影片
開飯介紹
親子主題的室內釣蝦場，另外亦提供多款不同口味的小食，集娛樂及用餐體驗於一身，是休閒的聚會場所。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
相關文章
HABO室內釣蝦場 (新蒲崗) @habo.hongkong 📍：新蒲崗六合街9號Artisan Hub地舖🚗：鑽石山地鐵A2出口 步行5分鐘📞：+852 2634-7189💲：~HKD140/1hrFood quality✔️：釣蝦、秘製蒜香醬油蝦總結：😋有得玩又有得食嘅室內釣蝦場 新開環境乾淨明亮 水池設備都好新 逐個小時計錢 我玩咗1個鐘都幾夠玩😎😋一開波會畀魚料 魚杆 同有員工教你點玩 因為有個浮杆指示所以有蝦食魚料都好明顯發現到 以新手嚟講唔會好似Chok墨魚🦑咁難上手 最尾好hea 玩都中兩條🤪😋蝦都好大條同埋勁活潑 教大家技巧係蝦上釣嗰下要頓一頓唔好同佢鬥力 等佢掙扎完你再釣上嚟就比較容易👍🏼😋我朋友食白果 我就釣咗兩條 咁當然唔係咁慘一人得一條咁 最尾可以免費有碟白灼蝦 亦可以+$60轉秘製蒜香醬油蝦 每人保底都有5隻大蝦食 不得讚一下有點高質 喜出望外 蒜香醬油味都好濃 仲要熱辣辣到要等一陣先可以用手食 好食🤤🤔如果諗住單靠食蝦食飽就冇咩可能 建議食完再嚟玩或玩完再去食好西😨 $140/1個鐘 有點貴 不過最尾都包一碟白灼蝦 建議+$60轉秘製蒜香醬油蝦 無論你釣唔釣到都好 所以都算可接受👌🏼
繼續閱讀
位於新蒲崗的Habo釣蝦場，係一個很好的休閒娛樂場所，不但可以釣蝦，仲有靚靚泰國大頭蝦食😋這個釣蝦場環境清幽，有格調✨ 設施齊全，釣具和餌料都有提供👍🏻釣蝦是一項令人愉悅和放鬆的活動，慢慢靜待蝦上釣時，昏暗的環境，使你能夠放鬆身心，享受寧靜的氛圍，遠離日常的壓力和煩惱😌當你感受到蝦子咬鉤時，你需要迅速拉起釣竿，並小心地將蝦子放入籃子中，這種互動的樂趣，令人舒適🍃除了釣蝦外，這裏仲可以品嚐到不少小食，我同朋友揀左炸燒賣和炸年糕😋炸燒賣外層酥脆，內餡柔軟，好香口👍🏻炸年糕係口感彈牙的糯米糕，每塊都被炸得金黃酥脆，香氣四溢，入面仲有香濃的芝士🧀最後，到主角出場，就係薑蔥白灼蝦和秘製蒜香醬油蝦🦐秘製蒜香醬油蝦，真係令人食過返尋味✨所有的大頭蝦都經過處理，所有觸鬚都剪走，蝦線亦會挑走，油炸後，以秘製的蒜香醬油作香料，蝦肉和蝦殼都沾滿了蒜香醬油，口味濃郁、香氣四溢，非常好食！連蝦殼都食埋😆白灼薑蔥泰國大頭蝦，烹飪方法非常簡單，但卻能帶來出色的味道和質感✨大頭蝦肉質鮮嫩彈牙，入口即化，經過簡單的白灼處理，保留了原汁原味，讓大頭蝦的鮮甜口感得以充分展現，而且非常多膏🤤🤤不論是釣蝦還是品嚐美食，這個釣蝦場都係一個值得一去的休閒選擇。
繼續閱讀
秘製蒜香醬油蝦賣相：🐧🐧🐧🐧🐧味道：🐧🐧🐧🐧🐧大蝦全部勁大隻超新鮮，肥美又厚肉，口感爽滑彈牙，鮮甜味美，再配上秘製蒜香醬油，食落濃郁的蒜香滿溢，醬油味既甜而鮮，非常惹味可口，誠意推薦👍🐧❣️跟醬油蝦會附上即棄手套和濕紙巾，十分貼心😘 黑松露薯條賣相：🐧🐧🐧🐧味道：🐧🐧🐧🐧🐧薯條新鮮炸起，金黃香脆，油香滿溢，上手乾身不油膩，沾上清香的黑松露醬一起食，更添滋味，經典必食。台式鹽酥雞賣相：🐧🐧🐧🐧味道：🐧🐧🐧🐧🐧鹽酥雞同樣即點即炸，食落外層脆卜卜，內裡雞肉鮮嫩多汁，十分香口。外層脆皮佈滿椒鹽作調味，味道鹹香帶辣，令人食不停口。環境：🐧🐧🐧🐧🐧釣蝦池非常寬闊，乾淨企理，座位之間空間感足，加上柔和的燈光，坐得舒適又放鬆，釣多幾個鐘都無有怕🥴👍 店舖另設用餐區，簡潔又乾淨，每桌都會附上面紙和蝦殼棄置桶，十分齊全貼心❤️ 🐧❣️職員會定期補充蝦池內的蝦量，保證有蝦釣🦐❤️ 🐧❣️職員會提供新手教學，仔細解說整個釣蝦過程和技巧，非常用心👍 🐧❣️餐廳設有可外借獨立洗手間❣️ 🐧❤️結語：釣蝦場好玩又有好野食😋 誠意推薦👍
繼續閱讀
好玩釣蝦場，依家可以唔駛日曬雨淋，喺室內慢慢享受釣蝦樂趣HABO 室內釣蝦場好大空間，超過6000千呎地方有兩個釣蝦場，除左釣蝦竿外，還為你準備蝦餌、夾及布，店員細心講解技巧，釣好蝦後可以放入網籃好快就釣到蝦，玩左兩小時，店員會幫忙將蝦煮好，我哋可以喺餐廳區食新鮮蝦，加$60 加工費可以揀～秘製蒜香醬油蝦，如果揀白灼蝦喺免費秘製蒜香醬油蝦超級美味，醬汁味道惹味，新鮮蝦肉好清爽彈牙，蝦頭好多蝦膏，蝦殼連醬汁好好味收費每小時$140, 2小時$250每小時保證有5隻蝦，會免費煮白灼蝦，釣唔到都有得食😆
繼續閱讀
趁住聽日假期，於是同朋友相約咗一齊去釣蝦😎😎 都係第一次去釣蝦，呢度都十分之近，鑽石山地鐵站大概五至8分鐘左右路程就到👍十分之方便另外，喺會場裏面亦都會有員工教授如何使用釣具，同埋點樣釣蝦先會釣得到，呢個活動最啱同朋友閨蜜一齊過嚟，一邊趕住八卦一邊釣蝦時間不知不覺間過去😂😂會場仲會有小食於是我哋點咗個秘製醬油蝦，都有7-9隻豉油蝦，非常之好食，同埋隻隻都非常大隻有多膏😍😍 都係$60埋單十分之抵👍👍 場地除咗釣蝦區之外，亦都會有休息區，可以買其他嘢食入嚟進食👍👍亦都有Wi-Fi設備，見到不少都是一個人來釣，也滿載而歸😂😂 地址：HABO室內釣蝦場 (新蒲崗)新蒲崗六合街9號Artisan Hub地舖
繼續閱讀