影片
港鐵西營盤站 B2 出口, 步行約3分鐘
繼續閱讀
電話號碼
25476636
營業時間
今日營業
08:00 - 18:00
星期一至日
08:00 - 18:00
以上資料只供參考, 請與餐廳確認詳情
相關文章
一間好有愛嘅小店，一入門口就有人同你打招呼，同嗰啲好cool嘅咖啡店好唔同，第一次嚟，感受到其餘幾位應該係常客，不枉我辛苦走上條大斜路矮枱得兩張，其餘都係高枱，如果飲杯咖啡就冇乜所謂，不過我食lunch叫咗意粉蛋糕，坐高凳冇靠背有啲唔舒服意粉幾粒帶子勁大，口感好，但調味淡，自己加啲鹽加啲胡椒就啱啱好個抹茶蛋糕口感好得意，店主形容少少似食雪糕，蛋糕底係nuts，感覺食完冇乜負擔後話，個 water jar入邊放咗好多橙，啲水好清香，有一刻覺得原來水可以咁好飲
繼續閱讀
星期日晏晝經過西營盤，喺附近行吓見到有間Cafe就入咗去，舖頭大約有四至五張枱，店舖面積唔太大。我哋去到叫咗兩款意粉，一個沙律同埋抹茶latte 。煙三文魚沙律份量都幾大，而且有牛油果，蛋喺配襯。如果女士們或者健身嘅朋友唔想食碳水，呢個係一個唔錯嘅選擇。意粉我哋一個要咗黑松露蘆筍意粉，另一個要蕃茄蟹肉意粉。兩個味道都非常好味，食得出佢哋用料十足。黑松露味非常濃，蟹肉肉意粉超級多，真係做到每一啖意粉都配有啖啖蟹肉！😋👍🏻抹茶latte拉花非常之吸引，一個係貓貓形狀，一個係天鵝。見到即刻影返幾張相同埋好唔捨得飲！抹茶味好濃，鍾意抹茶嘅朋友真係要試吓，而且唔鍾意甜可以叫佢無糖。而且附送一個餅乾👍🏻見到啲食評話佢出名素食芝士蛋糕，下次會試吓！
繼續閱讀
Excellent coffee, many favor hand drip coffee, food quality over expectation, nice service with smile!Boss share different life experience with good advice. Better than the normal chained base coffee shop. It is worth to spend 2 hours to enjoy the coffee time.
繼續閱讀
今次試嘅咖啡店，外觀唔起眼，但內裡氣氛放鬆，令人坐低食嘢倍感舒坦。🌞首先點嘅All Day Breakfast，真係全日型格早餐，即叫即有，件事勁正！炒蛋微滑，松露香味提味，mix埋香草味嘅鮮綠沙律，清新爽口。至於sourdough雖然grains多，但烤至微脆，每一口都有驚喜。吓，個豬肉腸真心唔錯，德國制造嘅質素杠上，食落真係口感扎實又juicy，仲提住個Yogurt cereal話俾你知，酸酸甜甜，好開胃咁滴！菠菜酥咬落去嘅時候，啲脆聲音真係夠晒響亮，餡料或者唔算得意滿分，但都算得上係款不錯嘅小食。加多個Caffe Mocha呢，個朱古力味夠哂濃，配埋個花藝拉花，靚仔過人，飲得我心身都暖笠笠。另外，同場加映嘅Uji Matcha Latte都唔遜色，啲抹茶嘅香濃度高得黎貴？真係少見！講到甜品，嗰兩款芝士蛋糕就值得一讚。焙茶芝士蛋糕回甘悠長，堅果餅底嘅口感更加係點睛之筆。至於抹茶芝士蛋糕，濃郁抹茶同無麩質底，無錯教人更加健康感受一番。整體黎講，呢間咖啡店嘅食物同飲品，真係賺足晒客人個胃口。下次西環行過，記得mark實要再黎呀！🍰✨
繼續閱讀
東邊街有間隱世cafe，裝修簡單，人流唔多，有咖啡、主食、素食蛋糕，傾計好舒服，完全係可以坐一整日。*Scrambled egg avocado on sourdough bread 炒蛋牛油果配酸種麵包 $88份量十足，麵包有厚度、濕潤，搽咗薄薄青醬，好有驚喜又好夾。牛油果軟腍，炒蛋濃厚嫩滑、有蛋香。旁邊有沙律菜配油醋，正常發揮。Coffee latte $37先上主食再上咖啡，個人很喜歡呢個安排。咖啡香奶味平衡得啱啱好，熱度、拉花亦剛剛好，仲有一小塊原味杏仁餅乾biscotti點奶泡食。
繼續閱讀