影片
開飯介紹
主打無限時任飲任食火鍋，湯底以中式及養生口味為主，火鍋配料則有各式海鮮、安格斯牛肉、特色丸類等，適合和好友們來大吃大喝。
繼續閱讀
營業時間
今日營業
18:00 - 01:00
星期一至日
18:00 - 01:00
以上資料只供參考, 請與餐廳確認詳情
有關獎賞計劃
無限時火鍋｜啤酒任飲｜豐富頭盤+海鮮+牛肉拼盤以前去火鍋放題來來去去都係某間，但最近發現呢個無限時，兼且有水準火鍋放題，要轉場了😆❣️非常難得有火鍋放題係唔使食到趕頭趕命，可以無限時食❣️火鍋放題set 包4步曲- 精選頭盤（雞煲、海鮮）、鴛鴦湯底、鮮甜海鮮拼盤、牛肉拼盤，再任食唔同火鍋配料，超豐富！❣️餐廳有vip房，可以有私密空間▪️精選頭盤+ 前菜▪️🦞芝士焗波士頓龍蝦（每客半隻）- 比較迷你龍蝦，但彈口新鮮，仲好多橙色膏，正🦪黑松露芝士焗美國生蠔（每客3隻）- 有成3隻好豐富，面層芝士面脆脆的，蠔幾鮮甜🔸仲有幾款前菜，炸雞軟骨、番茄仔，開胃之選▪️自選湯底▪️- 鴛鴦湯底都唔使加錢：🍲豆乳湯底幾濃香，仲多菇多料，特別鍾意個豆腐好軟嫩滑🍲特濃芫茜皮蛋豆腐湯鍋嘅芫茜份量多兼嫩嫩地▪️火鍋拼盤（一次性）▪️🦐🐟皇牌時令海鮮拼盤- 真係無expect過地有水準，有好幾款海鮮，蟶子、鮑魚、蝦、蠔等。- 蟶子係好厚肉，肥美鮮甜，食落去有口感- 蝦都新鮮彈口- 🦪蠔係大大隻肥美，煮熟都漲卜卜，鮮甜肥美- 鮑魚都軟淋鮮甜🐮美國安格斯牛肉拼盤（有手切牛小排、牛肩胛、封門柳、牛板鍵）- 因為唔食牛嘅關係，轉了豚肉。- 🐷豚肉好有水準，軟嫩juciy 有肉汁，啖啖滋味豚肉▪️火鍋配料任食▪️- 菜類、特色丸、餃子、肥牛/黑豚都可以qr code任點，個人幾鍾意自家制蟹粉鮮蝦水餃，係滑身皮，加肉加蟹粉夠香口外面仲有飲品任飲，有啤酒、黑啤、道地飲品、汽水，其實都好齊全！真係幾高CP有鮮味海鮮又有高水準肉嘅火鍋放題！🍲
繼續閱讀
第一時間係食咗佢哋嘅頭盤先嘅（我哋揀咗要黑松露芝士焗美國生蠔/味火鍋佛跳牆）焗美國生蠔食落去真係好濃郁（同埋黑松露味真係好重😘😘）配埋芝士一齊食真係好Perfect Match佛跳牆亦都比我想像中足料👍👍（有花膠、鮑魚等等）嗰個湯飲落去都幾甜咁跟住就可以揀湯底打邊爐啦～我哋就揀咗鴛鴦鍋（泰式冬蔭功海鮮湯鍋/香爐沙嗲鍋）其實呢兩個湯底食落去都幾濃郁而我自己就鍾意冬蔭功湯底多啲😆😆因為佢酸得嚟又有少少辣幾惹味嗌完湯底之後亦都會有一份時令海鮮拼盤/美國安格斯牛肉拼盤佢哋全部海鮮食落去都好新鮮😉😉而我自己就比較鍾意食佢哋嘅大元貝/鮑魚因為食落去真係幾煙靭、爽口🥳🥳同埋我覺得佢哋嘅手打墨魚丸+蝦丸真心幾正食落去真係勁有咬口跟住美國安格斯牛肉拼盤就係有手切牛小排、牛肩胛、封門柳同埋牛版腱佢哋嘅牛小排食落去比較入口即化🌟🌟而封門柳/牛肩胛牛肉味相對地就比較濃郁牛版腱食落去就比較有口感最後就講埋其他打邊爐配料啦我自己幾鍾意食佢哋嗰個豬骨濃汁貢丸/牛骨清湯牛丸因為咬落去真係超Juicy😍😍如果鍾意食芫荽嘅人都可以試吓芫荽牛丸比較特別嘅係佢哋有紫菜響鈴卷💖💖所以我都幾鍾意～（呢間舖頭最長仲可以食足七個鐘）
繼續閱讀
上個月我終於book到噚晚（8-12-3023 Fri) 同同事嚟呢喥打邊爐， 我book咗六點半，開頭係七個人，然後佢哋喺前兩日已經whatsapp我，提示我哋覆實幾多個人，同枱留十分鐘 ，都唔使等人齊先至入坐，而最後我哋係六個人，我亦都有話俾佢知，不過嚟到嘅時候，佢哋依然set咗七個位，但唔緊要同佢講收返一個位就ok啦。坐低就俾咗四小碟，有:炸雞軟骨，好味，個個爭住食。5分鍾意食雲耳，但佢哋唔知調較咗啲咩味，我覺得麻麻地。2分中華沙律， 正常啦唔惹味。2.5分番茄仔，又係奇怪又唔知攞咗咩嚟葉麻麻地。2分然後我哋根據指示，揀頭盤先，四樣裏面我哋揀咗一個芝士焗龍蝦半隻，三個黑松露芝士焗生蠔，同一個二人用嘅老壇酸菜魚。黑松露芝士焗生蠔一客有三隻都幾大隻，但黑松露就唔算多，我食嘅時候就覺得黑松露唔多夠，生蠔都新鮮ok嘅。3.5分而老壇酸菜魚呢，係好大兜，根本係六人份，我就怕辣，先夾咗面嗰啲魚片嚟食， 都幾滑嘅。之後我同事話啲唔辣，我就試下夾埋下面嗰啲薯粉嚟食，但對我嚟講係辣嘅，不過都接受到，跟住之後就有麻嘅感覺。4分湯底方面我哋揀咗辣同唔辣，唔辣嘅係芫茜皮蛋鯪魚球湯，辣嗰邊佢哋揀咗四川麻辣鴨血鍋，我冇留心聽佢哋揀辣嘅程度。之後六人份嘅美國安格斯牛肉拼盤同精選時令海鮮拼盤都到嚟，我哋先食牛肉，牛肉有四種:手切牛小排，牛肩胛，封門柳同牛板腱， 男同事RS都有幫我哋分，每人都食到一種牛肉，但其實我都唔知邊隻打邊隻。3分然後食精選時令海鮮拼盤:鮮蝦爽脆新鮮冇問題。5分鮑魚我哋都烚到啱啱好彈牙。5分蜆就一隻隻，佢哋食到有沙，我食到嗰隻係冇沙但有啲唔新鮮嘅味道。1分扇貝大大隻肉厚。5分蟹柳乃係來貨正常冇問題。3分而丸類呢我？食到嗰隻係墨魚丸，有爽嘅墨魚粒，另外嗰隻佢哋就話係流沙蝦丸，我就冇食到。3分生蠔新鮮滑溜。3分魚片就個個都唔知係咩魚，我食落就覺得似係鱔。3分食完呢啲就自己剔嘢食K嘅（3分）有:芋泥包心貢丸， 芋泥心軟ok嘅，不過味道就較淡自己點豉油。樹記響鈴原來佢包住咗紫菜。黃金蟹粉豬肉水餃大大隻，豬肉好大舊，蟹粉係有嘅，都要慢慢嗒先至嗒到佢個蟹粉味。鮮腐竹,台灣金菇， 萵筍，油麥菜，南瓜， 鮮冬菇。一般嘅(2.5分)有:濃芝豆腐燒唔多覺有芝士味。炸魚皮，都幾鹹。4分嘅有:流沙蝦丸，流沙海苔丸，流沙係鹹蛋黃，幾特別。特選黑豚肉，好甜，但我嗰件肥油太多。好味嘅（5分）有:黃金麻吉燒，中間煙韌好味嘅。甜粟米，竟然係白色嘅，但又真係幾甜。白蘿蔔。墨汁墨魚腸，腸係黑色 嚟咗三條，同事分晒畀其他同事食，所以我自己冇食，一個就話好食，另外兩個又話唔知咩味，之後我都冇再叫。飲品方面，除咗有支裝汽水，罐裝飲品外，仲有啲茶水:大麥茶，羅漢果麥同茉香綠茶。我就斟茉香綠茶飲，茉莉花味唔多夠，普通。2.5分醬料方面，除咗有basic嘅嘢外，竟然有腐乳醬。而豉油都幾鹹。環境:俾咗張單邊圓枱，闊落舒適。服務:小小錯單，原先剔咗芥末沙律球同黃金麻吉燒，點知嚟咗流沙蝦丸同濃芝豆腐燒。每樣後叫嘅嘢份量都唔多， 搞到一上嚟有啲人有得食有啲人冇得食建議 睇返嗰張枱嘅人數每樣都有一件。之後侍應自動問我哋雪糕要咩味，唔使like 社交平台。
繼續閱讀
「味火鍋」有得無限時任食火鍋😉最長食足7小時😱.味火鍋佛跳牆🥣有鮑魚、海參、花膠、瑤柱、金華火腿🐖螺頭、冬菇等🍄🟫清甜滋補又養顏🤤.芝士焗波士頓龍蝦(半隻)🦞芝士鋪滿龍蝦表面🫕龍蝦爽彈多膏💯仲有小沙律🥗.鴛鴦湯底🍲叫咗四川麻辣鴨血鍋同泰式冬陰公海鮮湯鍋🌶️麻辣鍋有唔少豆腐同鴨血🦆冬陰公湯酸甜開胃🍅.皇牌時令海鮮拼盤🌊有蟶子皇、新鮮鮑魚🐚台山蠔🦪新鮮海蝦🦐新鮮魚類🐠自家製手打墨魚丸🦑自家製手打蝦丸🍤日式蟹棒🇯🇵蟶子皇同鮑魚新鮮彈牙😆蠔大隻飽滿☺️.美國安格斯牛肉拼盤🥩有手切牛小排、牛肩胛、封門柳、牛板鍵🐄牛小排肥瘦適中，肉質鮮嫩🐂牛肩胛肉雪花紋均勻😍封門柳肉味濃香😋.火鍋配料🍢自家制蟹粉鮮蝦水餃🥟芝士鱈魚腸🧀蟹粉鮮蝦鮮甜🦀鱈魚腸質感特別🐟.四式前菜拼盤🥢有炸雞軟骨🐓醃漬雲耳🖤中華沙律🥬醃漬番茄🍅幾款前菜各有特色又開胃😝.Movenpick雪糕(2杯)🍨有雲呢拿同濃縮咖啡味☕️.飲品🥤有茶類飲品🍵果汁🧃啤酒🍻汽水、涼茶飲品🥥
繼續閱讀
位於旺角呢間❣︎味火鍋❣︎係一間無限時任飲任食性價比高嘅火鍋店，今晚去晚飯，全場滿座😯好勁👍🏻無限時對飲酒嘅人來講先夠暢快🙂↔️啤酒，汽水，飲品喺自助區自取，而呢到嘅食材係超新鮮，一入座就會有❣︎火鍋四部曲❣︎由頭食到尾，真係抱住個肚走。第一部曲🎵精選頭盤(5選1）我地揀左❤︎︎味火鍋佛跳牆❤︎︎真材實料，濃郁鮮味😋每日限量供應❤︎︎芝士焗波士頓龍蝦❤︎︎成隻手噤大😍即叫即焗熱辣辣，肉質彈牙鮮味。第二部曲🎵自選湯底有成10款湯底任選😋我地要左雙拼鍋，❤︎︎四川麻辣鴨血鍋❤︎︎內有鴨血同豆腐，辣得好過癮。❤︎︎養生牛肝菌湯鍋❤︎︎味道好濃郁👍🏻啲配料可以完全唔使點醬汁都好夠味😋第三部曲🎵皇牌火鍋拼盤❤︎︎皇牌時令海鮮拼盤❤︎︎排盤超靚😍內有大元貝，海蝦，鮑魚，龍躉，手打墨丸同蝦丸，台山蠔，日式蟹棒，樣樣新鮮👍🏻❤︎︎美國安格斯牛肉拼盤❤︎︎內有手切牛小排，牛肩胛，封門柳同牛板鍵，啲牛嘅紋理全部都好靚😍入口充滿牛味好嫩滑。第四部曲🎵精選火鍋配料呢part就自己QR code落單，有成40款配料比你揀，其實我都飽飽地😂所以呢到真心好抵食👍🏻💁🏻♀️如果臨尾想食埋❤︎︎Movenpick❣︎雪糕，記得讚好❣︎味火鍋❣︎嘅社交平台專頁呀（送完即止）
繼續閱讀