影片
港鐵旺角站 B2 出口, 步行約2分鐘
繼續閱讀
營業時間
星期一至日
11:30 - 00:00
以上資料只供參考, 請與餐廳確認詳情
係旺角返工成日周圍搵唔同好野食，首先野食方面算叫做過得去，但係味精極重，食完超級口渴。然後服務態度差，我掃唔到qr code 既時候就舉手同一個帶眼鏡矮矮地肥肥地既女人示意掃唔到，有冇得比紙我寫食咩或佢手寫落單。之後佢態度十分差咁叫我log in Facebook ，我同佢講唔得之後，個樣好串同唔耐煩，好似我錯咁。用餐期間，發現呢位女人只會對附近一間男校中學既學生有講有笑，但對著其他食客都係極不友善。旺角好多附近有好食店，但我以後就一定唔會幫襯呢間野，服務差到咁仲要咁重味精真係咪搞。
繼續閱讀
車仔麵係１款富有香港特式既美食，細個好鍾意食，貪佢好多款美食可以選擇，十六座車仔麵旺角有２間，今日去左通菜街呢間，正值中午時間，店內坐滿食客，咁就唯有叫外賣返公司品嚐。等候期間，不妨欣賞下佢富有舊香港特式既裝潢，店外招牌公整直接，離遠都知道佢係賣車仔麵既，店內既收銀櫃有個大大既算盤，牆上有小巴既站牌，舊式筷子筒，日曆，信箱，漱口盅，揮春……，麵檔前採用波浪形鐵皮頂，好多幾十年前擺設嘅打卡位。至於食物方面，車仔麵的食物質量不算特別出眾。牛腩有點鞋、魷魚帶有一點嚼勁，豬大腸洗得乾淨的。個麵拎到返公司有點過淋。湯頭的味道中等，沒有太多驚喜。檸檬茶採用樽裝，有果肉，小甜，好喝但細支，大啖Ｄ就２啖無哂。
繼續閱讀
好嘅食物，應該要讓更多人認識～😋 首先，十六座車仔麵喺旺角通菜街，我已經食過好多次，每次經過旺角都會入去食碗車仔麵🏮🚶♂️ 餐廳裝修好似入返8-90年代咁，佢哋喺裝修上明顯有花心機，充滿咗懷舊風情，你會驚喜原來香港仲有咁嘅地方🛋️🕰️ 餐廳有兩層，下層坐滿就會安排客人坐上層。不過座位比較窄身，基本上食完就一定會走。🪑🍜 每次我都會叫三餸麵，我特別推介咖哩魷魚、豬大腸，另外辣陳皮魚蛋、豬紅都係好味之選。🍲🍤🐙 服務方面，佢哋樓面人數唔算多，不過客人可以自己用QR CODE落單，減少錯單機會📱💡 上菜速度快，等得唔耐就可以食到熱辣辣嘅車仔麵，醫肚真係一流呀！🍜🔥
繼續閱讀
態度非常之差，收銀很不耐煩。同佢講咗汁分上都冇分到，餐盒費又要收$3😞食物質素非常之一般！所謂新鮮灼騸牯牛肉，根本就係急凍牛冚片！已經可以報海關啦！淨餸一定要加湯底！車仔麵嚟講真係第一次聽! 祝貴公司生意蒸蒸日上！
繼續閱讀
一天工作完畢……當你心身都累死嘅時候最好搵【至愛】去填補心中傷感🤣【芫荽】我就念起隔2條街嘅老字號【十六座車仔麵】嘅【芫荽湯底】。全碗麵都係【綠色】好有草原嘅感覺😍😍😍😍。青BB嘅芫荽湯😋雖然冇咗我次愛【雞腸】但都有流心蛋同牛肚。我仲選擇了鹽燒牛舌心【無失水準👍】飲埋海鹽檸檬汁簡直係……完……美🤣一日嘅辛勞冇哂🤪
繼續閱讀