影片
付款方式
以上資料只供參考, 請與餐廳確認詳情
工作來到旺角，時間倉促，來個快餐，今日來到貴香園。人頭湧湧的以為要等位，還好剛好有位！坐下見左右兩邊食客點的，就已經覺得很吸引！點了兩份，一湯一拌（拌的忘記拍照）。第一份是1號的小窩米線，應該也是他們家的熱門吧，酸辣湯辣度有好幾個選擇，吃辣的功力不高的我，只是點了個BB辣，好好吃！配料豐富，餸點了瘦腩肉份量足夠，香而不膩！另點了個拌麵，配料也是很足夠，特別愛吃他們的酸菜，爽口野味，開胃一流，吃好吃滿的，眨吓眼就整碗完成！
繼續閱讀
同朋友食一人一個餐 大家都係叫咗熱涼皮同埋酸辣湯腩肉松葉蟹棒腐皮角 貴香園涼皮（酸辣湯）$66腩肉食落口都鬆鬆軟軟 唔會好韌 而且都好有味 一啖湯 一口腩肉入口好正！蟹棒已經煮冧咗 但又唔會冧到散開一條條 所以咬落去食到蟹棒之餘又又酸辣湯嘅味腐皮角 一開始睇落都唔知係咩嚟 但食落先知 佢似腐皮魚蛋嘅味道貴香園涼皮（熟食）（酸辣湯）+蘿蔔+芝士腸$50蘿蔔都有四舊左右 食落去有老有嫩 老嘅真係食到好多蘿蔔絲 但嫩嘅蘿蔔又真係好入味好多汁 不過佢蘿蔔黑胡椒粉味都好重芝士腸都冇咩特別凍檸茶冇叫到少甜 甜咗少少今次係第二次食 感覺佢酸辣湯比起上次酸咗啲 我地都係叫 小小辣 食落其實唔係點辣 好啱我呢啲想食酸辣湯但唔敢食辣野嘅人涼粉就差少少 食到好兩三嘅舊都係黐埋一齊要自己咬開佢 不過佢涼粉嘅韌度都仲喺度而且唔係太薄最鍾意就係佢湯底 有花生 酸菜 芫荽蔥 芽菜 肉碎 咩都有啲咁 食麵又會有啲其他菜同肉嘅味道同口感另外店鋪真係迫咗啲 由其係多人嘅時候有人搭枱 好驚手踭撞到人 同埋出出入入 基本上有人埋緊單 後面又有人出緊嚟 要企係門口等人出嚟先入到去 所以要去食 最好揀少啲人嘅時候去
繼續閱讀
真係離哂譜！每次放工返屋企，選擇真係唔多！只有幾間鋪可以收11點幾，今次就選擇呢度，之次已經過來過幾次，都係叫碗米綫加一杯凍飲，次次來都要等20分鐘左右，係左右兩邊來左，你都未到！今次都係照舊，侍應姐姐係你面前落單，等左10幾分鐘，因為接近截單，佢行埋我面前，驚訝講左句我應該有幫你落單，我心諗唔會冇落，點知真係冇！😡😡😡之後先問我要咩，我重覆講左要咩！都算啦，點知個頭講完，個頭問我第二個餸要咩！你唔係mark係張紙度，又問返我轉頭！個腦唔知裝咩？我反白眼又重覆一次！等幾分鐘，終於到左！我食食下，走來問我俾現金定八達通？你真係幾厚面皮！終之呢間野真係永久blacklist!🤬🤬🤬
繼續閱讀
貴香園其實都幫襯好多次, 不過真係次次都好多人😅以往都係食米線同紅薯粉多, 今次試下涼皮先, 查實即係外面叫的寬粉, 不過好似太淋, 夾起有d碎, 下次都係食番米線同紅薯粉😚佢d羅白夠淋, 食落去有d黑胡椒味, 黑木耳絲每次我都會叫, 外面叫木耳會比雲耳, 豬潤不過不失, 唔係好爽脆, 都唔會食到好粉, 冬菇都整得夠淋, 今次都係叫番酸辣少辣, 今次酸味剛剛好, 辣就唔係太食到好強烈感覺, 如果大家喜歡食依類型的食物, 大家都可以來試下👍, 不過大家唔好諗住可以慢慢坐, 佢d店員見到你食左就會收碗🤣
繼續閱讀
呢間平時都有食，味道都好味嘅。平時堂食都ok，一般等得比較耐，不過今次叫左外賣自取帶番公司食。食食下見到有曱甴，都唔細隻，大家可以睇圖（圖三），都唔知可以點投訴😅同埋已經食左大半碗先見到😅😅其實衛生咁惡劣係未可以投訴比食環署聽？因為有證有據😅成大隻曱甴係個面入面，如果唔係我慢慢食，好可能已經有機會吞左落肚🤮🤮佢衣加拎一碗出黎都有曱甴，唔敢想象佢嘅湯底仲有幾多隻曱甴🪳好失望，錢又退唔到，餐飯又搞到食唔落，嬲又唔得，投訴又唔得🤮
繼續閱讀