The Frequency (已易手) 新餐廳

同朋友食完飯，想搵個地方飲杯coffee，經過呢度！有位親切嘅姐姐仔，出嚟介紹吓啲飲品。真係幾特別喎。就入去坐一坐！其實因為我哋真係食飽晒，真係想飲杯咖啡。門口呢個位都幾舒服！仲有隻熊仔陪住我哋！我哋揀咗一個雙拼蕨餅難得佢T set都可以加$18轉餐，有沙律或湯，再加一杯飲品。右下角個杯bailey coffee, 唔識用太多形容詞，只係想講，好味。星期六能夠同朋友，輕輕鬆鬆傾吓計，飲杯咖啡，呢度真係一個好地方。店員都非常之親切，整體來講， 10分滿意有機會都想你試吓lunch或者dinner 大鄉里好少過嚟呢邊，原來山林道都有幾多選擇。

星期六大概1點多路經山林道見到呢間西日fusion ~加上簡約風格滿懷希望入去食價錢合理，食物尚可最扣分係服務人員態度，侍應不多，眼見共3個，客人沒有坐滿最大問題係一個高大男侍應，我哋有2歲女孩所以要一張BB櫈，點知叫高大男侍收起，佢已黑面，食物上菜速度可以侍應玩電話都算小朋友食完行黎行去，佢竟然瞪著小朋友！什麼服務，簡直想罵人樣！我見到都驚，有冇需要咁樣對一個2歲小朋友，同佢有仇咩？環境好，但這樣侍應真的不食也罷勸大家不要去不歡迎小孩應該店外寫明嘛

同朋友慶祝生日飯，揀間優質食品而又坐得舒服嘅餐廳 ，山林道the frequency係最佳嘅選擇 ，所有食品都非常精緻優美，味道亦都一流，真正係打卡一流又有實力嘅食物。我哋食巴馬火腿沙律， 墨魚汁意粉，仲有炸蠔， 炸蠔味道比較好味又多汁，皮薄香脆味道鮮美， 蟹蓋飯造型突出，飯粒乾身，食落都幾美味， 仲食咗我最愛嘅黑松露薯條， 其實就冇得輸嘅， 仲有一個海膽紫菜撻， 成個一口食，層次豐富，味道又多元化，整個口腔都充滿幸福感。呢間餐廳最特別就係特色嘅茶特飲， 粉紅色嘅櫻花特飲及綠色嘅青瓜特飲都非常之清新，造型又甜美， 味道可口，外面少飲到嘅飲品。

相信你一定會喺山林道試過食晚餐或者午飯，呢度你講得出嘅餐廳種類都有，反而最少就係一間可以打卡，靚靚地嘅cafe。之前好多朋友都推薦呢間野，令我更加留意呢度，山林道有酒飲有野食又好打卡的cafe，的確令我有唔少好奇心來一試。於是兩個人簡單晚飯，我就選擇左呢度。坐低一人一杯Cocktail同mocktail，22 Hertz Fizz喺呢度嘅調酒師推薦，味道不錯，white label係後段口味比較濃烈。我選的雲抹mocktail，就解決了我對京都的思念，一種飲品，有三個飲法，加上脆米同綠茶粉，都幾有特色，抹茶焦糖檸檬蛋白玄米梳打可以咁玩法，有誠意。前菜吃的海膽明太子芝士飯波似乎個個必點，紫菜脆底都幾精美，芝士飯唔會太搶味，有海膽有明太子咁精美，想不到cafe都有咁精美的菜式。絕對係送酒佳品的脆炸北海道甜蝦，唔知點解令我諗起去西貢又或者流浮山食海鮮個種感覺，個種鑊氣唔係平時打卡個啲Cafe可以見得到。朋友N寫Blog推薦過的慢煮8Oz加拿大保濕豬鞍扒及燒薯炒雜菜，我就二仔底死跟，味道的確幾好，豬鞍扒好大件，食落去完全無伏味，你知道有時呢啲cafe可以煮得唔好，旁邊嘅燒薯炒雜菜都有心機整，合

好一輪之前Bookmark左呢間餐廳，前排黎山林道既時候，見佢熄晒燈好似執左咁😩不過後尾睇到話重新開業，呢日夜晚就黎左一戰😌門面依然係鮮明既黃調，內裡裝潢係簡約既無印風🪵侍應熱心介紹餐牌，主打西日Fusion路線，食物飲品賣相全部都幾精緻😍▪️日式甲羅燒蟹肉飯（7.5/10）💲158呢道好似一座富士山咁🗻頂部有蟹籽同埋蟹肉，食落帶幾分鮮味，側邊個蟹蓋入面仲有好多濃郁既蟹膏，可以撈埋一齊黎食添，個飯本身亦都加左唔少飯素幾香口🦀▪️香煎10oz紐西蘭肉眼 伴 日式燒汁 配 燒薯 及 炒雜菜（7/10）💲208叫左五成熟既肉眼，切開色澤係微粉嫩，不過就算再生啲我都可以🤭肉質未至於好嫩，但亦都唔會過韌，肉味尚算香濃，調味得宜，配上紫薯粒、車厘茄同法邊豆🍠▪️海膽明太子芝士飯波（7/10）💲108一口Size既小食，貌似杯仔蛋糕咁🤣其實外層係紫菜黎架，面頭既海膽柔滑鮮甜，底下係有啲蟹籽既飯糰球，相信如果明太子同埋芝士既鹹香再重啲就更滿足☺️▪️慢煮雞胸沙律 配 堅果沙律醬（7.5/10）💲108沙律比預期中有質素，雞胸肉份量十足，而且慢煮過後好嫩身，沙律菜口感爽脆🥗▪️日式卷蛋（7/10）💲38卷蛋口感鬆軟

即使再忙，朋友，還是要見面的。係Fb見食友放上這店子的照片，似乎幾吸引，尤其是那些飲品，岩晒打卡。咁岩朋友原來都有興趣，就成事了。真係甚少踏足山林道，對上一次來這條街搵食，都唔記得係幾耐之前既事。呢度既特色飲品實在太誘人，兩個啡人都放棄了飲咖啡，選來兩杯特飲。其中之一，叫做櫻雨，以鹽漬櫻花、荔枝、番石榴等調配而成，據知靈感是來自在日本賞櫻的情景，而這杯櫻下的賣相，又確實成功令人勾起櫻花處處的場景，是Bartender的鬼斧神工，抑或是大家都太掛住日本呢? Anyway，這出品不單止靚，喝起來還很清新很有層次，我喜歡！朋友的一款係青盧，青瓜、青檸貿青提之組合，我沒試，但看朋友喝得一滴不剩，相信也是合意之作。小食要左份海膽海太子芝士飯波，一廂情願以為是炸物，原來又不是。明太子飯糰，味道總不會差，加上鮮美的海膽置頂，味道更上層樓。建議大家要盡快食，否則個紫菜造成既盞一旦放久了變腍了，風味會太打折扣。之後既日式甲羅燒蟹肉飯，感覺有幾分似剛才的飯波，不同的是呢份有超多的蟹羔，用來撈飯，自然更加甘香好吃。豬鞍扒係店員既推介，不妨一嚐。帶骨豬鞍扒好厚身，但吃起來唔怕嚡烚烚，近骨的位置當然更精彩。雖不

得朋友介紹，知道在山林道這條食店林立的街道上新開了一間名叫 The Frequency的咖啡店，這一晚趁著有空，便前往吃晚餐。原來這咖啡店地方頗大，店中近門口部分有一個讓客人坐下的等候區，可讓客人在此小坐喝杯飲品，旁邊則是開放式的水吧位。往前行去，就是真正用餐的地方。以木色為主調，深淺不一的啡色給人帶來輕鬆舒服的感覺。這裡的飲品選擇極多，不過最吸引的，就要算六款名叫 Frequency Special的特飲。兩夫妻就分別點來其中兩款一試。我的「青 ‧ 廬」（$62）成份有青瓜、青檸、青提子和烏龍梳打，同類飲品雖然甚多，但這杯「青 ‧ 廬」絕對是同類飲品的佳作，特別之處在於兩顆外皮爽脆，果肉爽甜的青提子和作為底味的烏龍梳打，清新得來又好味。老婆仔的「櫻 ‧ 雨」 （$58）賣相就更加漂亮了，這特飲的材料有鹽漬櫻花、荔枝、蕃石榴和梳打水。這杯特飲不但賣相靚，而且也很特別，大玻璃杯子內的蕃石榴梳打水裡有一粒粒以鹽漬櫻花製成的冰塊，以小杯子另上的荔枝汁就有荔枝果蓉在裡面，喝時把荔枝汁倒進大杯子裡攪勻，味道鹹甜俱備，也好喝。晶瑩剔透的顏色泛著櫻花冰的淡紅色，配以杯子上作為點綴的紫色小花，更是賞心

老公：「我哋行入山林道睇睇。」我：「好呀！」山林道？一段長時間沒踏進山林道，這條名字充滿青蔥綠意的街道，擁有我們不少溫馨與美食的回憶！記憶裡有第一代來港日廚的板壓鯖魚壽司、經常買酒的舊式酒舖、地道手切牛肉打邊爐店、帶點 Fushion 的日式飯麵小店、 遇上朋友的港人酒吧、 平易近人的日式串燒小店和移英好友的舊居等等 .......邊行邊湧現幕幕舊日場景，雖然眼前的山林道大多是我們不熟悉的「新」店子！老公：「不如飲杯咖啡好嗎？」我望著亮麗潮興的門面點點頭。本來飲咖啡、坐一會的主意，最後意外地變成我們 Cocktail Dinner 之夜！一看餐牌，不單止有咖啡，還有小食、意粉麵飯、主菜和不少吸引的 Cocktail 和餐酒，原來「The Frequency」是主理西日菜式的餐廳，怪不得餐廳設計不單純營造出嘆啡，還有用餐的氣氛環境，明白了！剛才提到 「The Frequency」有吸引的 Cocktail，於是乎挑起我們的 Cocktail 癮，So Far So Hot HK$108 是 Signature Cocktail 之一！好抵死的 So Far So Hot，入口富有不同的香

《隱世小清新Fusion菜🌻》———————————————-#TheFrequency 🍃-山林道多好野食就大家都知，早排再行入啲啲去咗呢間喺街中間嘅高質FUSION 菜，走日式木系風格，環境光猛寬敞，坐得好舒服😌 店員都好有passion，用心服務～ 而啲特調飲品打卡一流，啱哂同三五知己嚟chill下相聚👯‍♀️-🧡 海膽明太子芝士飯波賣相精緻，係一道好出色嘅開胃菜🔸 一口size嘅明太子芝士飯團，以紫菜做成的小紙杯承載着，頂層鋪上一整片海膽，鮮味十足😚-🍤 脆炸北海道甜蝦原隻北海道甜蝦連殼炸，以鹽漬調味，炸得乾身香口，佐酒一流😋-🐣 七味脆炸雞軟骨非常酥脆香口，略帶七味粉味道，一食到停唔到口😆-🦪 吉列廣島蠔配明太子醬一碟四舊，啱哂大家happy share🥳 廣島蠔飽滿鮮甜，炸得香脆爽口，上面仲淋上明太子醬更顯鮮味😊-🦀 日式甲羅燒蟹肉飯賣相好靚，熱辣辣嘅炒飯成座富士山咁樣🗻 將蟹肉同蟹膏撈均嚟食，啖啖都咁鮮甜香濃😝-🐔 日式柚子燒野雞配燒薯及炒雜菜一切開燒雞肉汁噴發，肉質嫩滑，外皮黃金，燒得都幾香脆，啖啖肉好惹味😋 可以配埋底下嘅小紫薯咁樣食💜-🎣 日式燒三文魚柳伴芒果莎莎擺盤

一年儲起來的年假, 極可能今年也不會用作旅行之用, 不如輕鬆一下, 平日放假去享受 ‘平日專屬’ 的事.  例如去吃一個有質素的午餐. 今次去到尖沙咀山林道The Frequency, 地點很好找, 這條街幾乎食店林立. 幾喜歡店內裝潢, 近門口的一邊是悠閒小圓枱及椅, 另一邊則高枱高椅, 可看到咖啡師拉花及調酒師精心製作的cocktail.午餐包括沙律/餐湯、主菜及飲品, 由$78至$158, 套餐飲品是玄米茶或烏龍茶或黑咖啡, 我就另選了熱茶 Harbour Sunset(正價$42, 跟餐減$20), 濃濃的香味, 喝起來十分順喉.  橘。爵, 翻開餐牌已經極想來一杯, 因為有齊我喜歡的伯爵茶、鮮橙汁及特濃咖啡, 可惜只有凍飲, 慶幸同行朋友可喝, 我才偷偷的啜一口, 超值! 啡味之中滲著伯爵的迷人茶香, 再有甜甜的橙汁作點綴.我與朋友點了沙律、湯、慢煮8oz 加拿大保濕豬鞍扒配燒薯及炒雜菜及季節限定的涼拌野菌青瓜麵配柑橘金時胡麻醬, 一齊分享美食.周打蜆湯添了食用花瓣, 很優雅, 湯也十分足料, 稠度適中.清新健康, 吃梅漬杞子和風沙律就對了~ 蔬菜的清甜與醬汁襯得很好, 正好

山林道特色食肆林立，最近走訪了一家滿有誠意的西日ꜰᴜꜱɪᴏɴ菜餐廳「頻率」 ᴛʜᴇ ꜰʀᴇQᴜᴇɴᴄʏ。暖黃主調格局，配上淺木色系特色牆，有淡淡的日本風味。整體裝修簡約光猛ᴄᴏᴢʏ，朝啡晚酒格局，甫進大門是餐廳的啡、酒區域，除了有酒吧檯外，還特別僻了獨立純飲位置，方便單純來個ʜᴀᴘᴘʏ ʜᴏᴜʀ的客人們。正規的用餐區地方相當闊落，坐得滿舒適。.餐廳以西日ꜰᴜꜱɪᴏɴ菜式為主打，有調酒師駐場，餐單上也有不少佐酒小吃。難得晚上ʜᴀᴘᴘʏ ʜᴏᴜʀ時段到訪，所以順應著小酌了兩杯怡情。.ꜱᴛᴀʀᴛᴇʀ✿ 海膽明太子芝士波飯 (4件) 💲108餐廳招牌的一客打卡前菜。一小口份量的明太子芝士飯團，以紫菜做成的小紙杯承載着。頂層鋪上一整片海膽再加一點食用花瓣做裝飾，擺盤用心、精緻，難怪備受好評。.ꜱɴᴀᴄᴋꜱ ꜰᴏʀ ꜱʜᴀʀɪɴɢ✿ 脆炸北海道甜蝦 (能登鹽漬) 💲88北海道甜蝦，原隻連殼炸以鹽漬調味，炸得乾身香口，滿滿一盤是佐酒佳品。.ᴘᴀꜱᴛᴀ & ʀɪᴄᴇ✿ 杏鮑菇南瓜紅菜頭雙色飯 💲138素食者必試新菜單，太極八掛版雙色意大利飯。一邊是橙黃色的南瓜飯另一半是紫紅色的紅菜頭粉，紅菜頭味道比較

山林道食肆林立，這天我就被The frequency吸引著，裝潢簡約，但門面已給我很有活力感，右邊是吧枱，左邊是café 的悠閒座位，最入面的則是4人座位。  Set lunch都幾多選擇，價格相宜，最後同朋友揀左豬鞍HK$168同埋季節限定的青瓜麵HK$98，再改配特調飲品，可以享用一頓用心製作的午餐，充滿能量，下午繼續努力工作﹗ 套餐包沙律或餐湯、主菜、飲品(玄米茶或烏龍茶或黑咖啡)，周打蜆湯好足料，濃稠度適中，加上食用花，美觀又美味；梅漬杞子和風沙律亦有驚喜，清新微酸，甚為開胃。  涼拌野菌青瓜麵配柑橘金時胡麻醬，這是季節限定菜式，喜歡這青瓜麵涼快而不冰冷的溫度，吃得舒服，青瓜麵份量蠻多的，但勝在沒有澱粉質，輕盈低脂；還特意加入了海葡萄，有仲夏和風感。  慢煮8OZ加拿大保濕豬鞍扒配燒薯及炒雜菜，好厚身大塊，肉質爽嫩又保留了肉汁，味道濃郁，抵食﹗  另外，又點了個小食，脆炸北海道甜蝦(能登鹽漬)，粉漿薄脆不油膩，佐酒一流﹗坐在吧枱前看著調酒師調酒， 喝杯cocktails也是件樂事﹗  飲品方面，我改配了這杯特調飲品– 橘‧爵 ，是以鮮橙汁、伯爵茶、特濃咖啡調配成，比例完美，非常

上個月生日嘅正日午餐老婆大人喺尖沙咀揀咗喱間The Frequency食晏，佢帶得我去嘅肯定唔係普通嘢！一入去黃色嘅裝修好搶眼令到眼瞓緊嘅我精神為之一振呀。咩都唔好講嚟兩杯嘢飲爽吓先！我喱杯叫青·廬入面有青瓜、青檸、烏龍梳打同埋青提子綠色嘅樣好爽皮，串提子冰鎮過食落好甜加埋烏龍茶打梳打堅好飲喎！叫午餐嘅話如果揀冇精飲品仲可以減20皮抵飲好多架。老婆大人嗰杯叫櫻·雨個樣勁有日本feel，入面用咗鹽漬櫻花、荔枝、番石榴同埋梳打水mix出嚟，側邊仲有杯荔枝汁倒埋入去真係好似去咗櫻花之地咁！入面仲有鬼咁過瘾嘅鹽漬櫻花波波冰，飲落去又咸又甜咁啱晒佢口味。叫咗兩樣小食喱個係汁燒百花釀日本秋葵，將啲蝦膠釀入去細細條嘅秋葵入面手工好仔細，秋葵食落冇滑潺潺加埋蝦膠仲好鬼香添。跟住仲有熱氣但又好食嘅唐揚炸雞，雞粒炸得夠乾脆食落一啲都唔油膩入面嘅雞肉仲有肉汁添，鍾意再邪惡啲嘅點埋柚子沙律汁一齊食仲正斗。我哋夜晚仲有生日飯局所以叫咗一個午市套餐兩份食，喺餐湯同梅漬杞子和風沙律入面揀咗南瓜忌廉湯，估唔到連個湯都整得咁有睇頭，香滑南瓜湯味道都幾唔錯起碼唔會淨係得麵粉味。主菜我哋揀咗慢煮加拿大保濕豬鞍扒，嘩一嚟見到

星期日到尖沙咀睇早場，之後就到附近覓食，不想四處走，到食肆林立的山林道便可輕鬆搞定。這家位於山林道中段，名為The Frequency的餐廳以黑白黃三色作主色調，予人爽朗簡潔的感覺；侍應均是年青人，有禮兼辦事效率快，須知現時很多工作中處於遊魂狀態的比比皆是。客人的年齡層廣泛，有青年客、家庭客，年長客也有。店內有一間VIP房，可容納約八個人，人多或喜歡更多私人空間的，不妨考慮一下。看畢餐牌，點了兩款小食及兩款主菜：蒜蓉炒露筍、脆炸北海道甜蝦(能登鹽漬)、三文魚籽海膽蟹肉墨魚意粉及慢煮8oz加拿大保濕豬鞍扒(配燒薯及炒雜菜)。套餐可選是日餐湯 或 梅漬杞子和風沙律，我們不約而同也要了前者，南瓜忌廉湯很快便被奉上，原以為沒什麼誠意，但碰到湯碗才知，原來器皿也是熱辣辣的，見微知著，好感度即時提升了不少。加了不少香脆的麵包粒，湯的口感幼滑富南瓜香，適量的乾香草碎令風味更佳。蒜蓉炒露筍($68)～露筍新鮮翠綠，無揸又爽口，簡單落蒜蓉炒已很好味。脆炸北海道甜蝦(能登鹽漬) ($88)～雖然蝦仔細細，但蝦味卻頗濃，整隻蝦炸至酥脆可口，殼都可以食埋，送酒一流！三文魚籽海膽蟹肉墨魚意粉($148)～入口即