影片
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
今日同屋企人係商場行完街之後，去咗呢間位於沙田嘅二鍋頭餐廳度打邊爐～餐廳位置方便，環境舒適🥰加上飲品、火鍋配料同雪糕嘅種類都好多，好值得一試！我哋選擇嘅係B餐嚴選安格斯牛🤤每個人都只需要$268！價格非常實惠✅仲有豬手煲、雞煲、秘製牛尾煲可以食～而我哋就試咗雞煲同牛尾煲。秘製火焰牛尾煲呢個牛尾煲非常特別！店員擺放左牛尾煲之後會灑上白酒燃燒起火焰🔥視覺效果好有驚喜😍經過翻炒後，香味更加撲鼻而來😋除咗好睇味道更加出色！牛尾感覺很新鮮，肉質鮮甜，加上秘製嘅牛尾煲醬汁，更加是絕配～簡直是色香味俱全！二鍋頭惹味雞煲之後我哋就試咗佢嘅雞煲～味道啱啱好，唔會太鹹或者太淡味，雞煲配料再加上嫩滑嘅雞肉，真係令人一試難忘！好值得嘗試😍養生滋補鷓鴣鍋店員上左呢個鷓鴣鍋之後，第一時間叫我哋嘗試個湯底！湯底清甜可口，大人同小朋友都會鍾意🥰加上任食嘅火鍋配料，係一次完美嘅火鍋體驗❤️🔥 十分滿足！安格斯牛小排安格斯牛小排係火鍋必備嘅東西！二鍋頭嘅牛肉非常新鮮🤤味道濃郁、口感豐富！安格斯牛板腱好值得嘗試！！❤️🔥肉質鮮甜可口、肥瘦適中～整體來說，我認為呢間火鍋店性價比高、好值得推介！😋店員服務態度都好好，令人很有親切感～有機會一定要試一下！
繼續閱讀
週末來到沙田逛街，好運中心翻新之後環境好咗，引入人氣食肆，當中發現這家二鍋頭，尖沙咀同旺角都有分店，雞煲牛尾煲火鍋放題性價比高。B - 嚴選安格斯牛 $268/成人二鍋頭 120分鐘晚市 火鍋放題，最特別可以任食牛尾煲、豬手煲、雞煲。食完仲會換㷛上湯底，然後吃火鍋。除了汽水飲品，最後還有雪糕作甜品，啱晒鍾意食肉同埋蔬菜的人，還有完美的甜品作結。秘製火焰牛尾煲二鍋頭有惹味秘製火焰牛尾煲，因為肚子有限，下次多啲朋友嚟先再試埋雞煲 、黑椒豬手煲 。店員先上牛尾煲，平時真的少見，即席灑上白酒煮起火焰，視覺上的享受。再快炒香味噴出來，色香味俱全。火焰牛尾煲醬汁惹味，味覺上有酒香，香濃鹹香，微辣的牛尾口感真的不錯，很快便給我們K.O.了。羊腩煲 $88天氣突然驟變冷，朋友提議追加羊腩煲，暖一暖胃，值得一試！羊腩煲材料非常豐富，羊腩用料高質，脂肪分佈平均，口感軟滑，羊腩香氣四溢，重口味的可以沾上腐乳醬同吃。配料正宗，有支竹冬菇春筍，吸收羊腩汁的精華，超級好吃！養生滋補鷓鴣鍋 $68餐廳有提供共 9 種免費湯底，清湯和濃郁味道都有，我哋平時冇住家湯飲，所以想upgrade試吓養生滋補的鷓鴣鍋，阿媽話好補身的，也是店裏的特別推介！每日限定養生滋補鷓鴣鍋，售完即止，特別有驚喜！湯底滾起後，先飲湯，有圓肉杞子，淡淡的中藥香氣，半隻鷓鴣可以食肉，回甘散發出來有香甜味。火鍋放題飲完湯係時候動手食牛肉，用QR code落單，點選我最愛的牛肉同埋海鮮。再到雪櫃自取蔬菜丸類，鍾意食出前一丁都有喎！我一心喜歡食牛肉，安格斯牛板腱必吃，口感柔軟，嫩滑牛香。另外封門柳也非常好食，口感厚實，肉味濃郁而且多肉汁。海蝦鮮甜、墨魚爽口，水餃新鮮嫩滑，味道不錯。蔬菜也很新鮮，吸收有益湯底，健康美味。配料質量好高，款式又多。甜品汽水啤酒、汽水，雪櫃任取。仲有香港製造雪糕，可以任食。
繼續閱讀
發現這家火鍋放題，可以任吃牛尾煲、豬手煲、雞煲，吃完再吃火鍋，還有雪糕甜品，食肉獸也大讚，能吃又愛吃肉的人，一定吃到賓至如歸！先來牛尾煲，放題來說真的少見，有職員為你即席灑酒、起火、再炒，看著火在牛尾煲裏燒，並把醬汁收乾，炒出來色香味俱全，是視覺與味覺的享受，這才知道，世上除了紅酒燴牛尾，還有用雞煲的煮法，煮出香濃惹味醬汁，鹹香帶微辣的牛尾，真的整盤吃清光。由於牛尾真太好吃，對這裡有信心了，於是加配羊腩煲！材料依然豐富，羊腩脂肪和肉分佈均勻，用料上剩，未吃已聞到羊腩騷香，吃下又不覺咸，想再咸些就加些腐乳醬，口感軟滑的羊腩，配支竹、筍、冬菇，真的是超好吃，大大塊冬菇吸收湯味，筍又爽又香，這個羊腩煲值得一試！ 。吃完兩個煲飽了嗎？不，還有火鍋，很多肉類配料都不錯，食肉獸要留肚了。特別推介的養生滋補鷓鴣鍋，是每日限定數量，售完即止，有點中藥材香，要待湯底大滾，有香甜味道散發出來，才是最佳湯味。因為有圓肉杞子又有半隻鷓鴣，煮出來味道清甜，完全不覺得是藥材湯。安格斯牛板腱是這個餐必吃的，好吃在於口感嫩滑柔軟，又有牛香不肥膩。另外白鱔片非常好吃，鱔香沒有泥味，新鮮嫩滑。活海蜆粒粒開口，加在湯裏吃煮完更鮮甜。鳳城水餃味道不錯一口一粒不會太飽但有肉香多汁；鮮蝦雲吞也不錯，蝦肉新鮮爽口，又不會太大粒。凍豆腐非常滑，感覺入口即溶，配藥材湯味，原來也很夾。蔬菜和丸類在自助區自取，款式多，也很新鮮。娃娃菜煮在藥材湯很能吸收湯味，非常好吃。萵筍爽口，芋絲更加是火鍋必備，最能吃出湯的精華。這頓晚飯真的吃到很飽，火鍋配料質量高、款式多，都很吸引，三款煲任吃，味道又好，加配羊腩煲也覺得值得一試。
繼續閱讀
💁♀️💁♂️ 31/01/2024(Wed), Dinner🍽沙田嘅好運中心經過翻新之後，商場嘅環境好咗之餘，亦都引入咗唔少嘅食肆。🙋♀️為食妙妙同🙋♂️A先生今晚放工後就去到沙田搵食，平時通常就去新城市廣場比較多，今晚就去隔離嘅好運中心睇睇翻新後有乜好食先😋😋😋。行完一輪，最終我哋選擇咗去🔥二鍋頭食火鍋🍲放題，見佢價錢吸引，裝修都整潔舒服，一於試試好唔好食先！而今晚我地order咗：🔆 120分鐘晚市火鍋🍲放題（B - 嚴選安格斯牛）（$268/person）放題本身有二鍋頭惹味雞煲 、黑椒豬手煲 、秘霎火焰牛尾煲同9種免費嘅湯底，由清湯到川式、泰式、甚至越式都有，總有一款岩你心水。不過今次我哋見到有羊腩煲可以用$88加配，天氣仲係乍暖還寒嘅情況，一於整返煲🍲嚟暖一暖身先😋😋。落單後羊腩煲好快就送上，當然都會跟埋畫龍點睛嘅腐乳醬。雖然只係放題嘅火鍋🍲店，但呢煲羊腩煲絕對係交足功課👍👍👍👍，汁料濃稠而味道濃郁入味，羊腩炆得夠火候，夾起見到係連皮帶骨嘅腩位，入口腩骨輕輕一咬就已經骨肉分離，腩肉夠腍但又唔會好鬆散，加上應有嘅配料如馬蹄、筍、枝竹、冬菇、竹蔗等，絕對比得上酒樓餐廳幾百蚊一煲嘅羊腩煲❤。🙋♀️為食妙妙同🙋♂️A先生試過喺第二間火鍋🍲放題店加錢轉配嘅羊腩煲就同呢度差天共地，嗰間嘅羊腩煲最多只能稱之為羊腩湯底，湯汁水汪汪之餘亦唔夠味🙅🏻♀️🙅🏻♂️。食到咁上下就可以加湯去火鍋，食嘅時候記得要留意電磁爐嘅火力，因為個汁都比較濃稠，較易會煮乾水，要留意返適當時候去加返湯。餐廳內有雪櫃主要有蔬菜🥬、菇🍄類、丸類等可以自取，另外亦可以用QR code落單點選肉類🥩同海鮮等等。值得一提嘅係我哋叫咗幾轉安格斯牛板腱同封門柳，每次嚟嘅肉類都切得比一般放題店為厚，食落口感比較充實，肉味濃郁亦比較能食得出唔同部位嘅質感。其他比較特別嘅係有得點雞子、白鱔等，唔係咁多火鍋🍲放題店有提供，岩晒喜愛雞子嘅🙋♀️為食妙妙，其他配料如鵝腸、牛柏葉、墨魚🦑仔等等應有盡有，而且都新鮮好食。飲品主要都係🍻啤酒、汽水同茶類飲品，放喺雪櫃自助任取；最後仲有雪糕櫃可以任食雪糕；一個價錢有得食雞煲/豬手煲/牛尾煲，仲可以食埋火鍋、甜品同飲品，食足2個鐘性價比超高。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：9/🔟❤🙆♀️(為食妙妙)整體食評：8.5/🔟👉🏻 一個價錢有得食雞煲/豬手煲/牛尾煲，再加埋火鍋放題，性價比超高👉🏻 喜歡食羊腩煲嘅絕對值得加錢去轉，足料好味👉🏻沙田分店仲獨有午市火鍋放題，而午市放題有90分鐘 或120分鐘火鍋放題可供選擇A先生車友指數 🚗🛣️ 交通容易指數：🚗🚗🚗🚗🚗(5/5)🅿️ 泊車容易指數：🚗🚗🚗🚗🚗(5/5) 👉🏻 好運中心本身有停車場🅿️，購物或者飲食都可享泊車優惠；或者隔離嘅新城市廣場都有停車場🅿️👉🏻 沙田站沿住商場過嚟都係大約5分鐘路程，港鐵、巴士、甚至小巴都有唔少選擇🔆🔆🔆🔆🔆🔆🔆🔆🔆🔆🔆🔆🔆
繼續閱讀
成日經過呢一間舖頭都未有機會食，終於等到今日朋友day Off一齊試！地方夠大夠乾淨，店員安排我哋坐卡位，好舒服！醬料同埋丸類飲品蔬菜即食麵都可以喺外面自己慢慢揀！見到有黑椒豬手煲同雞煲都係任食！另外火鍋配料都係任點！太吸引啦！香濃黑椒豬手煲份量唔算多，啱晒我哋兩個女仔食完仲可以有位食火鍋，黑椒味道惹味，有小小蜜糖味甜甜地，而且上枱嗰陣店員會再幫我哋爆炒一下，超香黑椒味！每一啖都軟軟滑滑，充滿着骨膠原，啱哂女仔啊❤️雞煲雞肉肉質細嫩，味道可選擇大、中、小、微和走辣，風味十足，雞煲又香又惹味！最驚喜係雞煲，原來可以有埋鳳爪，炆得好淋好入味！享受完雞煲之後，就可以有新煲食火鍋❤️色彩可以自己在移玉步去外面夾自己喜歡的，蔬菜、丸、菇類應有盡有，另外肉類就喺app裏面自己落，非常抵食！火鍋湯底，我哋揀咗越南牛肉湯，湯味濃郁夠清甜，用來淥招牌安格斯牛肉啱晒！完全唔會搶咗牛味！我哋食之前都飲咗一啖湯先，九層塔、香葉味道都好香，每一啖都品嚐到濃濃的牛湯精華！推介！安格斯牛版鍵同封門柳牛味都好濃，配埋呢個越南清湯越食越好味啊！飲品方面我地簡左檸檬紅茶同凍頂烏龍茶，味道相當清新，很易入口，解渴解膩一流！最後試咗呢一個奶茶雪糕，紅茶☕️有回甘味，唔係死甜，推介！
繼續閱讀