱度好夠 馬拉盞香噴噴 味道濃同埋幾辣吓-☕️龍眼蜜清甜滋潤 底部好多龍眼肉-🍹雙檸香茅薑蜜青檸加檸檬🍋 綜合酸澀味濃 香茅味反而好淡-📍越男仔沙田沙田圍路1-7號勵城花園地下1號舖#devietson #越男仔 #越南美食 #越男仔沙田店 #沙田美食
繼續閱讀
您可能會有興趣的...