影片
以上資料只供參考, 請與餐廳確認詳情
今晚本身同家人去 The One食韓國嘢，點知人太多，唯有搵間即時入得又有 ok嘅鋪食嘢，睇咗一陣水牌就決定去別府喇，果然唔駛等直入，今日我都唔例外，叫咗炸雞拉麵同雞軟骨餃子拉麵當然要地獄湯啦呢度嘅辣係可以揀級數，分別係１級、２級、４級、６級同８級！因為太耐無食，唔記得食開咩辣，噤就叫咗４級啦應該係屬中辣掛！拉麵嚟喇，睇個樣噤紅真係有啲驚仲諗住雞件會另上添，浸住係個湯度搞到外面一啲都唔脆 好彩雞肉夠滑，可以補救到先試試個湯，飲個時真係要好小心，因為辣味太搶，好容易會咳！但試湯時，飲到有小小粉，應該係辣粉，如果可以隔咗啲粉就好喇！拉麵上檯個時已經有啲「諗」，唔知係咪等咗一陣就拎出嚟，令到個麵已經吸晒啲辣，愈食愈辣，真係要飲多幾杯水其實每次都叫拉麵嘅原因係個地獄湯好正，但今次一碗麵真係食咗３０分鐘先 ko到佢，都幾誇張！下次都係叫番２辣算喇！好彩食麵嘅中途個雞軟骨餃子都到喇，可以幫我解一解辣咋唔知係咪太辣嘅原因，除咗辣，我食唔到其他味！不過餃子皮薄同煎得好脆，加埋雞軟骨，食落去嘅「卜卜」聲口感好！點埋個汁就酸酸地
繼續閱讀
是日點了這個牛肉壽喜陶板鍋飯定食，陶板鍋非常豐富內有金菇，牛肉，豆腐，芋絲，窩蛋，黃芽白，生菜及另上珍珠白飯一碗，味道恰當不會互搶味道再加配鮮味三文魚併玻璃蝦壽司各一件及一件精緻的提拉米蘇甜品與及一杯味道不澀的熱咖啡。這頓定食非常均衡有齊魚肉飯菜。
繼續閱讀
今晚同女朋友放工後，去the one 睇完小小野之後就諗住係裡面食埋dinner，因為行到好tired，唔想再周圍郁，但睇左好多間，dinner 都好貴下，每位都百幾二百上落，而我地為左save money ，就揀左食別府。別府對我地兩個黎講，係食地獄拉麵性價比very 高既餐廳，唔貴得黎又好味，於是今次我地又係揀返地獄系列，以往一定叫地獄金龍拉麵，但見而家好似加左價，所以今次揀個平平地ge 地獄鬼山拉麵，鬼山其實即刻炸雞，都係五十幾蚊碗，再加一個三十幾蚊的魷魚餅。先講拉麵，地獄湯底有分辣度，我地2個都係揀左4椒，黎到之後，一食...very good，對我地黎講﹑辣得岩岩好，辣得黎又唔算好油﹑而且好濃好有味，可以一邊飲湯一邊食，別府的拉麵都幾彈牙爽口，雖然拉麵未至於有百幾蚊碗個d 拉麵咁好，但以呢個價錢黎講，算係幾好，炸雞就普普通通啦，我都係only 為左個地獄湯底。而魷魚餅就炸得幾脆下，感覺好似食緊墨魚餅咁﹑點側邊d 芝士醫，味道好鬼正，我記得好似係餐牌最平ge 小食之一，所以幾抵食。埋單，每人7x 左右，係the one 黎講...算好平架喇!
繼續閱讀
一行12人齊齊來吃午餐之前訂位被店員誤導要入房（有最低消費！）之後還是不用坐房！我們差不多一點鐘到達但全店只有兩三枱是有人的比較冷清！反而我們12人就覺得很好我們每人都點了一份午餐還有一些小吃整體上中規中矩不過店員比較兇態度有待改善！
繼續閱讀
週六午餐時間，無等位，拉麵有D慢，但係味道唔錯。同朋友試左地獄xx拉麵和溏心蛋，拉麵本身是辣湯底，但反而覺得豬骨濃湯好食d 溏心蛋做得OK好食。拉麵價錢不貴，整體OK。
繼續閱讀