509
41
42
| 餐廳: | 天天海南雞飯 (ELEMENTS圓方) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
電話號碼
31082182
開飯介紹
來自新加坡的天天海南雞飯，其招牌海南雞飯，雞肉皮薄肉嫩，加上以煮雞精華一同煲出的黃油飯，深受歡迎。
繼續閱讀
營業時間
今日營業
11:30 - 15:30
17:30 - 21:30
星期一至五
11:30 - 15:30
17:30 - 21:30
星期六
11:30 - 16:00
17:30 - 21:30
星期日
11:30 - 15:30
17:30 - 21:30
公眾假期
11:30 - 15:30
17:30 - 21:30
以上資料只供參考, 請與餐廳確認詳情
-
網上訂座服務暫停
優惠
| 餐廳: | 天天海南雞飯 (ELEMENTS圓方) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
今日去左接朋友收工，附近就一律都係名牌無咩好行，都係打算食完晚餐去西九龍公園散下步吹水，襯有時間就周圍兜下睇下有咩食，行左陣就見到天天海南雞，search左下先知原來係過江龍米芝蓮餐廳，本住試一試既心態，估唔到又喜出望外幾高質，果然可以屹立係圓方都真係有原因。menu都好多野揀，最後嗌左一份燒雞，雞油飯，牛筋牛腩，同一碗湯。✨天天燒雞(大份) $189燒雞係新加坡都係傳統名菜，好受歡迎。近排食比較清所以今次想食香口少少，燒雞肉經過特別處理，外皮金黃酥脆，入面非常嫩滑而且多汁。啲皮燒得香脆，有微微焦香氣，食落香脆可口。另外，佢嘅醬汁有種酸甜微辣嘅味道，好好食好開胃，可以單獨蘸食，或者放落雞油飯食都可以。仲有薑蓉同青瓜做配搭，係另一種風味，同燒雞香脆雞皮亦係一個恰到好處既組合，味道好豐富。✨雞油飯(1~2人份) $39份量2個人食有凸，雞油飯香氣四溢，米飯蓬鬆入味，每粒米都吸收咗雞油嘅鮮美，正！✨老街坊牛筋牛腩 $159牛筋同牛腩經過慢燉，兩款都非常軟腍入味，肉嫩滑多汁，牛筋更加有種入口即化感覺，超好味。湯汁就濃郁香濃，充滿牛肉嘅香氣，撈落雞油飯一齊食，每一啖都係滿滿嘅滿足感。呢道菜嘅味道同賣相都極之出色。✨火陷椰子八寶燉雞 $89湯以新鮮椰子為基底，加入幾種珍貴食材，feel到有長時間燉煮，因為湯汁好香濃，充滿椰香同中藥嘅味道，不過唔知點鮮搵唔到雞既蹤影，只見到豬肉豬骨，雖然都飲到濃濃既雞味。整體味道豐富，八寶成份有紅棗、枸杞、蓮子等，增加左湯嘅營養價值和口感層次，滋補又美味。依個質素的確足的係圓方立足，係其他地方都比較少食到咁好味嘅新加坡菜，每款都好高評價，下次會想試試海南雞，同埋肉骨菜(我見到隔離枱有叫，超大碗)今次已經收哂貨，非常美味！份量2個人食有凸，雞油飯香氣四溢，米飯蓬鬆入味，每粒米都吸收咗雞油嘅鮮美，正！
繼續閱讀
做完嘢匆匆忙忙趕到去圓方食飯，因為朋友請客，唔好意思遲到，去到見到係天天海南雞飯，我真係大鄉里，以為點解特登要約我出嚟請我食海南雞飯。前菜先嚟咗個南洋醬汁醃花甲，成件事出嚟已經好靚，食落去嘅味道有種似食拍黃瓜嗰種味道嘅感覺，而佢個杯底本身就係有啲黃瓜喺度。仲有個班蘭汁椰香鱈魚，炸鱈魚本身都可以嘅，不過加咗班蘭椰汁又真係別有一番風味嘅。另外仲叫咗一個迷迭香火焰黑金叉燒，又係點完火打卡係一流嘅，基本上佢係用咗五花腩去做叉燒，所以又夠肥又夠香，同埋個叉燒汁係好甜嘅，送飯會更好。另外仲叫咗兩款湯，一款係鳳梨涼瓜干貝燉龍骨，味道都幾好，同埋幾特別。另外一款係木瓜花膠燉湯，重點又係點着過椰子殼又可以影相， 湯料好足夠，問題係其中一個椰子殼燒咗好耐都未熄，要搵人嚟幫手整熄佢。煮食方面，就叫咗個龍蝦湯炸米，呢個啲炸米幾時落就完全係個人口味問題，重點係好好味。另外仲叫咗一部雞油飯加埋呢個龍蝦湯一齊食更加好味。另外叫咗兩款雞嘅拼盤，水準都還可以，但係相對起嚟冇乜記憶點。牛方面就叫咗個新加坡咖喱原牛肋條配鹹煎餅，啲牛肉真係好嫩，不過份量唔算好多。甜品就叫咗個椰奶炸龜苓膏，都幾有驚喜，食落去有一種似曾相識嘅感覺，但係又諗起係乜嘢食物。
繼續閱讀
黑松露墨魚蝦多士 必點 推介❤️望圖片覺得好靚，忍唔住嗌咗。 上邊嘅黑松露醬配合埋裏面嘅蝦滑同埋墨魚滑，成個餸好花心思好有層次。 裏面分別有脆卜卜多士，仲夾雜着墨魚滑同埋蝦。 墨魚滑同蝦都好新鮮，調味亦唔會太過濃郁。 所以配合左上面嘅黑松露醬汁，啱啱好！ 側邊仲有個炸蝦頭可以食！ 天天海南雞（中份）雖然係中份，但係好大份。見佢講話天天海南雞同普通海南雞嘅分別就係佢哋係用雞汁淋落去整熟佢，所以食落去都食得出海南雞嘅肉比較嫩滑，而且雞唔會好肥。 佢本身亦都有啲雞汁調味，再配合埋本身有三個醬料。 佢嘅薑蓉醬唔係中式嘅薑蓉。 佢嘅味冇咁鹹比較係清清地嘅薑味。 中間嗰個辣醬就比較特別，又唔係泰式嘅辣醬可能係新加坡特產！🤣👍🏻食落去酸酸辣辣少少香茅味，三個醬汁，我最鍾意呢個！雞油飯（細）本身見佢油飯要$39覺得有啲貴，原來好大碗嘅！ 起碼係三到四個平時酒樓嘅碗！ 佢嘅油飯好香，少少香茅青檸嘅配料味，食落去口感好滑。 再加埋海南雞肉嘅鮮甜同埋嗰啲酸辣醬汁。 同個油飯配合得好好。酸湯石班魚味道同出邊嘅酸菜魚差唔多，但係食得出佢味精唔係好多。食落去清清地嘅酸辣味，老人家小朋友都可以食！ 石斑塊新鮮，有啲有少少骨！ 而且份量又係好大，都幾抵食！環境舒適位置非常寬敞，唔知係咪因為位置喺圓方餐廳嘅服務簡直一流！ ❤️ 個侍應好好禮貌重要保持微笑🤣 令到成個晚餐都好愉快！
繼續閱讀
適逢母親節，我哋一家就提早左一晚去食飯！因為有孕婦，好多野都唔食得，但今次揀咗圓方嘅天天海南雞飯，大家都好滿意！ 口淡淡嘅孕婦都食左一碗飯 👍🏻我哋四個人，今晚叫左三個餸！確實菜名唔記得，大概係燒雞，黑椒花膠同鴛鴦菜！ 《 燒雞 》唔鞋！脆皮！覺得好唔錯！覺得比之前食嘅海南雞仲好食（之前喺同店食過海南雞）《黑椒花膠》 百幾蚊一個餸，花膠數量都好好多！性價比高！黑椒味濃！喜歡黑椒嘅朋友可以一試！《鴛鴦菜花》 我哋揀咗小辣！惹味香口好送飯！我哋今日揀咗油飯，，其實最後我哋叫咗一大一小油飯，大油飯分到四碗，小油飯其實都分到三碗！味道幾好，香而不油！大家可以一試！
繼續閱讀
一直都好想試呢一間過江龍米芝蓮餐廳，而今日終於有機會試到。餐廳嘅裝潢好有特色，有一種現代工業mix中國古代嘅風格風。除咗餐廳嘅裝潢，餐具都係主打藍黑色，非常時尚有設計感。十大招牌魚籽菠蘿海鮮炒雞油飯$149雖然唔屬於十大招牌，但味道一啲都唔遜色。飛魚子同海鮮令個飯生色不少，同平時食嘅泰式菠蘿炒飯唔同，呢個飯食落有鹹香，味道更豐富更有特色。天天海南雞拼燒雞$289比起海南雞更加令人驚喜嘅係燒雞，雞皮燒到好脆而恰到好處，食落好香脆，唔會太油膩或者太乾身。另外，加青檸汁會令味道更加新鮮，非常值得一試桃膠菊花桂花雪梨茶$26味道清甜，不妨一試椰奶炸龜苓膏$49味道有少少似紅糖糍把，因為有椰奶嘅甜味，食落唔會覺得苦。口感煙煙韌韌，非常推薦👍🏻。
繼續閱讀