影片
營業時間
星期一至日
09:00 - 00:00
以上資料只供參考, 請與餐廳確認詳情
.🔺泰美味放工口痕想食下宵夜🙊行過兆禧食坊最鐘意就係呢間串燒店😆.小店主要賣泰式口味串燒🤗由於係即叫即燒 所以要預時間等小編有時會打電話落單自取 咁就慳返D時間😚.今次order左雞全翼、雞翼、翠肉瓜、豬頸肉、墨丸😎雞全翼基本上係每次必點😝😝燒得好焦脆 味粉夠晒惹味😋豬頸肉口感好爽 墨丸夠晒彈牙👐🏻👐🏻小店仲提供沙嗲汁同辣汁 醬汁好濃郁出色🤞🏻宵夜整返幾串再飲杯啤酒好爽呀！😽😽😽
繼續閱讀
兆禧苑近期因為重新設計嘅籃球場而聲名大起樓下嘅舊街市亦搖身一變 改建成為食街呢一個兆禧食坊裏面有一條食街裏面有林林種種各式各樣嘅小食店其中位於盡頭嘅《泰美味》提供咗各款嘅串燒如果想堂食嘅話串燒店都提供咗幾個座位如選擇外賣嘅話都包得非常妥當串燒價錢有十幾蚊起 經濟實惠又肉類道蔬菜款式選擇多燒韭菜juicy多汁孜然粉夠曬入味雞軟骨串彈牙爽口送啤酒一流最正嘅就當然係燒豬頸肉啦豬頸肉夠曬肥美肉香十足另外嘅泰燒雞髀肉辣辣地又點咖哩香一個人喺屋企獨食都相當滋味
繼續閱讀
屯門兆禧苑商場入面有個兆禧食坊，有各式食物比你揀。一入門口就見到一間叫「泰美味」嘅串燒舖頭。比d香味吸引住就決定嗌幾款串燒試下。呢度嘅食物分左3大類，分別係「特色燒烤」、「烤蔬菜」同埋「飲品系列」。有肉有菜。重有甜品芋圓食！嗌左泰燒雞軟骨、泰燒雞腎、香茅豬頸肉、燒墨魚丸、司華力腸同烤韭菜。全部串燒都加左少少香料同孜然粉，香得黎又有少少辣，好惹味～😋泰燒雞軟骨脆卜卜。泰燒雞腎口感爽脆。香茅豬頸肉好肥美🤤😋，脂香肉嫩。燒墨魚丸大大粒，外層燒到脆脆地，可謂外脆內軟。咬落彈牙👍🏻司華力腸同燒墨魚丸一樣外層都燒得夠脆！烤韭菜好大梳😍。韭菜本身已經有香味，加上孜然粉更香口！唔會燒到太腍，重保留到爽脆口感，夠新鮮！👍🏻
繼續閱讀
之前聽朋友講屯門有個新嘅宵夜地方，所以過嚟八卦下，翻新完又真係舒適闊落左。呢度有好多間唔同類型嘅宵夜檔，其中呢間睇落好似係食泰式串燒。睇佢嘅選擇都幾多，而且價錢又唔貴。串宵點少得蒜香茄子，佢啲茄子燒得好林，所以好入味。另外我哋仲叫咗個雞腎，一般出邊都好難燒得好味，因為好易變乾同埋硬。但係佢哋燒得啱啱好，除咗熟之外仲好Juicy。而佢啲牛丸都好大粒，雖然唔係好彈牙，但係都有牛味。而司華力腸就就同平時食到嘅少少唔同，因為佢冇咗個脆皮，變咗條腸都偏林身咗少少。食串燒點少得我最喜歡嘅燒菠蘿，不過佢個菠蘿就燒得唔夠乾身，都唔夠熟，同埋加咗辣粉，蓋咗菠蘿本身鮮甜嘅味道。而個雞軟骨就真係差啲，雖然好爽脆但係冇乜味。
繼續閱讀
日前看到Youtuber介紹屯門兆禧食坊這個美食廣場，一直想來試試，今天碰巧工作來到屯門，便一探究竟，而其中在這家泰式串燒店買了外賣回家位置：在兆禧食坊其中一個入口，不難找環境：店面雖少但整潔衛生服務：店主在下單後細心告知25分鐘後回來取，可以在附近商場閒逛食物：串燒火喉夠，香氣十足泰燒雞軟骨 $13雞軟骨燒得很香，且口感不錯泰燒雞腎 $15同樣口感佳，雞腎香脆且沒有冷藏味金針肥牛卷 $18把薄薄的肥牛完美包在金針菇上而沒有散，同時鮮嫩肉汁令整體很多汁美味泰式牛肉串 $16牛肉味濃，燒出來既香且嫩香茅豬頸肉 $18用香茅醃製的豬頸肉除了淡淡香茅味，亦充滿豬肉香，燒的不老不韌安格斯一口牛 $18切的大小比想像中大件，但厚身的牛肉燒過後仍然十分軟滑，很香很易入口泰燒羊肉串 $18帶有一點羊羶味，羊肉就是要這種香，配合孜然粉的香氣，燒出來相當誘人泰燒五花肉 $18五花肉燒過後有點香脆，而油膩感覺亦大減，可以多吃兩件整體這次外賣串燒感覺良好，味道中上，非常適合用來做下酒菜，如果經過屯門碼頭附近，不妨前來一試呢
繼續閱讀