影片
港鐵旺角站 C3 出口, 步行約7分鐘
繼續閱讀
電話號碼
36203689
62071115
營業時間
今日營業
18:00 - 05:00
星期一至日
18:00 - 05:00
以上資料只供參考, 請與餐廳確認詳情
朋友介紹左一間好食嘅砂鍋粥，是晚見涼涼地，就去試下先。地點在大角咀內街，都有啲難搵，而且附近好靜，唔講真係唔知呢度有野食呀😌餐廳六點先營業，我地早左到，店員示意可以到店內坐住睇餐牌先，廚房就快ready㗎啦。⭐乾鍋田雞先來一份乾鍋田雞，辣野啱哂送粥嘛，雖然好多辣椒，但其實食落只係微辣，一口接一口完全無難度，呢個辣度我覺得啱啱好😋田雞肉質鮮味，蛙身幾大啖啖肉，好正喎🤤⭐椒鹽九肚魚再黎一份椒鹽九肚魚，香口野同樣啱哂送粥，炸漿沒過厚，外層酥脆，內邊的魚肉嫩滑，入口即溶，加上蒜香辣椒香真係勁正😍⭐招牌砂鍋粥（細）最後就係主角砂鍋粥，加了蠔仔、乾瑤柱、鹹蛋、皮蛋，另外粥底本身有薑絲、冬菜、蔥花等，蠔仔鮮甜，瑤柱鹹香，加埋鹹蛋皮蛋真係色香味滿分🤤同埋細鍋都好大鍋，兩個人食一人分到五碗，飽到上心口😆食物好食又足料，環境靚靚好坐立。唯一唔明係收$10茶芥/位，但只有碟花生小食，水都係要問先有，如果有壺茶就完美了😎
繼續閱讀
約咗朋友嚟大角咀食晚飯，上網 search 到棕樹街有間「潮金稻園」，店舖主打潮汕砂鍋粥、精美小炒同特色燒烤，睇落都幾吸引，一於試下。餐廳以中式古代酒家設計為靈感，門面古樸雅緻，店內採用宮廷風設計，混搭帶玩味感嘅裝飾，穿古越今，非常有特色，令人眼前一亮！餐牌選項非常豐富，除咗潮汕砂鍋粥外，仲客家小炒、經典川菜、烤雞肉系、香口燒烤、涼拌小食、滋補湯羹、健康蔬菜同甜甜蜜蜜等。我哋點咗客細潮汕砂鍋粥，粥底 $60 起，配有冬菜、薑絲、芹菜粒、蔥花同菜脯粒，另外再加咗鯇魚片、新鮮滑牛肉 同 黃金皮蛋。砂鍋粥以潮州粥底炮製，即叫即煲，上桌時還不停冒著煙，入口帶米粒軟糯口感，味道很鮮甜。牛肉新鮮嫩滑，鯇魚片啖啖肉又無骨，皮蛋甘香軟綿，加埋啲蔥花，更加吊出個鮮味。客家鹹雞 ($98) 鹹雞揀咗碟例牌，份量啱啱好，足夠兩個人享用。雞件外皮呈金黃色，雞肉嫩滑入味，入口帶天然雞肉香，唔使點醬汁食已經好夠味。另外呢碟薑蔥爆鯇魚腩 ($138/例) 亦係必食之選，魚腩大大件，肉厚肥美，入口即溶，加上魚腩的油脂、爆香過嘅乾蔥同薑，真係令人吃不停口。
繼續閱讀
今日放左工同朋友去食潮州菜—潮金稻園，餐廳裝修別有一番風味，古色古香。店內還有房間，如果多人聚會可以book房～====—====—====—====—✧潮汕砂鍋粥✧🍲稻香園招牌砂鍋粥｜👨🏻🍳廚師推薦⋄小份$180起｜大份$340起粥底$60起（配有🌿冬菜、🫚薑絲、芹菜粒、🌱蔥花、💛菜脯粒）⋄可自由搭配以下材料：🦀膏蟹（$298）｜🦐大蝦類/基圍蝦/海蝦（$98/半斤｜🦞龍蝦｜🦑鮮魷魚｜🐚花甲王｜🐙響螺片｜🐟泥鯭｜鮑魚｜元貝｜🐟鯇魚片｜🐸田雞｜蠔仔｜💛乾瑤柱｜🦢鴨血｜🥚鹹蛋｜🍳皮蛋｜🥩新鮮滑牛肉｜🐤鮮雞件｜🐥鹹雞｜🐽肉片⋄配料選了鮑魚及基圍蝦，基圍蝦和鮑魚的鮮味與粥底融合得很好，非常鮮甜，2個人一𣊬間就清曬成煲粥😍
—✧客家小炒✧🐥客家咸雞（$98/例）客家咸雞也是店內我招牌菜，皮脆爽，肉嫩滑，咸香不膩😄—✧經典川菜✧🐸乾鍋田雞 （$138/例）🌶️紅辣椒、🫑洋蔥、及其他香料炒成，肥厚的的田雞，肉質鮮嫩，惹味無比😛—✧燒烤類✧🐄烤牛蹄筋（$18/串）🍆烤茄子（$38/例）燒烤類也非常受歡迎，牛蹄筋軟腍入味，茄子鋪上大量蒜蓉，好味道😙— ✧特色飲品✧🍹金桔檸檬百香果（$25/杯）來一杯特飲，解渴消暑一流👍🏻====—====—====—====—.📌店名：潮金稻園‘📍地址：大角咀棕樹街2-20號榮富苑地下10-11號舖
繼續閱讀
香港嘅砂鍋粥選擇比較少，見到呢間有砂鍋粥就上嚟試吓🥳1️⃣炒米粉炒米粉一送上嚟就知道實好好食，香氣十足米粉都係有彈性嘅，有少少透明嘅米粉不過食到最後略嫌，有啲偏鹹要不斷飲茶解渴2️⃣砂鍋粥（鹹雞加大頭蝦）建議如果揀蝦嘅話基圍蝦應該比較鮮甜啲大頭蝦肉質唔夠彈牙鹹雞配上粥就好match3️⃣燒茄子燒茄子比較普通呢間餐廳營業時間到朝早5:00 ，主要係做宵夜生意。店內位置多，可以容納好多顧客。係食宵夜同埋同三五知己聚餐嘅好地方。嘢食總體味道比較偏鹹，希望改善🥲
繼續閱讀
潮金稻園是一家以砂鍋粥為主打的餐廳，除夕到訪了潮金稻園，因為他們每天都經營至第二天清晨，非常適合落腳聚會。我們試了他們的招牌砂鍋粥，同時品嚐了他們的客家咸雞、招牌冰粉和烚炒萵筍，感覺滿足！首先，讓我談談招牌砂鍋粥。我們點了小份的砂鍋粥（$180起，粥底$60），配上花甲王（$68）、滷咸蛋（$15）和蠔仔（$50）。這碗砂鍋粥非常豐富，米粒煮得恰到好處，口感綿密。花甲王的鮮味融入粥中，為整碗粥增添了豐富的海鮮風味。滷咸蛋的蛋白咸香，蛋黃鮮濃，口感滑嫩，絕對是咸蛋愛好者的最愛。蠔仔則是鮮嫩多汁，帶著淡淡的海味。粥的湯底鮮美，帶著微微的甜味，喝起來令人心曠神怡。客家咸雞（$98）是一道具有濃厚客家風味的傳統菜餚，以咸雞為主要食材，口感鮮嫩，風味獨特。咸雞的味道鮮美，有著濃郁的肉香和微微的鹹味。肉質鮮嫩多汁，讓人回味無窮。烤雞軟骨（$18）和燒鰻魚（$28）都是非常受歡迎的美食，具有獨特的風味和口感。烤雞軟骨經過調味和醃漬，然後放入烤箱中烤至外皮金黃酥脆，內部保持軟嫩的口感。燒鰻魚外皮呈現金黃色和酥脆的狀態，肉質鮮嫩！接下來是烚炒萵筍（$68）。這道菜以新鮮的萵筍為主角，經過烚炒後，保留了萵筍的嫩脆口感。這道菜不僅美味，而且營養豐富，是一道令人滿意的健康選擇。最後是招牌冰粉（$48）。冰粉的碗裡擺滿了各種令人垂涎的配料，包括椰果等等。冰粉上面淋上了濃郁的糖水，讓整碗冰粉更加甜美可口。每一口都能品嚐到不同口感和風味，非常清涼解渴，是夏日的最佳選擇。潮金稻園 (大角咀)地址：大角咀棕樹街2-20號榮富苑地下10-11號舖
繼續閱讀