影片
以上資料只供參考, 請與餐廳確認詳情
想食燒鵝脾，就會諗起六叔燒鵝！作為街坊，平時都會係呢度買燒鵝飯、叉燒飯、燒腩仔，店舖位置好易搵得到✨✨😊店內環境舒適，座位闊落，張枱擺滿哂野都得今次叫咗2個🦢燒鵝髀飯，大大隻髀好多肉，一上枱睇起來光澤十足🥰✨燒鵝脾肉味香濃✨✨最鐘意個皮好脆而肉質好嫩，上枱時仍然係暖，配埋燒鵝醬一齊食，真在係太棒了👏🏻 連飯都有鵝味！油送飯一流！仲可以加埋時菜🥬一碟，夠哂營養😆😆真係滿足又完美既一餐吖😆💚✨✨
繼續閱讀
家裡吃飯，乖寶寶當然要貢獻一下！餐廳環境很光潔亮麗，處理燒味的地方亦很企理。餐廳門口放著優惠宣傳廣告，加$1加購切雞非常划算，不過為了不浪費，我得考慮到家人們的食量，所以只能錯過優惠！我點了皮脆肉嫩的燒肉及柔軟的厚切叉燒。燒肉脂肪不多，多吃亦不會覺得邪惡。當然燒肉脆皮才是重點，卜卜脆的外皮確實是無法拒絕的美味！肥瘦適中的叉燒肉質是柔軟的，啖啖肉是無比的滿足！整體來說，我跟家人都很滿意這天的「加餸」。
繼續閱讀
同媽媽出街後，佢話好耐無食過燒味想食，路過見到有六叔燒鵝門口有人排隊等外賣，咁即刻呢間店嘅燒味都ok，咁就同媽媽入咗嚟堂食試吓。點咗半隻貴妃雞、乳豬拼燒鵝飯再加咗一隻咸蛋&菜芯。估唔到貴妃雞可以咁滑，仲好豐富肉汁，平時食到滑捋捋嘅雞髀都係平常事，因為雞髀本身質質都係比較嫩滑，但呢度連雞胸都整到好滑！簡直真係無得彈！乳豬仔就豬身色澤均衡，皮燒到芝麻皮，個皮咬落鬆脆，脆卜卜食落好似食薯片咁嘅聲！而燒鵝燒到個皮都係脆口，好味！門口排長龍果然無嚟錯！
繼續閱讀
一直都少食燒鵝, 一年都只係淺嚐一次半次, 原因當然係自己知自己事, 我老人家身體唔係太好嘛....但自從近期係銅鑼灣返工, 係鵝頸橋鄰近食過兩三次質素唔錯嘅燒鵝之後, 身體又無咩痛喎, 豬蹄矛痛喎, 於是心雄膽大咗, 今日就走去屋企隔離街嘅六叔燒鵝同女友小熊開餐.我想食燒鵝脾, 其他由小熊話事, 點咗燒鵝下裝, 一碟乳豬叉燒飯.一入店舖經過樓面, 見到一大盤我大愛嘅蔥油! 顏色翠綠吸引! 即刻食指大動!先講講叉燒, 落單時忘記要求肥叉, 上枱嘅係瘦叉, 外相以為口感較實原來入口鬆軟 juicy, 當然要點埋蔥蓉一齊放入口啦!香港興什麼飲食健康, 肥叉同燶邊叉好似變得生人勿近, 眼前嘅叉燒有少少燶邊, 相信要迎合番街坊要求.乳豬皮脆肉嫩, 而且份量比預期多, 滿意.燒鵝上枱時仍然係暖, 我見到d燒鵝從店舖最入攞出嚟, 偷望到入面有瞥爐, 相信必然係自家燒制, 夠新鮮. 而鵝肉鮮嫩入味, 皮脆, 鵝油送飯一流!最後緊係講講主角啦! 初時擔心d蔥蓉過咸, 實在太多燒味店d蔥蓉過咸, 所以唔敢要求太多份量, 好彩六叔嘅蔥蓉味道適中, 配合叉燒一同入口係絕配.蔥蓉, 唔係只係點油雞㗎!喂喂喂! 呀小熊! 我隻燒鵝脾呢! 吓! 又食咗!
繼續閱讀
土瓜灣特色小食很多，傳統美味小店更是應有盡有，雖然交通不太便利，但有地鐵之後已大大改善，方便入去尋找美食，今次就去尋找好味燒味。網上看這間燒味不錯，便買些燒鵝一試。店內size一般，但格局舒服，而且用了木傢俬，給人古色古香的感覺，配上燒味飯感覺很傳統，很有特色，店外掛了各式燒味，有油雞，燒鵝，燒鴨，它的地方乾淨，給人安心的感覺。燒鵝大隻，於是便選擇了燒鵝下庄一試。燒鵝份量也算充足，有二人份量。$140不算貴，價錢合理。燒鵝肉質厚實，而且脂肪香醇，加上外皮香脆，讓人一試難忘，配上梅子醬，味道更加惹味，但如果多幾包梅子醬就更加好了。讓人貼心的是，它的外賣盒可以直接放入微波爐，非常方便。
繼續閱讀