影片
工作太忙，一望鐘已下午四點多，於是在附近找茶餐廳，希望快點吃完再搏殺過😅😅一入去看到有單人的卡位，真好不用坐平時的卡位，一是覇了其他人的卡位，又或不用同人搭枱😊😊因未吃午飯，我想要飽肚的下午茶，不想要三文治或西多士等。這裡下午茶也有炒粉麵，適合晏食lunch又或想食大份些下午茶的食客。馬拉盞肥牛炒烏冬下午茶餐 $36價錢非常合理，尤其在上環區。烏冬份量以下午茶來說是可以，不算細碟，肥牛都有好幾大片，炒粉麵難免會比較油，我都預左，所以都接受到。味道不過不失，🆗 可以餐奶茶亦屬🆗可以，茶味不會感覺太澀太cheap。總體覺得還可以，以價錢及速度來說也不過不失。冷氣則有點不足，尤其三十幾度的夏天，食飯都想可以舒服啲涼快啲。餐廳其他餐牌也是一般茶餐廳的選擇。
繼續閱讀
返學之前約幾個食返個靚靚早餐先去上堂先。上環附近有冇啲咩茶餐廳呢？原來都真係有好多下。唔識揀添，一於是但要一間啦，就咁嚟咗呢間快活美食茶餐廳。我食沙嗲牛肉午餐肉麵，凍奶茶。沙嗲牛基本上係食都必叫嘢食。碗麵仲有跟幾條菜比我哋，營養均衡呀好呀！麵都唔會硬，煮得啱啱好。沙嗲醬落得好足，撈落麵到味道剛剛好，充滿咗沙嗲香味。
繼續閱讀
由於要為分店跟埋d手尾，所以元旦日選擇了返寫字自己一個人開工，而阿J 就同外父外母及一眾友人去大公館飲茶，無錯，又係大公館，呢排佢地已經去過起碼6次了..... 做得正興起，但又肚餓，決定買個快靓正外賣飯盒醫肚，公眾假期上環好多茶餐廳都休息，好彩附近呢間有開。見平日 lunch time 好多人排哂長龍買這裡的飯盒，估計質素應該唔錯。選擇凡多，點了咖哩牛脷飯加熱檸檬水。咖哩汁香濃得黎帶點甜，比起大字頭快餐店的咖哩汁好味好多，剩係用個汁都可以食哂成個飯。牛脷都幾厚，夠淋，入味，有成十件，抵讚。薯仔做伴菜，這裡的薯仔先經過炸才煮熟，所以不會散哂同過淋。要特別一提是這裡飯盒的份量 ~ 飯盒的size 參唔多係張A4紙咁大，比起有d茶餐廳用特細飯盒來得大方，重點在於唔係得個盒大，裡面d飯餸都係一樣大份量，連我大胃王阿P 都話飽 。
繼續閱讀
今日行嚟蘇杭街搵下呢條街有邊間茶餐廳係我未幫襯過，結果有兩間，其中一間係《快活美食茶餐廳》，好就試下啦。餐廳地方不大，坐位不多，但尚算好坐，點咗份餐蛋米配凍檸茶。餐肉有煎香先放上碗，有誠意；蛋好香滑而且幾大隻，但略嫌煎唔夠香；米粉好幼身仲好滑，又有幾條唐生菜襯托，不錯，；凍檸茶嘅茶味夠，但偏甜。埋單$25蚊，都幾底食。
繼續閱讀
中小型茶餐廳仔,有自選兩'食送'三'食送'飯食,不過我多數食常餐,沙嗲牛肉,雞扒,餐肉,豬扒,叉燒,腸仔,可選一款或雙拼,雙拼要加錢,最鍾意都係沙嗲牛肉配出前一丁,接近十件幾惹味的牛肉,又有原味一丁.另外就係配牛油多士不烘底,加一份火腿炒蛋.連埋凍飲$37.
繼續閱讀