影片
港鐵奧運站 C1 出口, 步行約6分鐘
繼續閱讀
電話號碼
56065293 (WhatsApp)
付款方式
以上資料只供參考, 請與餐廳確認詳情
.#foodie #hk #hkfoodie #HTB美食推介【大角咀轉角小店｜🥭健康之選地道印度菜】🐨土耳其烤雞肉卷 $70推薦度：⭐️⭐️⭐️⭐️⭐土耳其烤雞肉卷係一卷一開二，份量同賣相都好吸引，雞肉經過烤焗先放入卷到，大約有7-8塊，聞落有焦香味，食落好軟嫩！另外，仲有大量新鮮嘅蔬菜，好似蕃茄、青瓜、椰菜絲等好fresh，又可以解膩~ 仲有埋特製醬汁，甜甜地好開胃。.🐨春卷 $40推薦度：⭐️⭐️⭐️⭐一份有4條，上枱仲會俾埋蕃茄醬你點，春卷本身已經放咗係隔油紙上面，但事實上唔算好油～ 咬第一口勁脆，仲有少少唧出嚟😂 睇到入邊有蘿蔔絲、蔬菜絲等，應該係蔬菜汁，食落好爽口！不過整體上，係有少少辣，食到最後好刺激🌶️少少辣令你好想不停追住食多幾條～.🐨芒果奶昔 $25推薦度：⭐️⭐️⭐️⭐️其實小編揀野飲真係有困難，最後叫左店員哥哥揀俾我～佢推薦話係人氣之選，芒果少少酸少少甜咁，芒果味都好出…質地濃稠綿滑，真係唔錯～而且佢嘅冰粒都應該係打碎溝咗入嘢飲入邊，凍嘅程度都岩岩好，唔駛驚一粒粒冰係面令杯野飲愈飲愈淡！——☼——☼——☼——☼——☼——TAZA Cuisine 📍地址：大角咀櫸樹街20號富多來商場一期地下59A號舖🐨推薦度：😋😋😋😋/5 💰人均價格：$100-150🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：#HTB大角咀 #HTB印度菜.#大角咀美食 #大角咀 #印度菜 #芒果 #奶昔 #土耳其 #雞肉卷 #外賣 #美食推介
繼續閱讀
有事要嚟大角咀辦，搞掂就順便喺附近食埋晏先走。喺富多來商場見到有間「TAZA Cuisine」，駐足一看，有薄餅、漢堡、卡巴、炒飯、咖喱同餃子等供應，選擇好豐富，一於坐低試下。餐廳地方不大，以外賣為主，不過亦有少量座位，供客人作堂食之用。點咗👇雞肉餃子 Chicken Momos ($45) 餃子一客有 8 隻，外皮唔會太厚，內餡飽滿，入口啖啖雞肉，超 Juicy，點埋佢地嘅特調醬汁食，辛香微辣，令人食慾大增。土耳其燒肉什錦卷 Mix Kebab ($75) 卡巴大大條，外形脹卜卜，皮薄煙韌，入面嘅材料好豐盛，有雞肉、羊肉同牛肉，夾埋啲蔬菜同醬汁食，好味又飽肚。咖喱牛肉炒飯 Beef Biryani ($70) 牛肉加入咗香料同香草調味，米飯用正宗印度米嚟炒，飯粒分明又唔會過乾，入口香中帶辣，非常惹味。至於飲品就點咗杯芒果奶昔 Mango Lassi ($25)，質地濃稠綿滑，好香芒果味，好似飲緊乳酪一樣，酸甜醒胃。
繼續閱讀
見到個朋友去完意大利🇮🇹，見佢日日食Pizza🍕，搞到Duck哥都好想食Pizza🍕，見到屋企附近開咗間印度🇮🇳餐廳，見舖位細細，坐滿哂人，又有Pizza🍕，一於外賣返去試下先🥰。Taza PizzaHalf/Half (14") $149Pizza🍕分1️⃣0️⃣吋和1️⃣4️⃣吋，選擇都幾多，正三心兩意時，發現原來可以half half，我最後揀咗Chicken Tikka🐓(串燒雞肉披薩) + Pepperoni(土耳其辣香腸披薩)，由於住得近，所以返到屋企仍然熱辣辣🔥，夠哂軟熟，厚厚芝士🧀仲可以呈現出拉絲效果，2️⃣款口味各有特色，同樣辣辣地🌶好醒胃。Beef Korma $65Fish Korma $55兩款白咖哩可以選擇跟飯🍚、rotti(薄餅🫓)X2或者naan(牛油薄餅🧈🫓)，我地2️⃣款都揀咗牛油薄餅🫓，牛油味🧈好香濃，如果蘸埋咖哩更覺一流；牛肉大大件，夠入味夠腍，而魚柳🐟好長好大塊，炸得香脆😍。Crispy Chicken burger $29雞肉🐓炸得勁脆，但啲肉仍然非常juicy，size唔係好大，但係廿幾蚊，性價比極高🥰。
繼續閱讀
呢間小店有土耳其/印度式食物。今次黎到先外賣叫雙拼披薩:要特式烤羊肉配香辣雞肉($159)~因為羊肉餡料比較少見所以見到都會想試。老闆識講廣東話所以溝通好方便但只可以現金支付。等左20分鐘左右就可以拎走。番到屋企仍然微暖。之後自己再拎去氣炸如熱。先試羊肉有些許羊騷味但可接受只係味道偏淡。辣雞肉對我黎講唔夠辣。但pizza係夠芝士所以有拉絲效果。如果下次再去會想試卷/白咖哩類。
繼續閱讀
平時食印度菜，多數都係得咖哩。今日去大角嘴做野，比我發現竟然新開左一間超多品種嘅印度菜。佢哋嘅菜式都係平民價，叫左個雙拼嘅pizza，都只係一百左右，可以一次過試到羊肉同辣肉腸，好欣賞佢哋嘅外賣pizza盒入面有得保溫，番到屋企個啲芝士仲可以拉絲，再配埋手工餅底，真係好香脆。另外仲叫左炸雞米花同牛肉咖哩，牛肉咖哩比較辣，如果鐘意食辣嘅人就岩晒佢哋仲有啲特色嘅印度甜品，可惜今次叫左太多野食，唯有下次再食。
繼續閱讀