影片
開飯介紹
親子主題的室內釣蝦場，另外亦提供多款不同口味的小食，集娛樂及用餐體驗於一身，是休閒的聚會場所。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
相關文章
自問冇耐性, 今晚竟然比丫妹捉去陪釣蝦, 好彩係室內有冷氣, 釣蝦後可以即場加工即食, 為目標而去, 當鍛鍊自己耐性。餐廳環境開揚, 設兩個大水池, 環境清潔唔會有臭腥味。旁邊設少量堂食座位。價錢以每小時計, 初體驗嘗試玩一個鐘, 每位入座起計 (HK$140/小時)入場會供應每位少量蝦乾作鉺同埋釣杆, 仲教埋釣蝦技巧, 絕對容易HANDLE 個蝦池其實好黑, 唔多睇到入面嘅蝦, 冇耐性嘅我原本正質疑入面有冇蝦, 但旁邊嘅人都大有收穫, 而店員每隔20分鐘左右就會加蝦。當自己成功釣到第一隻蝦, 真係好有滿足感!! 所供應嘅都係大頭蝦, 既新鮮又肥美。準時地店員就會協助收集每位成功釣到嘅蝦, 可以自選打包/即場加工,我地就揀咗其中嘅招牌口味---秘製蒜香醬油每隻蝦平均被醬汁包裹著, 味道濃郁香甜, 甜中帶少少鹹香, 蝦頭內嘅蝦膏味道鮮味回甘, 蝦肉爽口彈牙, 鮮甜味十足, 配上醬汁, 惹味非常!臨走前好奇問過店長, 每位價錢原來basic會包五隻蝦, 就算最後失敗冇收穫, 都總算體驗過, 同埋至少有五隻蝦食下。
繼續閱讀
HABO室內釣蝦場 (新蒲崗) @habo.hongkong 📍：新蒲崗六合街9號Artisan Hub地舖🚗：鑽石山地鐵A2出口 步行5分鐘📞：+852 2634-7189💲：~HKD140/1hrFood quality✔️：釣蝦、秘製蒜香醬油蝦總結：😋有得玩又有得食嘅室內釣蝦場 新開環境乾淨明亮 水池設備都好新 逐個小時計錢 我玩咗1個鐘都幾夠玩😎😋一開波會畀魚料 魚杆 同有員工教你點玩 因為有個浮杆指示所以有蝦食魚料都好明顯發現到 以新手嚟講唔會好似Chok墨魚🦑咁難上手 最尾好hea 玩都中兩條🤪😋蝦都好大條同埋勁活潑 教大家技巧係蝦上釣嗰下要頓一頓唔好同佢鬥力 等佢掙扎完你再釣上嚟就比較容易👍🏼😋我朋友食白果 我就釣咗兩條 咁當然唔係咁慘一人得一條咁 最尾可以免費有碟白灼蝦 亦可以+$60轉秘製蒜香醬油蝦 每人保底都有5隻大蝦食 不得讚一下有點高質 喜出望外 蒜香醬油味都好濃 仲要熱辣辣到要等一陣先可以用手食 好食🤤🤔如果諗住單靠食蝦食飽就冇咩可能 建議食完再嚟玩或玩完再去食好西😨 $140/1個鐘 有點貴 不過最尾都包一碟白灼蝦 建議+$60轉秘製蒜香醬油蝦 無論你釣唔釣到都好 所以都算可接受👌🏼
繼續閱讀
位於新蒲崗的Habo釣蝦場，係一個很好的休閒娛樂場所，不但可以釣蝦，仲有靚靚泰國大頭蝦食😋這個釣蝦場環境清幽，有格調✨ 設施齊全，釣具和餌料都有提供👍🏻釣蝦是一項令人愉悅和放鬆的活動，慢慢靜待蝦上釣時，昏暗的環境，使你能夠放鬆身心，享受寧靜的氛圍，遠離日常的壓力和煩惱😌當你感受到蝦子咬鉤時，你需要迅速拉起釣竿，並小心地將蝦子放入籃子中，這種互動的樂趣，令人舒適🍃除了釣蝦外，這裏仲可以品嚐到不少小食，我同朋友揀左炸燒賣和炸年糕😋炸燒賣外層酥脆，內餡柔軟，好香口👍🏻炸年糕係口感彈牙的糯米糕，每塊都被炸得金黃酥脆，香氣四溢，入面仲有香濃的芝士🧀最後，到主角出場，就係薑蔥白灼蝦和秘製蒜香醬油蝦🦐秘製蒜香醬油蝦，真係令人食過返尋味✨所有的大頭蝦都經過處理，所有觸鬚都剪走，蝦線亦會挑走，油炸後，以秘製的蒜香醬油作香料，蝦肉和蝦殼都沾滿了蒜香醬油，口味濃郁、香氣四溢，非常好食！連蝦殼都食埋😆白灼薑蔥泰國大頭蝦，烹飪方法非常簡單，但卻能帶來出色的味道和質感✨大頭蝦肉質鮮嫩彈牙，入口即化，經過簡單的白灼處理，保留了原汁原味，讓大頭蝦的鮮甜口感得以充分展現，而且非常多膏🤤🤤不論是釣蝦還是品嚐美食，這個釣蝦場都係一個值得一去的休閒選擇。
繼續閱讀
秘製蒜香醬油蝦賣相：🐧🐧🐧🐧🐧味道：🐧🐧🐧🐧🐧大蝦全部勁大隻超新鮮，肥美又厚肉，口感爽滑彈牙，鮮甜味美，再配上秘製蒜香醬油，食落濃郁的蒜香滿溢，醬油味既甜而鮮，非常惹味可口，誠意推薦👍🐧❣️跟醬油蝦會附上即棄手套和濕紙巾，十分貼心😘 黑松露薯條賣相：🐧🐧🐧🐧味道：🐧🐧🐧🐧🐧薯條新鮮炸起，金黃香脆，油香滿溢，上手乾身不油膩，沾上清香的黑松露醬一起食，更添滋味，經典必食。台式鹽酥雞賣相：🐧🐧🐧🐧味道：🐧🐧🐧🐧🐧鹽酥雞同樣即點即炸，食落外層脆卜卜，內裡雞肉鮮嫩多汁，十分香口。外層脆皮佈滿椒鹽作調味，味道鹹香帶辣，令人食不停口。環境：🐧🐧🐧🐧🐧釣蝦池非常寬闊，乾淨企理，座位之間空間感足，加上柔和的燈光，坐得舒適又放鬆，釣多幾個鐘都無有怕🥴👍 店舖另設用餐區，簡潔又乾淨，每桌都會附上面紙和蝦殼棄置桶，十分齊全貼心❤️ 🐧❣️職員會定期補充蝦池內的蝦量，保證有蝦釣🦐❤️ 🐧❣️職員會提供新手教學，仔細解說整個釣蝦過程和技巧，非常用心👍 🐧❣️餐廳設有可外借獨立洗手間❣️ 🐧❤️結語：釣蝦場好玩又有好野食😋 誠意推薦👍
繼續閱讀
娛樂新體驗「Habo室內釣蝦場」，佔地6,000呎，室內好有海洋世界feel，有兩大蝦池及堂食小區好適合情侶、親子及發燒友Gathering 初次體驗價$140/hrs ，每人一釣竿、蝦餌、鉗及毛巾整份，店員仲會一對一講解釣蝦過程真係好興奮又可訓練耐性，釣到既羅氏蝦 size肥大活躍，釣完仲會即加工🦐招牌秘製蒜香醬油蝦上台蒜香滿滿，醬汁沾滿虾身，開邊易剝殼，虾頭呈橙膏🤩肉身爽彈惹味。並附上即棄手套、濕紙巾及骨筒，夠哂貼心
繼續閱讀
您可能會有興趣的...