影片
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關獎賞計劃
天氣涼涼地, 想和家人吃火鍋, 原先用openrice訂座, 不過去到見到好多位, 所以都無確認到openrice訂座和優惠, 見到敢多吉枱, 心諗係咪敢差, 我們比安排坐在好闊落的卡位👍, 佢個度有三款套餐, 我哋揀左最平的套餐308元一位, 用QR code落單, 係肉有分別, 其他食物也一樣, 我哋揀左椰子雞湯同雜菌湯, 不過要另加48元, 開頭試左啖湯, 果然好濃味👍, 之後家人食安格斯, 我食豚肉, 其實也不錯, 每枱送一碟咸蛋黃魚皮, 不過我個人怕熱氣, 所以家人幫手清晒佢, 叫左手工雞軟骨餃, 手工韭菜餃, 魚皮餃, 流心小籠包, 香芋貢丸, 南瓜, 冬瓜, 萵筍, 冬瓜片, 芫茜燒賣, 蝦, 鱔, 脆肉骨腩, 花膠, 紫薯, 油麥菜, 菜心苗, 蕃茄, 黑松露墨魚滑, 鴨血, 帆立貝, 全部質素都唔差, 韭菜餃皮薄料多👍魚皮餃,流心小籠包同芫茜燒賣的味道也不錯😚, 花膠似花膠, 唔係魚肚, 蕃茄有酸甜味令我叫左二次🥰, 蝦也好大只同新鮮😋 或者創興太多吃火鍋的地方, 依度無限時, 食材質素同環境也唔差, 又有冷熱飲品, 罐裝汽水冷泡茶👍其實一d都唔差, 值得去食😍
繼續閱讀
今天和朋友慶祝生日，去了呢間火鍋店，這裡的裝潢簡潔、乾淨，店內的燈光溫暖柔和，地方闊落，讓整個空間顯得格外舒適。他們提供了多種湯底選擇，主打藥膳養生湯底，同時亦有蕃茄湯、壽喜燒、麻辣湯，每種湯底都有其獨特的風味和特色，讓人難以抉擇，最後還是選擇了藥膳花膠湯底。這種湯底滋陰之餘，還可以補充骨膠原養顏，補身之選！這裏食料的新鮮度令人有非常好的印象，蔬菜菇類色澤鮮豔乾淨，而選擇的美國prime grade 極上牛頸脊加西班牙伊比亞黑毛豬新鮮且切片均勻，兩者肌肉多較結實，肉味亦比較濃，非常啱我們的口味！食多多都不怕太肥！丸類款式應有盡有，粒粒都爽口彈牙，食得出新鮮而用料十足。特別推薦墨魚滑，除了手打墨魚漿還少見地混合的粒粒分明的墨魚粒。飲品方面有大量的自家製冷泡茶，梳打飲料，亦有提供熱飲，暖飲，十分貼心。其中我比較喜歡烏梅山渣茶，不但開胃而且解膩，一飲就知用料很足。店員們全部服務態度親切，察覺到及滿足了我們的需要。美中不足，就是自己忘記了點雪糕食，只需加10蚊就可以食到movenpick/haagen-daz特別味道雪糕。整體嚟講，係一家值得推薦的火鍋店，我會再次光顧。
繼續閱讀
想晏晝打邊爐，呢間餐廳性價比高，有幾個套餐 (豬, 牛)任你簡，之後多款飲品同台式火鍋配料都係 2 小 時 任 食!!! 落單既過程，亦冇漏單，上菜都上得好快，所以呢邊食完果邊又有野食上，所以唔好睇小呢2個鐘呀~我地今次叫左個西班牙伊比利亞黑毛豬 同 美國Prime Crade極上牛頸脊，豬同牛都係定量既。兩款肉類都都唔會係好薄片，油脂分怖得好好。而湯底方面我地叫左藥膳胡椒豬肚雞鍋 拼 藥膳竹笙雜菌鍋。2個湯底都好清香，唔死咸，打邊爐湯底必點。雪糕方面就可以每位另外再+$10 有Haagen Dazs / movenpick 簡，口味都好多選擇，我地今次叫左椰子同焙茶，大滿足
繼續閱讀
今日心思思又想打邊爐，真係一年四季都岩食😍今日揀左呢間鍋霸台式養生火鍋。因為呢度有午巿定量火鍋套餐，$148-208就可以120分鐘吃到飽🤤揀左自己鐘意的肉類，再揀湯底，就可以QR code 落單再叫其他火鍋配料。🍲養生姫松茸什菌涮涮鍋職員叫我地水滾先飲淡湯，超級滋補清甜，湯底有大量姫松茸，雜菌，玉米，超足料。Prime grade 牛肩甲肉套餐$163 兩碟肉份量剛剛好！肉肩甲肉味濃，油膩感冇咁重，薄切滾兩下就食得👍🏻其他火鍋配料有成50幾種，超級推薦雞髀肉同深海魚柳😍雞脾肉超級嫩滑彈牙，魚柳都好滑身有口感，無聊encore 🤤沙白蜆都好新鮮，肉質飽滿鮮味🤤蔬菜類都有好多，有坊間少見的羽衣甘蘭，第一次煮熟黎食，好得意😆另外有好多款式的丸類，試左芝士小籠包，芫茜流心小籠包，幾有創意😆出面仲有三大個飲品櫃，款式又多又齊，自家制冷泡茶必飲！清新解渴😋最貼心係仲有熱的飲品櫃，暖心知味☺️🌟🌟總括嚟講，餐廳性價比超高，環境舒服，食得盡興👍🏻
繼續閱讀
今日喺旺角午餐老公揾咗間半放題火鍋😍每人百零蚊就食到雖然限定肉量但無限蔬菜同其他火鍋配料啱晒我哋呢啲中意多菜少肉嘅人鍋底都有勁多選擇👍🏼👍🏼今次揀咗【藥膳竹笙雜菌鍋】🍄勁爆多菇菇同食極都有嘅竹笙😍😍😍湯底偏甜，略帶淡淡嘅藥材味我哋揀咗E餐【美國極上牛頸脊拼黑毛豬】$173兩款肉都好重肉味而且質地柔軟份量好夠食整體性價比好高👍🏼👍🏼其他配菜都同樣高質每碟食材都擺放得整齊又好睇全部qr code落單唔洗成日行出去夾野食感覺方便好多，可以專心繼續食食食😂餐廳環境乾淨空間充裕仲有好多卡位舒適度滿分👍🏼另外套餐包埋任飲各式飲品每次見到排雪櫃就好興奮🤩驚喜之處係餐廳仲有暖、熱飲品提供好貼心🩵
繼續閱讀