影片
付款方式
以上資料只供參考, 請與餐廳確認詳情
本身好鐘意食佢哋，今次叫個冒粉米線外賣，返到屋企發現比多碗飯我，已經好奇怪，一打開米線，一滴湯都無。於是打落去問係咪漏左比湯，比錯碗飯我，個店完好惡咁話我哋唔會主動分湯，我要主動要求，d湯已加左落米線到。真好笑，我響你公司做既，一定知你地運作啦！如果你唔係本身分湯，點會執多磅飯比我？我攞完外賣返屋企都只係10分鐘，有無可能無一滴湯都無丫？本身都幾好食，價錢合理，都比你d staff 攪衰曬間公司，如果想留住d客，老闆唔該你管治下d服務員，d態度衰到無得頂！
繼續閱讀
第一次食，叫左個酸菜魚 從未食過咁難食既酸菜魚，個湯完全唔係平時食開個d酸菜魚湯，佢淡而無味，直頭叫做好難食既湯底，酸都唔酸，辣又唔辣，d魚就直頭到冇味，唔知自己食緊乜一定冇下次
繼續閱讀
平時都鍾意食辣嘢，川菜都食得算多。呢間嘢所謂嘅「冒菜」，即係類似麻辣燙嘅粉麵餐，係我人生中食過最難食嘅川菜。湯底完全冇功夫，啲肉餸只係煮熟浮喺表面，完全冇冒菜應有嘅香味。另外，從來都冇見過冒菜係會加菜脯and酸菜，好難食。就咁個餐都要100蚊😅😅。唔怪得成日啲人上深圳，好食過呢度唔知幾條街。要做川菜，唔該你整正宗啲喇，唔好得個名，啲嘢又完全不倫不類，求其就算咁。希望香港唔單要改善服務質素，更加要注重菜品嘅味道呀，唔係你整到咁，香港人就會埋單㗎
繼續閱讀
約咗好耐先約到嘅飯局有人想食辣嘢，所以就去咗元元酸菜魚有辣有唔辣，任君選擇~口水雞好在分開啲汁，因為太辣~紅油抄手好大粒，好好食~松子魚好好食~泡椒炒肥腸肥腸炸得太硬太乾身~元元招牌粗炒味道正常~擔擔麵麵好好食，只可惜叫咗小辣都仲係好辣
繼續閱讀
同朋友4個人去左元元酸菜魚食飯。超抵食，高cp值！我地四個人叫左個2人餐，再加多個小菜，同埋佢做緊加$1多一個小食，當日係加$1多一碟小龍蝦。酸菜魚好大盆，2人餐份量同單點一樣，魚好嫩，但係酸菜唔多，所以味道差d。小龍蝦辣得過癮，加$1以為份量好少，點知又係大大碟，超抵食，我地食到好飽。
繼續閱讀