影片
港鐵上環站 A2 出口, 步行約4分鐘
繼續閱讀
電話號碼
25552202
開飯介紹
星級粵菜餐廳，餐廳以頂級有機食材炮製一系列傳統及新意兼備的中菜，招牌作包括雞油花雕蒜花蟹和羊肚菌炆腐皮等手功菜。
繼續閱讀
獎項殊榮
米芝蓮一星餐廳 (2021-24), 亞洲50最佳餐廳 (2017-2021)
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
食家推介
招牌菜
相關文章
20240227⛅Tuesday 🌹🧧農曆正月十八日📜「大班樓」傳奇：🎊2009年在九如坊開幕，🌟2012年榮登米其林一星，💯2019年進入「世界50大餐廳」第41名，🏆2021年晉升至第十名，並奪下「亞洲50大餐廳」冠軍寶座，🌟2022年再次拿到米其林一星。🎊2009年開張的「大班樓」早已是50佳餐廳（50 Best Restaurants）常客，米其林指南與50佳榜取向有別，直到2022年「才」獲得米其林一星🏫「大班樓」2022年遷往新址第一次來到👍「大班樓」有一定捧場客，一定有自己獨特的優勢，食材優先，獨到的烹調及注重細節。🐷(1)甜醋子薑豬手耳凍＝ 晶瑩通透，豬手及豬耳切得幼細，帶點薑醋味，🦑(2)凍鹵水花椒小吊桶釀土魷＝鹵水入味，內裏爽口馬蹄，芹菜粒，淡淡花椒味，土魷爽口，最後有少少麻的感覺。🕊️(3)醬燒生哂臘乳鴿＝在舊店未食過這味餸菜，臘得乾身，肉質脆嫩，醬燒汁入味🐑(4)醬燒羊肋骨＝羊肉充滿煙燻香味，令人垂涎欲滴🐟(5)炭火脆皮熟皮鰻＝以炭火烤炙，望到眼前的鰻，就知道整條的鰻魚又幾肥美，🐠(6)清蒸海斑（金邊方脷，龍利魚中極品）=肉質滑嫩🦀(7)胡椒泥蟹＝菲律賓來約斤四的泥蟹，胡椒香、啖啖肉，食到手指大動🍲(8)梅乾菜扣肉煲仔飯=由煲神何靖主理，份量十足，扣肉入囗即溶，飯粒香囗。🥬(9)XO 醬炒時菜＝XO 醬比坊間濃郁蝦味，菜心刨走外層，淨低最鮮嫩部份，貼心注重細節🍝(10)豉油王肥牛抄陳村粉＝甜味的陳村粉，欠缺鑊氣🍧(11)「大班樓」甜品三寶 杞子雪糕、棗皇糕、生磨杏仁茶＝杞子明目， 棗皇糕口感煙韌軟糯，杏仁茶 窩心潤喉
繼續閱讀
有幸成功預約到大班樓lunch time食個團年飯, 新年仲有蔡瀾先生題字嘅揮春, 非常醒神👏🏻菜單形都係以套餐形式, 用餐前幾日會收到email, 可以揀3道頭盤、3道主菜 (1海鮮2肉類)、1蔬菜、1飯/麵, 可以另外加錢追加菜式, 不過套餐份量已經好夠食, 基本上附近食客都會打包 🤭茘甫鴨盒 - 入口香脆, 芋頭夠香加埋鴨肉鴨油非常滋味龍井菊花煙乳鴿 - 煙燻味十足, 乳鴿都鮮嫩, 唯獨係未感到龍井同菊花香氣, 而且食得比較邐迤炭火厚切叉燒 - 肉味極濃, 炭火焦香, 肥瘦剛好, 略為柱侯醬味重蟛蜞膏豆仁炒琵琶蝦 - 蟛蜞係淡水小型蟹類, 其蟹膏非常鮮美, 炒上鮮甜琵琶蝦, 每啖都係鮮味大班樓酸辣甜蒜牛四味 - 牛肋骨、肥牛、牛筋及金錢肚, 酸辣甜蒜惹味但唔會過火 菠蘿咕嚕豬尾 - 有D似咕嚕肉, 但外層更加酥脆, 內裡豬尾肉軟, 味道層次更勝咕嚕肉豬皮櫻花蝦燉時菜 - 3款不同口感嘅食材出奇地夾蟹肉鮮蝦蝦乾蝦醬炒飯 - 食到呢到已經非常滿足, 每人一小碗之後已經打包, 蟹肉、鮮蝦、蝦乾、蝦醬堆疊出嚟極鮮, 個人偏口炒飯可以再乾身D甜品三味 - 杞子雪糕、紅棗糕、杏仁茶不得不讚店員服務用心, 密密換碟, 而且解答到食客疑問, 每次用餐都有愉快經歷🤙🏻
繼續閱讀
作為2023年壓軸的食評，曾經諗過好多，究竟係解鎖既上海總會抑或第一次去既潤或永？思前想後都係選擇光顧多年的大班樓。自從搬了新舖後，環境的確是舒服得多，但訂檯依然困難，菜色每季都添上新意，早幾日的菜單，就盡量換上新菜色，再加上自己最多愛的幾味，臨場再加呀加，豐富到極。頭盤自從第一次食過便愛上的蟛蜞膏柚皮冬瓜，以魚湯煮過的柚皮加上以蟹湯煮過的冬瓜疊在一起，再澆上一層蟛蜞膏，鮮甜豐腴，只此一家。畢竟由開業一直光顧，有時候都會食到即將on menu的菜色，醬燒生曬臘乳鴿就是其中之一，以大頂鴿處理，臘得好乾身，但肉質柔韌，送啤酒一流。再來一道off menu 薑醋豬手豬耳凍，Q彈的外形，豬手及豬耳切得細碎，味道帶薑醋的感覺，好特別。大家吃得意猶未盡，即場追加台式老腐乳鹹魚臭豆腐，這個以李大姐臭豆腐原型版加以改良，聽說是注入台灣鹹魚、腐乳及馬碲等再重塑，令氣味有層次，外層炸得香脆而內裡熱燙軟熟，美味。一口湯每次的一口湯都不同，但都感覺到家常湯的氛圍，今次是青紅蘿蔔響螺湯，很濃稠的質感，一口喝下，回味無窮。主菜海鮮就算有幾位新朋友加入，今次都想轉轉口味，胡椒泥蟹一向有口碑，自己都食過好幾次，感覺與花雕蟹是截然不同的風味。兩隻足斤半以上的泥蟹未上檯，已瀰漫澎湃的胡椒辛香，四隻大蟹鉗分別安排了給在坐的女士，自己樂得享受滿是蟹膏的蟹蓋，而蟹肉不單入味，辣辣地超惹味。另一道自出現便不離不棄的菜色是魚米粥蝦籽琵琶蝦，粥底綿滑又富米香，而琵琶蝦以 slow cook 處理，幼嫩的口感食幾多次都不會厭。肉類一鵝一雞，已成了我必點的家禽之一，蔥油本地小騸雞蓋上大量蔥油，真係好食到震，加上去埋骨，除了雞翼外可以話啖啖肉，又有薑茸加持，不妨追加一碗白飯。菠蘿咕嚕豬尾又是一道全新菜色，以豬尾入饌又真係估你唔到，除了沒有青椒外，賣相同食味都好似平日見到的咕嚕肉，外層脆香不過內裡比較軟稔，酸酸甜甜幾開胃。菜選擇了魚湯白木耳浸瓜絲，魚湯底好鮮甜，配以白木耳及瓜絲，感覺上似食魚羹，但又有菜蔬的清新。飯相信是年度驚喜發現的瑤柱咸肉燒鱔煲仔飯，製作繁複，但色香味俱全，以熟成30日的鱔肉吊燒，飯粒蓋上瑤柱絲及咸肉，蘸上了油香，飯焦亦恰好，有焦香而沒有燶味，鱔皮咬落脆卜卜，而鱔魚竟然有肉汁而不乾身。再加上蜆肉湯作泡飯，味道更加昇華，變中有變，這個單尾找不到挑剔的地方。而甜品三味每次都有些少改動，但基本不變是杏仁茶，而其他兩款，我就會指定食杞子雪糕，第三款就每次不同。多年來對大班樓的菜色都有百吃不厭的感覺，踏入2024年已在倒數之中，今年飲食業給北上報復式消費打得叫苦連天，希望大家加倍努力，重新挽回香港人的信心。
繼續閱讀
感恩朋友安排好餐廳晚餐還能免開瓶費，大家都外帶酒來了，人均一瓶哈哈哈哈，食得好飲得到～大滿足，預先寫菜單每款都係signature dish，靚仔廚師即場表演 ，美食可以帶來幸福感✨荔甫鴨盒 ～ 不吃芋頭的我都覺得好好食✨蟛蜞齊柚皮冬瓜 ～ 呢個手工菜無敵✨炭火厚切叉燒及羊腩片叉燒 ～羊叉燒真的超級好出色✨炭火脆皮熟成鳗 ～ 好脆好香✨一口西洋菜湯 ～ 好好飲，呢個份量剛剛好✨豉油王豆豉欖菜煎泥蟹 ～ 不得了，好入味啖啖肉✨剁椒咸肉蒸魚嘴配水餃 ～魚嘴好滑水餃都好入味✨麻辣海鮮臭豆腐窩 ～ 巨好吃，好想追加臭豆腐✨大班樓酸辣甜蒜牛四味 ～ 牛控一定喜歡✨雞油炒豆苗 ～ 超好食一下子俾大家清晒✨煙薰馬友銀魚窩飯 ～ 好香，不過真的太飽吃不完當然環境舒適，服務一流，都算對得起呢個價錢，只不過係有錢都未必book到😭😭😭已經去到9月尾都full,難怪有人上網賣Booking特別建議大家多人嚟食可以試嘅菜式更多～
繼續閱讀
🌟整體評分: 9/10🌟❤️味道：10/10🧡環境：9/10🩵服務：9/10💚性價比：9/10💗小朋友喜愛度：8/10呢間中菜餐廳早就享負盛名，第一出名當然係食物質素，而且服務團隊出名醒目！想食記得提早預約呀！首先出場既係招牌密汁叉燒，肥瘦均勻。味道正常，但唔算太出色。鹹魚臭豆腐 對於鍾意食臭豆腐嘅嚟講絕對係恩物，外脆內軟，仲有陣陣鹹香，推介！花雕花蟹蒸蛋白係十級推介，新鮮花蟹非常鮮甜，蟹汁流哂落蛋白度，超正！最後高蟹糯米飯真係不可不試，煙煙韌韌既糯米吸晒蟹嘅精華，一粒都唔可以浪費！
繼續閱讀