影片
港鐵佐敦站 D 出口, 步行約4分鐘
繼續閱讀
電話號碼
23415628
附加資料
Minimum Charge for 2 persons or above: $200 per person
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
以上資料只供參考, 請與餐廳確認詳情
有關獎賞計劃
相關文章
💈幾年前，熊妹同班豬朋狗友已經拜訪過當時爆紅💥位於尖沙咀山林道的《JUST'er》，係一間都幾有氣氛嘅地面街鋪西餐廳。事隔多年，今日熊妹即興同富妹會過來再試一下。📌店鋪嘅裝修格局都係冇乜特別大改變，依然以紅藍色的霓虹光管砌成嘅「全院滿座」字眼為生招牌，非常搶眼👀，真係每次行過見到都會知道係《JUST'er》。📌餐廳唔算好大有六張四人枱，仲有沙發枱🛋，昏暗嘅環境就形成一間酒吧餐廳嘅格局。📌食物嘅選擇依然係以各類西餐為主，有意粉、扒類、海鮮、沙律、意大利飯等等。📌原來《JUST'er》踏入六周年，仲推出五月份兩大個新優惠，1️⃣逢星期日至四每人最低消費$200 ，每台就可以以$1優惠享用招牌高汁豬仔骨，2️⃣$188可以食魚料理Omakase，西餐廳都可以食Omakase？係新野喎🆕！📌熊妹最鍾意坐近玻璃窗，可以望吓街嘅風景，上一次嚟都係坐返呢個窗口corner位🖼，舊枱重遊，感覺都好興奮！門西淋牛豬仁雞 VS 蝦兵蟹將，$490其實熊妹都上次黎都係食過呢個招牌菜海鮮肉類拼盤，到而家都係有啲念念不忘，所以今次嚟到都想再回味一下。呢個招牌拼盤顧名思義就係食肉同海鮮，包一大隻龍蝦，半隻慢煮春雞，炸軟殼蟹，另外豬仔骨、炸魚柳或者西冷就三選一，西冷就要另外加$40，然後薯條或者意粉就二選一，咁多款足料主食拼盤，仲要係大大份，其實keep到呢個價錢真係唔算貴。多汁淫蝦其實本身熊妹唔係點食海鮮，但係上次食過呢款拼盤入邊嘅龍蝦，真係回味無窮！龍蝦同以前嘅size一樣咁大，原隻龍蝦呈上，成條龍蝦肉起出嚟，非常彈牙，沒有用上什麼調味料，龍蝦嘅海鮮味已經出晒嚟，仲要焗到啖啖龍蝦汁都流晒出嚟，重鹹海水味，中間嘅蟹膏仲要勁鮮美，龍蝦味超濃烈，所以話食靚海鮮真係唔需要加任何特別配料，已經可以食到原汁原味😋。最後，熊妹連蟹腳蟹鉗蟹膏位都全部啪晒，究竟一款食物有幾滋味到可以令一個唔識嘅人都變成愛上了？試吓呢款淫蝦就知道！焗多汁豬仔骨熊妹本身嚟講都好鍾意食醬汁豬仔骨，因為好鍾意食嗰款偏甜的醬料味道。豬仔骨有五大條骨位，塗上濃烈甜味嘅醬汁烤焗，邊緣位烤得醬汁濃稠一點，連啲骨撰埋都好入味，中間位的豬仔肉就厚實一點，仲有少少肥肉位，肥瘦均勻，又軟又淋，熊妹都真係幾鍾意食豬仔骨🍖嘅原因。炸軟殼蟹真係原隻軟殼蟹呈上🦀，成隻蟹樣真係出晒嚟。中間切開一半，嘩！真係「哇」咗一聲，都幾多蟹膏蟹，一啖由中間位開始食，成浸蟹膏放入口勁豐滿，連酥炸嘅軟殼一齊食，脆卜卜帶點油份，就咁食半隻都已經感覺到膽固醇即刻飆升，睇嚟呢個禮拜又要減肥啦！慢煮蒜香春雞（半隻）春雞嘅份量都唔惹少，唔係一隻細雞🐥，大大隻雞髀位同雞翼位免頭鋪上一大堆孜然粉去焗，香料嘅味道超級濃烈，食落去非常驚喜地雞肉嘅每一個部位都係非常嫩滑，認真冇一part係鞋口位，雞皮喺慢煮嘅過程中已經釋出左油脂，變成超薄嘅雞皮，食唔到油脂位，熊妹同富妹都一致幾驚艷呢個慢煮嘅煮法，唔錯！香脆薯條食肉梗係配薯條啦🍟！一大堆香脆薯條炸到非常脆口，得閒食一條又點下茄汁，好快就清晒！😆洋甘菊蜜糖茶檸檬， $43食咗咁多油膩嘢都要飲下茶解膩解濟下。以為熱茶會一壼呈上，竟然係一渣呈上，咁抵飲既？好飲喎！越足料，泡茶嘅味道就會越濃，有超級多嘅洋甘菊花🌼仲有幾片檸檬沖上熱水，洋甘菊同檸檬🍋嘅味道就會好出，加埋蜜糖🍯，飲落去就係酸酸甜甜再帶少少洋甘菊的甘味，本身熊妹麻麻地飲花茶，但係以花茶嚟講，洋甘菊嘅味道真係比較貼近茶嘅味道，就唔係有時有啲花茶帶點假嘅花香味🌸，而且咁大渣花茶足料到每一啖飲落口，味道都好濃烈，唔似溝咗好多水而增加容量，真係幾有誠意😍！📌尖沙咀「山林道」越開越多食肆，在香港租金昂貴嘅城市，眼見曾經幫襯過嘅餐廳都換哂畫，能夠留在這裏站穩住腳證明已經好有實力，希望《JUST'er》能保持着這份人氣，繼續搖擺不倒。
繼續閱讀
經常到山林道吃東西。早前到JUST'er Bar 吃午餐，今晚再經過時，看到餐廳門外的招牌食物「門西淋牛豬仁雞VS 蝦兵蟹將」非常吸引，二話不說，我們便入內吃晚餐。門西淋牛豬仁雞VS 蝦兵蟹將套餐可以三選一，包括：焗多汁豬仔骨、脆炸美國魚柳和美國安格斯西冷（+$40）我們選了焗多汁豬仔骨。豬仔骨焗得很腍身，肉質亦能保持鮮嫩，咬下去非常多汁美味。配上惹味的醬汁，更加可口美味。份量也足夠兩個人吃。多汁淫蝦這個名字很趣怪，惹人遐想。實際就是開邊的波士頓龍蝦。龍蝦非常大隻，蝦膏甘香濃郁。肉質結實爽口彈牙，而且真的非常多汁，能夠食出鹹鹹的海水鮮味。慢煮蒜香春雞慢煮的春雞肉質非常軟嫩。春雞以大量的孜然粉和蒜香調味，香氣四溢。雞肉亦十分嫩滑入味。炸軟殼蟹軟殼蟹炸得外層酥脆，內部亦能保持肉質鮮嫩。香脆薯條/真茄汁意粉（二選一）我們選了香脆薯條。薯條炸得外層金黃酥脆，內部綿軟。十分好吃！洋甘菊蜜糖檸檬茶口感十分清新，入口還有一種柔和的甜味。洋甘菊的花香和蜜糖的甜味相互融合，加上檸檬一絲絲的微酸味，十分好喝。
繼續閱讀
今日同好姊妹嚟到尖沙咀搵食見到呢間幾有格調又啱feel諗住叫一個午餐再加野前菜：Pate de Compagne 自家製法式冷肝醬+$20有兩大塊冷肝醬睇落好似午餐肉咁，加埋酸酸甜甜既醬汁，新鮮爽口既生菜，口感好特別，好香肝味夾雜著d豆，第一次體驗唔錯唔錯。主菜：Grilled American Chicken with Mashed Potatoes 香草慢烤美國雞配薯蓉雞肉嫰滑煎得剛剛好，薯蓉好香牛油味，好creamy配埋胡麻醬一流。落住毛毛雨最啱叫熱野飲Chinnamon osmanthus apple tea 玉桂桂花蘋果紅茶聞落好香玉桂味，飲落甜甜地，加埋淡淡既桂花味，即刻個人暖晒。再加左個蒜香辣羅勒蜆肉蕃茄意粉🌶$64擺盤幾吸睛，唔算太辣，蕃茄味偏甜正好中和辣味，唔食得辣既寶寶都可以叫。蜆肉份量都幾多，呢個幾好食。鋪面唔算大，但坐位寬敞，唔會太迫。
繼續閱讀
昨日同朋友去左間位於佐敦山林道優質小店到食晚餐😍先講下當日我們點既菜式😊焗多汁豬仔骨、多汁淫蝦、慢煮燒春雞、炸軟殼蟹和炸薯條，再加上星爆氣流斬改ex飲品和檸檬特飲，簡直是一場味覺盛宴，絕對是令人愉悅的美食體驗。焗多汁豬仔骨的口感嫩滑多汁，每一口都充滿了豬肉的鮮美風味。它的烤製過程使其外層酥脆，內部卻保持著豬肉的濕潤。這道菜品絕對能夠滿足肉食愛好者的味蕾，讓人回味無窮。多汁淫蝦是另一道令人垂涎的美食，它的鮮甜和彈牙口感令人難以抗拒。每一口咬下去，淫蝦散發出豐富的海鮮風味，讓人欲罷不能。搭配上濃郁的波子汽水和雲呢拿雪糕，更增添了層次感和口感的豐富度，絕對是一個創意的組合。慢煮燒春雞是一道口感細嫩、肉質鮮美的菜品。經過慢煮的過程，春雞肉質更加柔軟，搭配上檸檬特飲的酸甜口感，帶來了一種清新的風味。檸檬特飲的酸度能夠中和春雞的油膩感，使整體味道更加平衡。炸軟殼蟹和炸薯條的組合總是經典且受歡迎，而這道搭配絕對不例外。軟殼蟹的外層酥脆，內部卻保持著蟹肉的鮮嫩，每一口都帶來滿滿的海鮮風味。搭配上炸薯條的鹹香和脆口，絕對是一個令人愉悅的美食組合。最後，星爆氣流斬改ex飲品和檸檬特飲給整體餐點增添了一個令人驚艷的飲品選擇。星爆氣流斬改ex飲品的波子汽水和雲呢拿雪糕結合，帶來了豐富的口感和甜度。檸檬特飲則提供了一種清新的酸甜口感，與其他菜品相輔相成。綜合來看，焗多汁豬仔骨、多汁淫蝦、慢煮燒春雞、炸軟殼蟹和炸薯條搭配上星爆氣流斬改ex飲品和檸檬特飲，呈現出一個令人滿足的美食組合。每一道菜品和飲品都展現了各自獨特的風味和口感，從豬肉的多汁和鮮美，到淫蝦的鮮甜和彈牙，再到慢煮春雞的細嫩和檸檬特飲的酸甜平衡，以及軟殼蟹和薯條的酥脆和香脆口感，每一道菜品都散發著引人入勝的美味。同時，星爆氣流斬改ex飲品和檸檬特飲為整體餐點增添了一個精彩的飲品選擇。星爆氣流斬改ex飲品提供了豐富的層次感和甜度，而檸檬特飲則為整體味道增添了一絲清新和酸爽。整體而言，這種菜品組合和飲品選擇給人一種多樣性和豐富度的感覺。每一口都帶來了令人滿足的口感和美味，而寧靜的環境更加提升了用餐體驗的愉悅度。無論是單獨品嚐每一道菜品，還是將它們結合在一起享用，都能夠帶來一場美食盛宴，令人難以忘懷。
繼續閱讀
JUST'er Bar & Restaurant今次要介紹尖沙咀位於山林道一間酒吧叫「JUST'er Bar & Restaurant」，入面好多打卡位，牆上勁多勁光嘅霓虹燈，呢間酒吧門口有一級，但輪椅人士入去都方便，酒吧入面都算闊落，每張枱都可以移動，我最鍾意可以移動嘅枱，有車唔掂枱就可以就我，店員都好細心，幫我將枱移嚟移去等我坐得舒服d，我哋成日吹水吹到唔捨得走，店員臨走仲幫我踩住塊斜板令我安全離開酒吧，真係非常細心又好人！1.脆炸美國魚柳+多汁淫蝦+慢煮蒜蓉春雞（半隻）+炸軟殼蟹+香脆薯條$490（9/10）呢個套餐有成五樣野食，有好鬼脆炸美國魚柳，魚柳嫩滑到用條脷都可以整碎魚肉、多汁淫蝦即係波士頓龍蝦，龍蝦啖啖肉，每舊肉都好厚賽、慢煮蒜蓉春雞雖然得半隻，但好鬼大隻，而且肉質好嫩滑、炸軟殼蟹咬落唔油膩，炸得好香脆、香脆薯條幼長，每一條都炸得好脆，成個套餐真係好鬼抵食！2.David Ermel Gewurztraminer France$86/glass（9/10）法國瓊瑤漿，甜而不膩，口感濃郁，帶有荔枝及芒果氣息，好易入口，好啱女仔飲！2人總共價錢$634，有加一服務費！個人口味總評分：9/10@justerestaurant地址：尖沙咀山林道13號地下A1-A2號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#JUSTBar #山林道 #酒吧 #尖沙咀好去處 #尖沙咀美食 #香港美食 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀