Zenon Café

試過好多間墨汁意粉嘅餐廳，但唯獨呢間我推薦比大家食，首先佢個墨魚汁整得好好，不會太鹹，而且意粉嘅口感不會太硬都不會太軟，而且擺盤都幾靚唔馬虎，對眼望落嘅食相都已經覺得好好食，再食落去更加係堅正！🤩 加上望落去嘅環境衛生都幾好，員工嘅服務態度都好有禮貌，店內嘅設計比較復古Vintage，牆上亦有很多唔同嘅油畫，總結而言，呢間餐廳唔單止食物很好，環境也不錯，推薦附近返工嘅朋友仔可以嚟呢度試吓！下次一定會試埋佢其他嘅嘢食！

朋友對菇菌類敏感，入座前已再三說明，最後點了牛油果三文魚法包，但裡面有黑松露醬，吃了兩口同waitresses 講，出奇地被反問，難道是我理解錯誤：黑松露不是菇菌嗎？最後換了一碟給朋友，醬汁由黑松露醬換成普通沙律醬，及另上還有最可怕是，我碟墨汁意粉原本已是深黑色，食到一半見到一條頭髮，一句sorry都冇，仲比其中一個waitresses 話我碟意粉禁黑你都睇到條頭髮，禁厲害？ （原本不打算出聲，但態度差，所以決定公開）如果唔係因為燈光反射的話，根本就睇唔到條頭髮，waitresses 話換過碟，我唔敢要，叫上埋甜品和飲品便算。最後，我地埋單時佢地當冇事發生過，一句唔好意思都冇，食物味道一般但態度差，這樣當然就冇下次啦！

係中環返工唔知食咩好，同事話不如試下呢間- all day breakfast 好豐富，第一次食到有all day breakfast 係有鴨胸，仲要係有好幾塊。隻蛋煮得非常滑。仲要有好幾大塊煙肉，仲有一大塊烘過既麵包- Waffle唔會好硬，好容易入口，比左好多花生醬，但唔會得花生醬味all day breakfast 個份量對我黎講少左啲啲，但食埋Waffle就剛剛好。同埋就算係外賣都可以保持到溫度，拎翻去office都係好熱

Waffle士多啤梨醬同朱古力醬，上面仲有粒士多啤梨做點綴Matcha LatteLatte 上面的三眼仔公仔好可愛😊飲品仲會配送一個彩虹的水泡仔，如果飲凍飲品，可放入水泡中間，用黎打卡一流😀👍🏻

見佢opening rice 訂座有6折，所以收工去試下！其實見佢食評都係一般，所以都冇太大期望，而唔會好失望🤣🤣鴨胸意粉🍝$148，如果呢個價錢就唔抵！味道正常ok 嘅，如果唔係有6折我真係唔會嚟😅beef burger 🍔 $148 餡料可以，但個包面好似有手指印撳扁左😓而且叮到好亁好硬，但包低吸晒醬就淋晒😥餐唔包飲品+$15先有soft drink 即係汽水啦！見佢$38🍺有杯Hoegaarden，但上到嚟係支超細 Hoegaarden😒，😮晒咀！

星期六同老公諗住去坪洲行吓，中午去左中環Zenon cafe食lunch餐廳分為上下兩層，我地安排咗坐下層位置餐廳擺放咗好幾幅好特別嘅畫，令餐廳生色了不少之後我地點咗一個All Daybreakfast同一個慢煮豬扒British - 好豐富嘅All Day Breakfast, 香腸入面有芝士，好味道，煙鴨胸好食，炒蛋好滑好厚😋Truffle Mushroom soup- 磨菇湯好多磨菇碎，黑松露嘅味道好濃，一定要飲👍🏻Iberico Pork Loin- 慢煮黑毛豬，豬肉好嫩好有肉味😋飲品點左Strawberry Delight同Cuppuccino同老公兩個都食得飽飽😋之後就出發去中環碼頭坐船入坪洲☀️😎

諗住公眾假期去中環附近行街所以在OpenRice尋找餐廳吃早午餐，看到此餐廳有六折優惠，用消費卷仲有額外九折，已經看過食評盡量避開伏位；叫了british all day breakfast 和jumbo reuben sandwiches，味道尚可，仲叫兩杯特飲mint peach tea 和sour crash，實在太難飲不提也罷。到最後埋單主餐牌收六折，但用消費券唔肯比額外九折聲稱要嗌餐牌內的豬、牛、雞扒才有此優惠，奈佢唔何唯有照比！

🌎Around the world 🌎 ✅二人份量多大份，腸仔鴨胸正常水整😋⚠️蛋就煎得過左火，熟左少少囉♨️溫泉♨️蛋🍳🍳🥚🥚意粉🍝✅味道幾好,意粉軟硬度適中,⚠️係個汁多左少少囉🦄🦄🦄🦄🦄飲品方面幾得意💚水泡跟埋，送比你可以拎走😂，係幾有趣嘅士多啤梨🍓重有其他生果，不能盡錄✅✅職員好細心講解菜式👍🏻⚠️⚠️不過熱賣菜式13:00去到已經賣晒🕑🕑週末1點唔算太多人坐位都舒服

星期一係我生日，老公臨時搵到呢間cafe食lunch，Openrice book枱有六折，好抵食，食左$240。Jumbo Reuben Sandwich三層三文治夾住烤牛肉片、芝士、德國酸菜，配以沙律菜。三文治唔會硬崛崛，好厚身好足料，濃濃芝士味，牛肉片都好大塊，好食。American All Day Breakfast 有煙肉、鴨胸、沙律菜、加左$10要芝士奄列，加$20要窩夫，留意upgrade個錢係無六折架。全部都好味，除左個窩夫，我鍾意外脆內軟既窩夫，呢個比軟腍身，唔係我杯茶，唔需要加$20要個窩夫。

是咁的，見到openrice做緊外賣優惠，睇咗好多間餐廳覺得呢間唔錯，價錢好抵，睇落去啲野好正真係不出所料，拿到黎打開，好香，見到又多汁，D汁唔會好酸，酸度啱啱好，有新鮮蘆筍，最重要係鴨胸份量好足夠，大大塊，又好厚好厚肉，非常有咬口，好有鴨味，意粉份量亦裝滿成個膠盒，食完非常飽絕對係色香味俱全，48蚊有得食絕對係抵到爛！！另外我都點咗款忌廉黑松露扇貝意粉俾屋企人，呢款個汁仲好味，好甘香，好濃，扇貝烤過，好用心製造，份量都係裝滿成個盒，但個人覺得鴨胸比較抵食，因為多肉！最後拿餐就推薦加茶+9蚊，叫咗杯健肺茶，普普通通，無特別

見OpenRice嘅排名都好似好高咁就趁lunch嗰陣時同同事book定位去試吓準時去到之後要等10分鐘左右坐低環境唔係咁好 座位同座位之間好迫差唔多可以同隔離枱貼住咁 加上而家疫情更加唔理想同同事分別叫咗個burger同埋墨汁意粉Burger中規中矩 冇咩特別 以中環來講大把地方好食過加抵食過佢墨汁意粉簡直係伏 成碟野冇味嘅墨汁可以食食吓完全係同啲意粉分開晒 變返做白雪雪嘅意粉 直頭唔知自己食緊啲咩完全比個排名呃咗咁

我喜歡吃 All day breakfast，經常在 Open Rice搜尋哪裏有評價高的 All day breakfast。今次試試中環威靈頓 Zenon Cafe，點了以下的：#British breakfast：酸種麵包１塊、炒蛋２隻、芝士腸１條、煙鴨胸４片、蔬菜沙律，煙鴨胸稍鹹了點，有改善空間；酸種麵包無添加，比較健康！#凍朱古力：點主食加30元配飲料，朱古力味濃郁，喜歡！環境：坐得太擠，疫情下，屬扣分項！服務：經 Open Rice訂座，單點主食可享７折，賣單時店員收原價(沒折扣)，我問店員經 Open Rice訂座是不是有折？店員說：乜你係 Open Rice呀！咁我改單啦！

係openrice訂座有6折所以去試下，餐廳唔算多人，不過上菜速度唔快，需要預留充足時間，叫咗一份牛同一件豬，意外地份豬肉質好林好juicy，配埋沙律，感覺幾fresh

一入到去， 餐廳己有feel，但係有啲擠擁，香港地都係咁，都冇計，不過係想坐得舒服啲㗎，呢間餐廳可能就真係唔算太適合叫咗一個牛扒餐、一個豬扒餐，連埋餐湯加甜品值得讚許嘅就係湯非常之好飲，兩個湯都非常之唔錯牛扒餐係佢哋得獎嘅餐，五成熟更加係佢哋嘅推介，味道算唔錯嘅，唯一缺點就係有啲薄豬扒餐，極力唔推介，慢煮嘅豬扒，有部份生、有部份熟，大家可以睇相片，切開之後，即刻都已經同侍應講，侍應話可以將唔熟嗰部份拎返去煎一戰，咁就已經唔係慢煮啦，同埋都擔心本身熟咗嗰部份會唔會overcook，所以拒絕咗呢一個豬趴，非常之難切，同埋好硬，味道只不過係一般般，沙律菜仲好食過佢呢間餐廳最大最大嘅缺點就係，員工對上菜嘅流程，同埋不同食物嘅餐具配搭嘅知識，非常之薄弱通常餐廳都係上湯先，再上主食。 而呢間餐廳就係乜嘢煮出嚟，就乜嘢上xiane，結果上咗main course後，食到一半，再上兩個湯，真係唔知食得啲乜嘢好，而且張枱好細，基本上放晒咁多嘢之後，非常之逼夾另外，一開始我嘅豬扒餐，係配一個食三文治嘅餐刀，所以完全用唔到，餐廳完全冇留意呢啲細節，都幾失望之後佢哋換咗一把刀俾我，都係好難用，好似係求其拎一把

我黎過食兩次的, 間cafe個menu價錢好混亂, 我認為應更清晰表達價錢, 其他人黎食亦應該要留意!今次walk-in沒有booking。入到去同我講話分開既menu 6折再9折(即54折)。本來想選雞扒但沒有（黎兩次都沒有），最後選了的魚。可是埋單時佢係收我正價! 問返先知openrice訂先有7折! （1）我肯定staff開頭無話openrice訂先有折（2）我聽唔到佢話得牛豬雞先有54折，其他7折～最後做返7折離開🙈 （PS 就咁就食左個experience 唔好既生日飯）