影片
付款方式
以上資料只供參考, 請與餐廳確認詳情
在鑽石山夜晚再找晚餐又唔知食咩，見到間米線不少選擇而且仲有辣，就入去試吓。麻辣豬腸份量真心少，得5舊仲要切一半...勁多配但係生的，其實豬腸係幾好食但真心偏貴又少所以不太值。麻辣牛肉一黎到份量幾啖食晒，辣度十足，配菜正常份量..飯一碗有啲凍。米線要了豬骨湯偏濃但可接受，材料餸份量可以，味道都入味，米線份量不多但幸好口感不錯。一心以為叫2個主食加1個小食應會夠飽，最後我哋食晒仲餓緊, 唯有再去另一間餐廳再食過, 真心只會想黎一試，希望之後會有改善。
繼續閱讀
4月24日揾食肥華，又同靚媽，去食下午茶當晚餐，今次選擇咗，呢間在新蒲崗，開店不久的食店，此店室内裝修，簡潔，光線充足，並設有，自助斟水區，啱晒肥華呢個大水怪。至於食物方面，今日肥華在此店，所點嘅，兩款食品，胡椒豬肚雞湯飯及蒜泥白肉米線，食物質素唔差，份量亦對得住，個價錢，要彈嘅地方，就係兩者個湯底，都偏咸，可能係今晚，有夜馬跑關係，影响咗厨師，烹調湯底水準，不過肥華對此店，整體甚有好感，會在非跑馬的日子，再來光顧，品嚐此店，其他招牌食品，睇吓味道及水準如何。
繼續閱讀
早餐時間經過金仔，入去食個早餐，唔係叫米線叫咗公仔麵。早餐都唔錯，勁厚切午餐肉，唔係麵粉類型嘅午餐肉。原來有一個小食係午餐肉，咁應該係特別出名。係正常快餐早餐質素。地方闊落，整齊整潔，坐得舒服。
繼續閱讀
好耐無去過新蒲崗啦，最近開咗間新餐廳叫金仔，原來佢晚餐有得食雞煲！🐓可以揀重慶土佬雞或者藥膳雞，我就揀左藥膳雞煲，2個人半隻就夠食！🥓 配料仲有雞絲粉皮/蒜泥白肉，好開胃！🥩 肉類就可以揀美國肥牛/ 豚腩片，豚腩片肉質好好！🍡 跟埋雙色丸👉🏻墨魚丸同牛肉丸，好彈牙！🥬 仲有雜菜籃，健康又營養！🍜 最後唔夠飽都仲有米線，成曬真心好滿足！而家惠顧堂食或者外賣，買任何雞煲仲可以送你一個19cm嘅尖叫雞玩具！好可愛！😍 而且食雞煲仲有三重折扣！1️⃣.加購美國肥牛就減$10！2️⃣.追蹤佢哋嘅social media，就送你油菜或者生菜一份！（全日供應）3️⃣.正價檸檬茶加$1可以無限添飲！而且如果你喺social media出Story提及15號，就可以喺堂食或者外賣嗰日再送你一個19cm嘅尖叫雞玩具！好抵食！😄金仔唔止菜單豐富，仲有優惠同送禮！大家都快啲去試下佢哋嘅美食同換番個尖叫雞玩具！🤩🏢新蒲崗大有街3號曼迪廣場地下B號舖🕗星期一至日 07:00 - 22:30
繼續閱讀
我呢啲無飯主婦，真心好鍾意試啲方便快捷，又令到屋企人滿意嘅野經過新蒲崗買嘢，見到呢間有外賣嘅雞煲套餐。無錯，係套餐！因為佢唔係只得雞煲，仲有埋好多配料同主食，堂食仲有埋添飲所以諗咗陣就買咗返去做晚餐。今次就揀咗套餐：1. 重慶土佬雞(半隻)2. 雞絲粉皮 3. 美國肥牛4. 雙色丸（墨魚丸＋牛肉丸）5. 雜菜籃 （今日係唐生菜+娃娃菜）6. 米線個雞煲餐原來仲好方便在，就算你屋企無鍋、無火你都可以打到雞煲鍋因為佢個餐包埋一個大錫紙兜同兩個即棄式火具。所以好開心，又可以洗少個煲喇！半隻嘅土佬雞好香辣（揀咗小辣），雞件好入味。雞煲材料好足，半隻雞嘅份量都已經夠晒我地食。加埋肥牛、雙丸、雜菜同米線，真心夠晒飽值得一讚嘅係佢嘅雜菜係有幫你洗過，唔會係見到好污糟仲有泥個啲，我最怕心日而家買佢個雞煲餐，仲送埋隻尖叫雞，好搞笑
繼續閱讀