影片
電話號碼
24746228
63931030
67000052
營業時間
今日營業
17:00 - 01:00
星期一至日
17:00 - 01:00
以上資料只供參考, 請與餐廳確認詳情
喺香港唔少得食中菜，想揀間好食又大碟既我就好推介呢一間啦，佢哋嘅食物水準非常之高，味道拿捏得好好唔會太鹹，我哋叫咗個蒸筍殼，真係好新鮮，肉又滑，仲有佢哋嘅扇貝大大隻，鍾意食粉絲嘅朋友，仲可以叫佢加多啲添👍🏼再叫咗個蒜蓉炒豆苗好嫩好新鮮，仲有好多招牌菜都10分好味😋
繼續閱讀
簡直不知所謂…落單等左一個鐘…係一間垃圾！好食都冇用！廚房管理簡直一堆垃圾…做唔到未收小啲客囉！外賣多未停左佢喇！大佬！點樣做生意架！食唔落…你硬吞！啃死你呀！
繼續閱讀
一家三口嘅星期日晚飯我哋食左😋麻油魚皮勁抵食，超大碟，麻油好香，加上魚皮爽脆，連埋葱絲薑絲胡椒粉加埋一齊食，一啖接一啖，停唔到口。😋香酥脆皮豬手酥脆香口，大大件，肉嘅部位稍為有小小乾，但都好好味。😋蜜薯安格斯牛粒最鐘意食嘅一道菜，牛柳粒好多，仲有好多蜜糖，至愛，送飯一流。😋香脆乳鴿又香又脆，唔會炸得過老，肉嫩皮脆。😋蠔仔粥超多蠔仔，大粒又飽滿，食左3大碗。整體好滿意，樣樣都好味，下次再試埋其他。
繼續閱讀
2023年03月15日(三)傳聞榮來樓鑊氣小炒頂瓜瓜倆姊妹來撐枱腳帶子鑊氣小炒皇蜜薯安格斯牛粒潮爆蠔仔餅家姐話味道、鑊氣同以前完全唔同，差咗好多。味濃、味精重，食幾口後，就開始口渴，不斷飲水。帶子鑊氣小炒皇，帶子不見蹤影，但有菜脯、薯仔粒、豆腐乾。蜜薯安格斯牛粒，味道OK，家姐話以前好好味，必食。潮爆蠔仔餅，有少量蠔仔、洋蔥絲、菜脯混合，味道一般，材料少，炸漿非常之多。今次之後，失望而回，冇下次。
繼續閱讀
今日去左榮來樓食飯，屋企人介紹話好食，即管一試，但去到全部野食都加左$20一樣，勁貴！但都算啦，一場黎到就試下。點左幾款小菜，普遍都要一百幾蚊一碟！先上椒鹽九肚魚，勁油膩，魚肉好腍好濕，感覺好油唔乾爽，食一舊就唔想食了。素炒伊麵 無食過 唔知味道然後黎左一隻咸雞，$188/隻預算佢會好大隻，佢仲要好醒咁將一隻開兩碟好似好多份量咁，但側邊擺滿炸到燶哂嘅油炸鬼，搵鬼食咩？咁黑！而且成碟野其實唔係好多雞，好多都係油炸鬼。咸雞就仲衰！第一眼見到，嘩，咁乾咁瘦嘅？？？皮又乾，骨又黑，肉又梅，咩事？$188你比隻咁嘅雞我？？？食落仲驚，點解個口感、味道、色澤、大細，同我係街市買大陸預先包裝煮熟左嘅「客家咸雞」一模一樣嘅？又咸又乾又柴！我比$188黎食你呢隻街市買$100/3包嘅原隻咸雞？？？其他榮來樓食評果隻雞，完全唔係咁嘅樣！就算咸雞，都唔會變左咁瘦咁乾咁黑架！成盤野都係垃圾！最後全檯人都唔食隻雞，每人一件就無再食過！豉椒鵝腸，還可以，正常，但你話味道同價錢都係唔成正比。呢個魚泡煲要$148！真係貴到痴線！好好食又唔係，又係普通薑蔥爆，但魚泡尚算大舊彈牙。 糖醋咕嚕肉，完全薄如紙，食炸粉定係食肉？d豬肉又薄又幼，炸粉勁厚，唉，無眼睇。整體都係好壞參半，如果佢係平嘅話我都算，但佢唔平呀嘛！勁貴架！差差差。
繼續閱讀