影片
營業時間
今日營業
17:00 - 03:00
星期一至日
17:00 - 03:00
以上資料只供參考, 請與餐廳確認詳情
相關文章
經常聽朋友講，深圳有好吃的串燒，組個團回去一起吃串燒，但其實誰也沒有想到，香港竟然還有這麼出色的串燒專門店～而且好就腳🦵今晚和友人相約在旺角，所以近近地去了油麻地及旺角之間的好燒式串燒專門店吃吃烤串！之前在元朗分店吃過，想encore一下，估唔到串燒嘅味道都一樣咁出色！佢哋嘅蒜蓉燒扇貝（$68/隻），勁大隻，勁厚肉，基本上就好似一隻打開個手掌咁大，就算扇貝好厚肉，都一樣燒得剛剛好，唔會柴，味道調得恰到好處👍又鮮又甜，超級讚😋😋另外我一般都必點鹽燒白鱔（$49)，鍾意食鱔嘅朋友，千其唔好放過，鱔肉肥大肉厚，咬落去爆晒汁😍🤤陰公豬（$30)都是我十分推介的，豬腩肉以冬陰功汁醃過，燒得剛剛好，咬落去爆汁，勁juicy🤤🤤而且超重冬陰功味，調味好開胃好正，豬肉冇臊味。佢嘅特色蒜蓉包（$40)令我覺得好難忘，有個大蒜頭等食客擠出無數蒜粒，可以令包面鋪住滿滿嘅蒜蓉，加上麵包查身鬆脆無比，我好唔捨得食晒，所以我成餐留返佢慢慢食🤣燒日本芝士年糕（$26）都係我每次必點，外面燒到少少焦香，咬開入邊嘅芝士流出來，芝士愛好者嘅福音😍😍😍燒烤必叫蒜香燒茄子（$40）🍆🍆🍆可以選擇原條燒又得，切片燒都得，原條燒的話可以食到好Juicy嘅茄子肉，但係一般個皮就食唔到，下次我可能會試吓切片燒😋😋連皮食😆食肉獸一定唔好錯過頂級安格斯牛小排（$158)，牛扒燒到剛剛好，切好片上碟，食得好方便😆當食到咁上下，可以試吓佢嘅燒菠蘿同埋燒玉子！燒玉子（$22）係厚燒的，甜甜地，可以解下膩，我的至愛🥰燒菠蘿（$20）更加係清甜開胃，間場必吃的水果😋😋😋另外我哋仲叫咗辣酒煮沙白（$128)，沙白每隻都超大隻超厚肉，啱晒鍾意食辣同埋重口味嘅朋友🥰鹽燒牛舌串($30)肉質彈牙可口，夠晒厚身！韮菜（$19)都係我喜愛吃的蔬菜之一！一間小小的串燒店，服務好，而且又有效率夠快手！下單不久後就已經上晒啲食物！好快就可以醫飽個肚，我同朋友都係策略性咁樣落單，驚佢一次過上晒，張枱又擺唔落，所以我哋都係分兩三次落單，又可以熱焫焫咁享受美食！鍾意食串燒嘅朋友絕對可以唔使北上，都可以食到超級美味嘅串燒👍👍👍🥰🥰好燒式串燒專門店 (砵蘭街) (旺角)地址：旺角砵蘭街110號地舖
繼續閱讀
最近同朋友食了一間好適合鍾意食串燒嘅朋友去既餐廳，叫「好燒式」，起旺角市中心，行完街睇完戲去食最方便，最重要係營業至凌晨三點！香港餐廳越嚟越早關門，呢啲開到凌晨既餐廳好啱我呢啲夜鬼。串燒款式好多，不論是海鮮，肉類移至蔬菜都有很多選擇。蒜蓉燒蟶子蒜蓉燒蟶子係呢度嘅招牌菜，上面鋪滿了蒜蓉，每一口都有好濃郁嘅蒜味和海鮮的鮮味。蟶子燒得恰到好處，口感爽口。蔭公豬同和牛肋串呢兩款都係新推介嘅美食。蔭公豬串，肉質鮮嫩，加埋特製嘅冬陰功汁，酸酸辣辣，好刺激；至於和牛肋串，油脂十分充足，燒得香氣撲鼻，咬落肉質細嫩。如果鍾意豬肉，西班牙黑毛豬肋串一定要試試，肉質鮮嫩多汁，仲有微微煙燻嘅味道，令人回味無窮。鹽燒牛舌芯同燒司華力腸都係我每次必點嘅串燒，牛舌芯滑嫩嘅口感加上惹味嘅調味，真係令人無法抗拒；至於燒司華力腸，腸皮燒到卜卜脆，食落外脆內軟。燒韮菜散發出濃濃的獨特香氣，食落有口感而不會硬，入面保持到水份。蒜蓉燒蠔勁蒜勁香，燒完都不會太細隻。最後，還叫了串燒豆腐。除咗串燒，好燒式仲有不少小食選擇。墨西哥薄餅芝士雞肉係其中一款，薄餅十分脆口配上拉絲的芝士和雞肉，十分吸引。泰式炸蝦餅係外皮很脆口，蝦餅炸至金黃酥脆，裡面嘅蝦膠爽口彈牙，每一口都充滿濃濃的蝦味。燒雞髀就係心血來潮想點的，即叫即笑，燒雞髀相對要等耐一點，嫩滑多汁嘅燒雞肉加埋香脆的雞皮，每一口都令人滿足。
繼續閱讀
「好燒式串燒專門店」是位於旺角砵蘭街一家開業超過十年的串燒店，店舖裝潢平庸，價錢亦大衆化，就係因為朋友推薦，今日特登過嚟試吓，唔知唔知原來咁高質素，食材新鮮優質，所有都係即點即燒，譬如龍蝦和魚就要起碼燒超過30分鐘，不過完全等得值得👍🏻▪️鹽燒大眼雞$168好少食到燒嘅大眼雞，同埋第一次食到如此香脆的燒大眼雞魚皮，肉質鮮嫩帶鹹香，魚鮮味頗濃，非常美味😋🦞適逢餐廳10周年推出優惠回饋顧客👍🏻👍🏻只需 $ 78就可以食到半隻大大隻嘅燒澳洲龍蝦，仲可以揀芝士或者蒜蓉燒，咁抵食我哋梗係兩款都點齊晒😋▪️龍蝦半隻（蒜蓉）$78▪️龍蝦半隻（芝士）$78一上台估佢唔到咁大隻，而且非常厚肉，肉質好彈牙，食得出非常新鮮，蒜蓉口味非常中式，滿滿蒜蓉的鹹香，芝士就係我嘅最愛，面層鋪滿溶化咗嘅拉絲芝士，和龍蝦肉簡直係絕配👍🏻這兩款都是必食推介，真心推薦好岀色▪️串燒豆腐 $22豆腐皮外脆，內裏軟腍多汁又Juicy ，吸收哂燒汁嘅味道▪️燒雞髀 $38原隻雞髀起骨再慢慢燒，首先係醃得好入味，雞皮燒得香脆，肉質多汁又嫩滑 ，啖啖肉好好味▪️鹽燒牛舌芯 $48外脆內軟充滿牛香，芯肉非常軟腍，少少海鹽黑椒調味，已經非常好食▪️煙肉露筍卷 $22這個蘆筍好慷慨，嫩口爽甜，配煙肉就係最佳拍檔▪️魷魚鬚 $28食串燒比較少點魷魚，但見到好多枱都有點，賣相已經好討好，魷魚條條肥嘟嘟，口感彈牙，最好味道係配合惹味嘅燒汁▪️蔭功豬$30豬腩肉肥瘦適中，肉質彈牙，味道香香辣辣，調味係用泰式冬陰功香料處理，所以就叫做蔭功豬▪️厚燒玉子 $22甜蛋燒至外層燒香，口感香滑，味道甜甜充滿蛋香▪️雞皮 $36燒雞皮原來係店舖嘅隱藏餐單 ，好彩我問一問，店員話原塊新鮮雞皮唔係每日都有貨，今日有幸可以食到，雞皮燒得香脆透薄，就像食一塊充滿雞油香的薯片▪️雞全翼 $ 44生燒雞翼最好食，雞皮香脆肉質嫩滑，調味料用上孜然粉，香口惹味▪️牛油栗米 $30這隻品種的粟米本身已經好清甜，一口咬下去，充滿牛油和蜜糖香，而且燒得剛好，粒粒粟米都清甜多汁▪️芝士焗西蘭花$52西蘭花用芝士蒜蓉包住燒焗，燒熟後再灑上大量芝士粉，西蘭花配上熱溶芝士，有幾好味都唔使多講▪️特色蒜蓉包（ 配原粒蒜頭） $40用心之作，大癲好味，蒜蓉包熱辣辣，充滿蒜蓉牛油香草香，最驚喜就係有燒得香口軟腍腍嘅原個蒜頭，再將蒜頭粒塗在蒜蓉包上，喜歡蒜頭的會非常喜歡，簡直係人間美味
繼續閱讀
週日約了朋友出旺角行下商埸買精品，行到差不多吃晚餐時間，沿途街道看下餐廳，見到這間吃串燒的，大家久未吃燒物，就入了去，座位同環境舒服，看了一會餐牌叫了蒜蓉燒茄子 (原條) 少見，寬身長條茄子，好重蒜蓉香味同茄子鮮香味，特别軟霖爽滑秋葵/韮菜/菠蘿/蔭公豬/原燒玉子 秋葵同韮菜切到絲絲幼條，好新鮮鮮菜鮮味，一口吃到，爽脆滑身，濃鮮菠蘿香味，適中酸甜，厚豬肉身，濃郁豬香鮮味，彈牙爽滑，蛋身燒得特别滑溜，好鮮香鮮蛋味墨西哥薄餅芝士雞肉 薄餅身烘得脆皮，濃厚芝士香味同雞肉香味，肉質好嫩滑，辣辣地，有層次口感煙肉燒蠔/蒜蓉燒蠔 有特色，蠔上面舖滿粒粒煙肉，煙肉味好鮮香，海鮮鮮蠔鮮味，另一番蠔口味，蒜蓉蠔好鮮香蒜蓉味，也有海鮮鮮蠔鮮味，滑口爽身慢煮鮑魚 已切了片的鮑魚，仍保留鮑魚濃鮑鮮味，慢煮過特别煙韌彈牙，更軟霖爽滑，伴碟南瓜蓉，好甜香南瓜蓉味蜂蜜綠茶 有香甜蜂蜜茶味蒜蓉燒聖子皇孖装 聖子身彈牙，特别爽口脆滑，好鮮鮮貝鮮味鴨胸串/蟹籽丸 厚肉身，軟霖彈滑，鮮濃鴨香味，一咬丸入面滿細細粒蟹籽，蟹籽彈滑，好香蟹籽鮮味
繼續閱讀
旺角附近一共有兩間分店，這位置會方便一點，但就座位比較少，晚上的人流量挺高的，主打都是性價比的串燒，份量比較足，又即叫即燒！龍蝦（７８元／半隻）龍蝦非常新鮮，肉質飽滑，吃起來爽滑鮮甜，特別是蒜香的，特別惹味！芝士的量也挺多！香蒜白油沙白扁意粉（１２８元）性價比比想像中要高，上面有大量的沙白，吃起來鮮甜多汁，配上香蒜汁，味道又香又濃又惹味，扁意粉比較彈牙！燒雞髀（３８元）雞髀燒得剛好，外焦裡嫩的口感！鹽燒牛舌芯（４８元）簡單用上黑胡椒調味，口感爽滑，有肉汁和油香！燒日本芝士年糕（２６元）口感外焦裡軟糯，帶點芝士流心！厚燒玉子（２２元）吃起來有蛋香，表面焦香！秋葵（１９元）秋葵沒被燒乾，保留到不少的汁水。冬菇（１９元）味道香濃，口感爽滑！韭菜花（１９元）韭菜味道很香，口感脆嫩，入口無渣！燒日本甜心番薯（１８元）番薯香甜！泰式無骨鳳爪（６２元）份量挺多的，調味用上這裡的技式酸辣汁，加上了挺多的青瓜和番茄，又辣又清爽！加多寶（１９元）鮮檸樂（２２元）
繼續閱讀
您可能會有興趣的...