影片
港鐵旺角站 B3 出口, 步行約3分鐘
繼續閱讀
電話號碼
27050022
開飯介紹
來自韓國的過江龍餐廳，裝修設計參考韓國當地，約80個座位，適合多人聚餐。醬汁由韓國直送，以做到原汁原味。招牌菜「鳳雛燉雞」，有細、中、大辣可選，可供4-6人享用。
繼續閱讀
營業時間
今日營業
12:00 - 15:00
17:30 - 22:00
星期一
17:30 - 22:00
星期二至日
12:00 - 15:00
17:30 - 22:00
公眾假期
12:00 - 15:00
17:30 - 22:00
公眾假期前夕
12:00 - 15:00
17:30 - 22:00
*最後落單時間: 22:00
以上資料只供參考, 請與餐廳確認詳情
有關獎賞計劃
第一次試韓國的鳳雛燉雞，好多評論話好正宗，但見佢黑蚊蚊，唔知好冇食，但食落又幾有驚喜喎👍❤️😍一上菜就嚇親，因為好大好大碟，我哋仲諗緊兩個人食唔食得晒🫣🫣🫣我哋另外追加咗魚糕同魚蛋，廚房會將一次過加埋落去，一齊吸晒啲味👍👍細心啲食，甜辣的味道充滿味蕾🔥我哋叫咗小辣，自問都算食得辣，不過小辣都算幾辣，好彩外面有自助水吧任飲水，可以解辣，值得欣賞😁😁一大盆的Jjimdak,入面包括無骨雞、薯仔、洋蔥、紅蘿蔔、青瓜、辣椒、冬粉，其實都幾足料😝味道👅唔錯，我同朋友都覺得愈食愈過引，食左一半開始有啲上引😍最緊要係雞件唔係比雞扒，真係去左骨的雞，誠意十足，而且雞唔會太鞋，都算淋得來有啲嫩滑❤️餐廳環境都唔錯👍上到去係外國店員接待，全程都幾有禮貌，仲竟然見到OPPA🫢 如果上去食建議預約，我哋6點上去大把位，到左6:30左右就超多人，所以留定位安全啲😛整體而言，因為間野都係樓上幾唔顯眼，但韓國安東雛雞真係幾特別～可以搵日上去再試埋其他野☺️🏠旺角彌敦道726號10樓#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食
繼續閱讀
彌敦道726號基本上每一層都有食肆，而鳳雛燉雞係我一直都好想試嘅，但係之前walk in 太多人所以食唔到😢今次我聰明咗，book定位先，終於食到啦😍餐廳喺10樓，坐喺窗邊卡位可以居高臨下睇到旺角繁華嘅景色🏙️環境寛敞光亮，裝修同餐具🍴都好有韓國🇰🇷傳統風格我地叫左：👉🏻✨鳳雛燉雞（無骨）✨$248鳳雛燉雞係餐廳主打，梗係要試下啦🤭除左本身有嘅燉雞🐔洋蔥🧅青瓜🥒蘿蔔🥕薯仔🥔同跟一人份嘅冬粉，亦可以加其他配菜，仲有得揀辣度添😚我地揀左小辣🌶️仲加左份魚糕魚蛋；－上枱，燉雞大碟到嚇親我😮主角- -無骨雞件同作為配角嘅蔬菜🥬都十分足料，一人份嘅冬粉都唔惹少；醬汁咸咸甜甜又濃郁，小辣程度更係啱晒我地😍食到好鬼過癮😋所有食材都燉到入哂味👍🏻雞肉🐓嫩滑，魚糕魚蛋都好彈牙、好好味🤤但最驚艷嘅絕對係索晒啲醬汁、雞🐓同蔬菜精華嘅冬粉😍即使浸泡喺醬汁度到最後都仲係煙煙韌韌，口感超好👍🏻簡直係直擊靈魂嘅好食😋我地仲忍唔住加多左份冬粉添🤭✨牛肉紫菜包飯✨ $78牛肉紫菜包飯份量同用料都好足😍牛肉🐮同蔬菜🥬配合得好好👍🏻牛肉有咬口蔬菜亦爽脆清甜，令口感豐富之餘仲有層次🤤灑喺包飯上面嘅白芝麻更係點睛之筆🤩令包飯嘅味道更為出色🤭✨藍檸梳打✨ $32藍檸梳打嘅藍似海又似天空，加埋似救生圈🛟又似太陽🌞嘅檸檬塊🍋夏日氣息拉滿📶打卡一流📸飲落口亦都好正👍🏻唔會太酸亦唔會太甜，酸酸甜甜咁加埋梳打嘅汽感，超夾💯✨青提梳打✨ $32青提梳打杯底滿滿都系青提果肉，味道清新到不得了，有得飲仲有得食簡直perfect 😍同藍檸梳打擺埋一齊影相📸仲好靚添🥰平時食開韓國菜都比較少食燉雞嗰啲，今次－試令我打開左食韓國菜嘅新世界🌍餐廳無論食物🥘定係服務態度都值💯唔只以上叫嘅菜式同飲品🍸就連前菜（泡菜、豆芽、醃青瓜）都好出色，絕對係可以encore嘅選擇，下嚟仲要試埋其他菜式先😋🐔鳳雛燉雞📍旺角彌敦道726號10樓港鐵旺角站B3出口,步行約3分鐘
繼續閱讀
🥘🍙🍴本身唔係太鍾意食韓國嘢 就係有次喺韓國食咗燉雞 紫菜包飯 好味到顛覆咗我對韓國嘢嘅諗法😂所以喺香港都會想試吓 呢間之前晚上幾次經過walk in 都太多人無食到 今次就試吓中午嚟食啦！鳳雛燉雞 顧名思義又係餐廳主打 $198（Lunch 係有20%Off架🤭）叫咗原味 唔辣的 超大碟 本身都仲想叫多啲嘢食 好彩職員提醒 所以等佢嚟到睇吓嗰份量 不過都另外加咗魚蛋魚糕 .. 我諗應該四個人分享就差唔多啦🤣另外嗌咗個Lunch set 牛肉紫菜包飯 $60 連前菜（泡菜、豆芽、醃青瓜、仲有最鍾意嘅海帶湯 清清地不錯哦）扺食架 其實一個人食已經飽左🤫-餐廳資料 : *鳳雛燉雞 Bongchu Jjimdak*地址：旺角彌敦道726號10樓
繼續閱讀
鳳雛燉雞呢道菜果然名不虛傳，左傳統安東燉雞作法，用醬油燉煮雞，雞肉嫩滑又juicy，配料又夠多，有紅蘿蔔，青瓜同埋冬粉，吸收哂湯汁嘅精華，真係食得好滋味！另外仲加左個石頭鍋飯，跟傳統一樣有大量紫菜絲，蘿蔔絲，牛肉，大豆芽，冬茹絲，煎蛋，撈埋韓式辣醬同吸收哂醬汁嘅味道，加埋口感豐富，真係好惹味，食到停唔到口！石頭鍋飯撈少少燉雞嘅湯汁都好好味，味道好夾！前菜有泡菜，青瓜及大豆芽，夠哂開胃，仲要可以任添！
繼續閱讀
旺角都有唔少韓式餐廳，蘑菇食韓餐多數都係嗌炸雞，咁啱聽聞旺角有間韓式燉雞喎，好奇係咩黎架呢～於是同男朋友一同前往一探究竟餐廳位於彌敦道726號10樓，旺角站B3出口行三分鐘左右就搵到。餐廳闊落有致，亦設有窗邊梳化位，可一邊用餐一邊望下啲街景。餐廳內都會播下抒情韓文歌，伴隨嗰日濛濛細雨，別有一番情調～🥘鳳雛燉雞（$248）超大份燉雞，二人食完全綽綽有餘，唔只有大大塊無骨雞件，也配搭足料薯仔、青瓜同紅蘿蔔。有三種辣度選擇，我哋揀咗小辣，已經足夠辣，好過癮，雞肉燉到嫩滑，冬粉索晒湯汁，勁惹味😋🌯牛肉紫菜包飯（$78）飯卷包到好實，完全唔會散開，因為米飯好軟糯，蘑菇覺得呢一點對於合格的紫菜飯卷黎講好緊要。配料包括烤牛肉、青瓜、紅蘿蔔、韓式蘿蔔乾、蛋絲等，比例恰到好處🍸Somersby Rita（$68）Apple cider倒入裝滿碎冰的容器中，消暑解辣一流～好啱兩個人share黎飲
繼續閱讀