影片
港鐵奧運站B出口, 步行約3分鐘; 奥運站B出口滙豐中心斜對面
繼續閱讀
營業時間
星期一至日
11:30 - 20:00
以上資料只供參考, 請與餐廳確認詳情
我行我素🫰🏼新派素食自助餐⭐️⭐️⭐️⭐️⭐️⭐️⭐️⭐️⭐️午市 $68位 （長者卡9折）位於大角咀，奧運站地鐵旁邊平日12點半帶家中2大長老試試😊可能係上班族午餐，都有幾個人排隊。😗呢排佢做緊長者有全單9折（下午茶除外），連同行者都有折，所以吸引左好多長老黎食😌店內裝修乾淨簡潔，座位略嫌少少迫。😅食物方面，最欣賞佢既口水雞、麻醬雞絲。醬汁味道都好似真一樣，仲有個鳳爪都好似，但其實係蒟蒻。😋😋仲有芋頭魚、炸蕃薯、炸蓮藕、薯粉、炒飯、炒河、酸齋及甜品（紅豆糕，豆腐花）等等等等⋯ 款式都算多😌另一略要讚係佢refill做得好快，又會不停有新食物加入。之前試過另一間素自助<無肉食>，品質差好多，每樣素菜都只有菜同菜同炒菜😅又唔refill🥲仲貴d添～呢間缺點係午餐只係食60分鐘，其實要行出行入拎野食，都有少少趕呀～🤨不過呢個價錢，有甘多野食，食個普通午餐都5-60蚊既時代，呢餐係抵既😀推介呀呢間！😚
繼續閱讀
呢間我行我素好多老友記食，因為有長者咭有9折如果食3點下午茶真係要早啲黎排隊今次我食1130，1100已經有人排隊，最好自己早20分鐘黎排，確保唔會白行一趟。食物方面我覺得普通通通，正常水平，無咩驚喜佢啲炸物個脆漿太脆，好硬，唔似天婦羅佢冷盤算多款，亦有粥，中式糕點甜品同糖水，又有豆腐花有熱飲品—羅漢果菊花幾好飲，但就無凍飲，得凍水呢間只會refill同款食物，唔會中途有變化不過有樣野係疫情之下就覺得唔太好，佢得一隻大碟裝野食，佢有廚餘筒俾你倒垃圾，但大家清潔完個碟會用返同一隻碟再去拎野食，個人覺得唔太衛生，無疫情都還好，有疫情下，唔知大家夾食物會唔會掂到隻碟。總括來說，$68價錢算唔貴但得1小時進食都有點趕，店員真係會計時，因為有人排隊，呢間只會食一次，如果食自助素食會選擇另一間係北角，將軍澳，荃灣等都有分店嘅集團，雖然價錢較貴但係質素比較好
繼續閱讀
今日和朋友去咗大角咀我行我素， 原本我對佢係有期望嘅，11:26到咗可入場，門外寫有長者九折，入到去佢問有無長者咭；我哋話有樂悠咭同樣有九折。坐位約三十台左右，以入三分二人，坐下後共取食物，食物一般；好多都係凍曬或者微暖， 值得一讚嘅食物有麻醬青瓜絲， 食品種類唔多約莫三十款嘢到喇 飲品就只有茶同水，汽水要另外收費。 原先諗住健康食品 應該會係熱食點不知係凍好多都係凍嘅 感覺上中伏囉 因為上次去荃灣食素餐都係熱食好少有凍食但係呢度大部分都係凍食不如算
繼續閱讀
又係要搵食的時侯，朋友提議去大角咀一間新開的餐廳。係一班中年人仕一齊開，支持下啦⋯⋯💪🏻門面俾我感覺，好🈶️外國feel，Coffeeshop？甜品店！No 原來係一間素食館、入邊環境好清雅，給人感覺簡潔，清新。同時系自助形式，正👍食物方面：冷盤：沙律吧！有藜麥和薯蓉，好特別👍👍熱葷：酸齋，印尼炒飯，伊面，炸豆腐，煎釀三寶，回鍋肉，Pizza（味道好似連鎖店，Pizza底卜卜脆，令我懷疑自己係咪真係食緊齋😂😂）種類有成十幾種。甜品：豆腐花，綠豆沙，椰汁糕等等。飲品：羅漢果（免費）價錢大眾化，絕對值得一試😋😋
繼續閱讀
知道老店被頂手了，今日前來一試，見到有排人龍照片，所以今天特別早來食第一輪。11:30時段其實人不多，入座前比錢，安排單人高枱，很自在的角落。取碟開始啟動，先夾蔬菜，紫薯泥車厘茄，之後結婚，有南乳粗齋，蘇鵝，煎釀三寶，陳村粉，蒸水蛋，咕嚕麵筋，南瓜，黑椒牛肉粒等。有粥有印尼炒飯，炒麵，蒸腸粉，炸物有炸蓮藕炸豆腐，比較特別的是酸辣薯粉。老實說， 感覺大不如前，素菜款式沒有新意，跟傳統的齋鋪沒兩樣。懷念以前的新派素食，特別是素pizza，素手卷等。
繼續閱讀