影片
付款方式
其他資料
當面支付
以上資料只供參考, 請與餐廳確認詳情
今年第一日晚餐必定要食得好！先到忠仔記挑選海鮮，我不想再幫襯泰海鮮，請問有否好介紹啊？立即推介新進東南家菜，試試無妨。職員親自走到老遠忠仔記接待，帶我地到商場 1 樓所在位置，實在受寵若驚。步入餐廳，地方寬敞骨子，乾淨寧靜，空氣流通，參觀埋樓上商場廁所，光猛整潔無異味，好過地下百倍千倍。忠仔記活海鮮 $1200，東南家菜油料人工一支啤酒一罐可樂三個椰青 $1000。嬸嬸非常熱情好招呼，用膳其間常常幫忙換碟換碗，點菜時還提供很多專業意思，冒求將所有生猛游水海鮮食材發揮到極至，不會浪費一點一滴。馬拉松晚飯第二局屯門，聽日尖沙咀，再元朗、將軍澳、觀塘、尖沙咀、大埔，跟住有排還喇！細閱菜牌，特色佳餚也不少，非常吸引，不過要下次再試。青島啤酒，只得藍妹及青島供應，無我最愛的朝日或麒麟。新年快樂飲勝，正常味道，幸好免強都夠冰凍，可以安心大啖大啖地暢飲！椒鹽瀨尿蝦皇，竟然首先衝線係瀨尿蝦皇！燙燙的香噴噴端上，嬸嬸熱心地指點如何用鉸剪處理，其實我可以的了。超級燙手新鮮出爐，慢慢剪開兩邊再中間擘開，輕煙飄出！呈現立立令的嫩肉，濕潤閃爍，烹調出色，無過火剛剛好啊！蒜酥惹味微辣，味道已滲入瀨尿蝦之中！大大碌啖啖肉，結實彈牙嫩滑，極度鮮甜的肉汁，幸福滿分舔舔嘴！白飯出奇芳香，食慾大增！乾爽嚥韌飽滿，甜甜的而口感一流，係咪大陸米黎架？撈魚撈蝦撈菜撈汁撈蒜酥都同樣好味到不得了﹗好想好想叫多碗飯，要抑制自己唔可以衝動，食唔晒就浪費喇！薑蔥炒琵琶蝦，第二名衝線，雖然鑊氣有點削，幸好都夠熱騰騰送到。跟青龍蝦同一身價，色香味有過而無不及，薑蔥調得甜甜的，不失清香辛辣味，醒神醒腦。厚厚蝦肉爽彈，鮮味脫俗，蝦味非凡要搶住食！清蒸老鼠斑，色香味俱全，魅力沒法擋！索一索舒筋活骼，聞一聞精神爽利，鮮魚的氣味，蔥油的芳香！我起筷唔客氣喇﹗勁有彈力的魚肉，給多點力拿下吧！師傅準成度達至零點一秒，時間拿揑毫無偏差！一絲粉紅留在魚骨上，極鮮嫩多汁可口，肉彈結實，味道清甜濃郁，鮮味霸道出眾，淋上魚汁豉油如虎添翼！大量魚肉魚汁撈飯，我真的真的想添飯啊﹗整條老鼠斑被我啜得乾乾淨淨，魚頭魚尾魚鰭無一幸免，怪您過份美味！蒜蓉炒豆苗，大量海鮮來碟清菜平衡一下。鑊氣迫人新鮮上場，幼嫩多汁翠綠，爽甜帶蒜汁，趙到索索聲，悅耳動聽。辣酒煮花螺，萬眾期等終於到達！熱煲滾住上，白煙輕吹，水泡卜卜響，氣氛滿載。聞到濃烈花椒麻香，但食落香辣開胃，陣陣清香酒味，花螺炆得軟塾，鮮甜可口。辣爆牛柳粒，製作一絲不苟，雞髀菇切成立方粒，爽甜芳香。青紅尖椒帶籽，兜炒熟透散發椒甜味，爽脆多汁且帶辣。煎封六面牛柳粒，鎖住肉汁有嚼勁而不乾硬，醃味得宜提味搶住食，熱騰騰的鑊氣，完成度超高五星級走唔甩！豉椒炒花蛤皇，多謝忠仔記嬸嬸賜我花蛤皇，實在太客氣啊！生炒沒有馬虎出水有誠意，溫柔的演繹。飽滿鮮甜的花蛤肉，沾上惹味豉椒汁，啜得高潮迭起舔舔脷。冬蔭功浸蝴蝶蚌，加入鮮茄茶樹菇嗎？味道單調有罐頭影子，即沖湯粉開的嗎？酸度強勁完全飲唔到，不似傳統泰式，感覺不到蔭功在那，真係無陰功咯！蝴蝶蚌極為鮮味，天生結實彈牙日日有健身的。果皮蒸花蓮九孔鮑，本想豉汁蒸，不過嬸嬸極力勸阻用果皮更能帶出鮮味，好啦好啦。處理乾淨，蒸煮時間不差分毫，滑滑激彈，果皮味輕輕滲入鮑肉，混著熟油豉油十分香口，沒有投訴的機會。西芹爆炒活墨魚片，雲耳清新，青黃椒絲爽甜，墨魚薄片滲出陣陣鮮甜味道，嚥韌捲著配菜同吃更加生動立體，朋友仔覺得韌覺得淡，您到底識唔識？有無食過架？其實墨魚質地及味道都非常正常而可口的，算罷啦。椰皇蛋白蒸紅蟹，嬸嬸推介比花雕蒸更非凡出眾，招牌菜一定要試！油味飯，椰香極濃厚，鳳脂甘甜。味道太薄沒有斑蘭葉芬芳，濕爛腍飯最討厭。試過撈蛋白、撈魚肉、撈蒜酥都返魂乏術。椰皇蛋白撈油味飯，總比食淨油味飯好食少少，添點椰甜味，添點滑溜感。椰肉椰水混蛋白齊齊蒸，嫩蛋椰味清甜不膩，不時還趙到滑滑椰皇肉添。朋友仔厭蒸蛋不夠滑，您估蒸水蛋咩，真係嘥氣。大大隻紅蟹啖啖肉鮮甜彈牙，嫩嫩充滿蟹香及海水咸香，還贈送少許軟綿甘甜蟹膏點綴生息。清蒸游水東星斑，骨間一點紅就是蒸魚的最高境界，師傅功力深厚已經非常接近這個登峰造極既指標。每次先處理掉罕有的臉珠登，點丁肉沾上蒸魚豉油，結實有咬口，少食多滋味，回味無窮！繼而向魚肚進攻，薄薄膠嫩，愛不釋手。最後到厚厚啖啖肉的身軀，斑味香濃出眾，魚汁潤澤味蕾，魚甜味齒頰留香，拍手叫好！蒜酥東星斑撈油味飯，跟魚汁魚肉混為一體，提鮮增味更香口，免強食多兩啖飯。椒鹽有膏斑馬瀨尿蝦，好想有碗高湯河粉撈蒜酥呢！爆炒乾爽不油膩，瀨尿蝦炸得香噴噴，時間恰到好處，將鮮味推到極至！等哥哥溫柔地解剖您地，唔洗驚唔會痛架，從殼正中間剪開再剪兩旁，讓整條嫩肉露出，蝦汁怒滴閃令令，使得口水不停湧出，等唔切要立即起動！完全脫殼可以為所欲為，狠狠大啖大啖地咬！嫩滑軟綿蝦肉擁著，特上爆膏甘香無限，蝦甜非凡！搭埋香辣惹味辣椒蒜酥，啜得乾乾淨淨，連手指都要損埋，完全將我溶化了！
繼續閱讀
從黃大仙過來試，誰不知一入門有一位紋身女侍應大叫「安心出行」咗未！仲要係好近我後面叫，心諗洗唔洗咁大聲，我當場嚇一嚇，我自己一個食個飯都要比人喝。食物又不見得服務快，呼喝客人就最快。
繼續閱讀
行完山去三聖邨大約下午六點左右買海鮮，本身諗住去青x灣食，點知畀賣海鮮嗰個人老點咗去東南家菜，話清x灣冇位，我本來信以為真，佢搵同事帶咗我上去哩間餐廳，越坐越唔對路4圍客人不多，所以我立即打去清x灣睇下係咪畀人老點，點知人哋真係話十分鐘內到有位，算啦人都坐低咗諗住試下佢算！點我哋點咗芝士焗龍蝦、酥炸鮑魚、椒鹽瀨尿蝦及蒜蓉粉絲蒸扇貝、之後再叫咗一個秋葵牛肉卷，啲海鮮係出面海鮮權買咗$600幾蚊嗰。嗰個侍應應該唔知係咪泰國人，廣東話理解力差少少，我哋話想加番芝士龍蝦要伊麵底，佢話見到已經煮好咗冇得加，但係我哋等咗成二十分鐘都未見龍蝦出嚟，之後一上枱就有伊麵底，之後我哋問點解有伊麵底佢話同我哋加咗，真係o曬嘴。個龍蝦overcooked芝士又淡，嘥曬隻新鮮龍蝦。龍蝦之前第一味餸係椒鹽瀨尿蝦，味道ok不過比較油，酥炸鮑魚塊皮超厚完全冇味道可以唔使叫。清蒸蒜蓉粉絲扇貝正常酒樓水準。芝士焗龍蝦收咗我118加60=$178加工費，重點係唔好食又熟得滯。最恐怖係個秋葵牛肉卷，佢係做東南亞菜，基本泰國菜都煮得勁難食，牛肉勁乾冇牛肉，秋葵都好一乾，最恐怖係個汁，貌似沙嗲汁加花生碎，食落淡而無味，完全唔知係用乜做嘅，我同我男朋友每人食咗一嚿之後就已經放棄，但係嗰碟嘢仲要收我98蚊。我哋同個staff講呢碟牛肉卷好難食，佢又喺度傻笑問係咪乾得滯，佢話佢見到個樣就知，我哋話最差係個汁，佢完全冇回應我哋。我勸籲大家就盡量唔好去呢間餐廳，費是糟蹋曬啲新鮮海鮮，以後唔好畀啲海鮮舖老點。
繼續閱讀
落去食豬扒麵早餐加五蚊要件多士， 之前食都係細細件厚多士而且烘得好好而家變咗一塊又薄又烘過N次硬掘掘隔夜既多士要求更換，侍應不讓更換，說食物出了就不可換馬尾嗰個女收銀態度超超超差，唔知以為係老闆娘，仲話唔中意可以唔使嚟食，真係火都黎埋。well, 屋邨餐廳做到如此差劣， 而且餐廳裝修有成日漏水滴水，好希望你早日執笠都唔介意畀錢加多件面包， 亦都唔介意今次嘥咗件麵包 ，就係希望食過好啲嘅早餐，唔緊要，冇下次。
繼續閱讀
今天是星期日，難得悠閒待在家中，中午的時候當然陪家人外出吃飯，不過安定/市中心大部分便宜的餐廳都差不多已經全部品嚐過了，所以今次我們便來到三聖邨尋找新的餐廳吃飯可能由於現在疫情的關係，這間餐廳在星期日的中午亦設有特價午市套餐，最便宜的更只需$50而已，既然這麼划算，我們當然二話不說立即來到這間餐廳吃午飯No.1【檳城炒粿條】$50檳城炒粿條其實即是馬來炒貴刁，是馬來西亞檳城潮州人的代表作，傳統上會加入了黑醬油，所以外表是好像乾炒牛河的顏色不過傳到香港之後，香港人喜歡把咖喱粉加入到炒貴刁中，所以外表是黃色的，但是這份炒粿條竟然是白色的，完全不像是是檳城抑或是香港做法，感覺上都好像不太正宗由於粿條的配料只有兩隻蝦，三片臘腸和雞蛋碎而已，所以感覺上有點單調，最重要是廚師加入了太多油了，令到整碟粿條的口感都相當油膩，我滿口都充滿著濃濃的油脂，簡直味如雞肋，讓人難以下嚥，囓蘗吞針另外蝦不單止缺乏彈牙的口感，更沒有任何味道，淡而無味的，很明顯是雪藏的貨色No.2【泰式菠蘿炒飯】$50這是我第一次嚐到辣的菠蘿炒飯！由於餐廳應該加入了黃咖喱粉來炒飯，所以炒飯是微微香辣的，那種感覺真的十分新穎，一點也不像正宗的泰式菠蘿炒飯！既然它只是稱為菠蘿炒飯，當然是沒有任何海鮮包含在內的，取而代之的便是雞肉，可惜雞肉的份量簡直少得可憐，好像只有兩塊而已，另外菠蘿的數量亦少之又少，感覺上好像正在吃單調的蛋炒飯No.3【燒汁豬扒飯】$58雖然它是三份午餐中最昂貴的一份，不過同時亦是全場最美味的午餐！豬扒飯索價$58聽看起來有些偏貴，但是它卻有兩塊大大件的豬扒，感覺立即變得相當划算豬扒的肉質十分柔軟嫩滑，鮮美多汁，肉汁四溢，每一口都充滿著濃濃的豬肉氣息，咸咸的，香香的，美味得讓人久久縈繞！No.4【餐湯】套餐包括午市套餐奉送餐飲以及餐湯，而今天的餐湯則是老火湯雖然餐湯內並沒有湯渣，但是湯水味道都算濃郁醇厚，惹味開胃，讓人垂涎欲滴，食指大動No.5【熱檸檬水】套餐包括由於檸檬的質素都算不錯，所以檸水完全沒有酸溜溜抑或苦澀的味道，是解渴一流的好選擇價錢方面，檳城炒粿條$50，泰式菠蘿炒飯$50，燒汁豬扒飯$58，餐廳午市不設加一服務費，三人總共$158，是相當划算的午餐總結來說，雖然餐廳的食物味道只是一般而已，不過其實大部分午餐都只需$50而已，這麼便宜的價錢，大家便不要太高要求了
繼續閱讀