影片
港鐵將軍澳站 A2 出口, 步行約4分鐘
繼續閱讀
營業時間
星期一至日
11:30 - 22:30
以上資料只供參考, 請與餐廳確認詳情
呢間嘢都喺度幾年當所有餐廳要排隊嘅時候佢永遠都有位今日趕時間就入左去服務似多人幫茶餐廳下午茶兩個人加埋都要110蚊只係叫左兩個牛肉麵餐但質素真係好一般麵好粉湯底一般珍珠奶茶似糖水其實賣相都一般講真，將軍澳開左咁多台式食店真係會揀其他
繼續閱讀
老實，我真係唔係好想去小王，飲品麻麻地，麵又麻麻地。不過真係唔想等位，又走左入去啦今次同婆婆一齊去食，原來我地食過咁多次，婆婆係未黎過架喎。諗下都唔奇既，因為小王從來都唔係我地既首選，基本每次都係唔想等位，又唔想中伏先會去食。同婆婆一齊，佢當然又係唔會叫熱門既野架啦。果杯咁既鮮果茶，就係橙汁加茶，再放D生果，個人就覺得唔好飲啦，連婆婆都覺得麻麻，真係飲水好過囉。另一杯奶茶就冇乜點。鹽酥雞同牛肉麵，因為同婆婆一齊，所以我同佢可以Share一個麵，又可以加小食咁。今次係第一次叫鹽酥雞小食，其實，如果平時個鹽酥雞麵係依Ｄ雞粒就好囉。佢果Ｄ雞扒真係太大塊，或者應該話，佢D雞扒如果可以切細塊D就好囉。另一個牛肉麵同炸蝦卷，炸蝦卷我覺得好一般，個人黎講唔會再叫囉。總括黎講，小王其實唔難食既，不過比佢好的實在太多。但唔想等位，小王100%係一個好選擇。
繼續閱讀
睇完戲。想簡單食個麵。一轉出黎就見到呢間小王。侍應唔太主動。啲阿姐黑口黑面。唔多想理人咁。😞2個人叫左碗半筋半腩牛肉麵。鹽酥蚵仔。麻辣脆藕片。脆藕片爽口。不過除左辣之外一啲底味都冇。鹽酥蚵仔口感偏實但唔硬。炸得好香口。牛肉麵可以揀湯底粗幼麵同配料份量。湯底係走藥材味路線。夠濃。標榜冇味精。麵揀左粗麵正常軟硬。唔會咬到有麵心。但唔算煙韌。牛肉牛筋夠淋。份量夠。不過唔算香。成碗麵整體黎講只屬不過不失。食完爭左一種滿足感。
繼續閱讀
突然好想食台灣野，於是同屋企人黎左小王牛肉麵食飯叫左一碗原汁牛肉麵，一份三杯雞，一份炸花枝丸，一碟豬手飯同一杯黑糖牛奶牛肉麵d牛肉同麵其實還好，但係湯底麻麻，影響成碗麵；三杯雞唔夠入味；炸花枝丸唔錯；黑糖牛奶普通無咩特別，豬手飯係屋企人食不過好似都話一般
繼續閱讀
成日行經呢間野都無入過去，今日咁岩要去pop corn就一於試試佢！將軍澳台式餐廳唔多，呢間算係中上既質素。我點左原汁牛肉麵，揀左幼麵。呢間有個特別之處係成碗麵你都可以自選，例如揀麵底，我揀左幼麵，至於配料既多少都隨你選擇，幾貼心。平時只係日本拉麵鋪見過呢種自選服務。個麵啲牛肉係牛腩咁既樣，咬落幾腍。啲牛係痴埋小小筋，有筋既部分好爽口。但有一兩舊有啲「孩」同痴牙，但整體唔錯。至於個麵不過不失，佢一開始有得揀腍度我揀左正常，出黎既效果真係好正常既一個麵。成個麵最正係個湯底，好清甜，又有啲牛味，下次會想試埋個白湯。順帶一提，佢啲酸菜原來係辣既，但都幾好食，唔會太酸，但唔食得辣既朋友要注意⚠️
繼續閱讀