影片
電話號碼
55417341
附加資料
WhatsApp 至5541 7341 say 個Hi成為會員，老闆會不定時sd隱藏Menu同限定版口味雪糕既消息比大家。會員每次惠僱都可以儲積分來換嘢。
營業時間
今日營業
15:00 - 00:00
星期一
19:00 - 00:00
星期二至日
15:00 - 00:00
公眾假期
15:00 - 00:00
以上資料只供參考, 請與餐廳確認詳情
食家推介
相信住大西北嘅朋友對虹橋一啲都唔陌生，呢度隱藏着好多平民美食，呢間甜品店其實已經經過好多次，但係通常食完飯之後都好多人排隊，所以最怕排隊嘅Emi就一直都未試過，今次早食飯，食完見到冇乜人排隊就入咗去試下呢間心太軟專門店😋招牌原味朱古力心太軟 $55心太軟擺盤靚係必須的，呢個賣相就已經很可以，聞落去都好香朱古力味，一切開嗰下啲朱古力就流晒出嚟，睇落好滑，外層蛋糕厚薄均勻適中，食落朱古力醬好香濃，蛋糕唔會黏口，比起好多貴價甜品店，呢個價錢食到咁高質嘅心太軟，性價比極高，完全對得住佢專門店嘅牌頭🍫朱古力窩夫 $60窩夫外面好鬆脆，但係入面係好似蒸蛋糕咁軟熟，唔係只係朱古力色，而係真係食到朱古力味🧇一定要講講個糖漿🍯老細喺出邊擺左11款唔同味道嘅糖漿比你任加，因為啲糖漿真係好特別，我哋就好貪心咁攞咗四款，分別係榛子、焦糖、玫瑰同黑糖薑，啲糖漿簡直係令到個窩夫升級咗，幾款糖漿都唔係化學嘅味道，而係真實食到嗰種味道，私心推介黑糖薑，佢絕對唔係黑糖珍珠奶茶嗰啲涸喉嘅死甜，而係養生嘅黑糖薑茶清甜味，大推👍🏻👍🏻食緊期間都見到有幾個睇落係街坊嘅熟客仔嚟買未焗嘅心太軟外賣番去，所以我哋走果陣都買咗個急凍嘅心太軟返屋企自己整，試完再出post🫡好少可食兩個甜品都可以有咁高嘅評價，而且對佢其他味道嘅心太軟都好有期待🥺除此之外仲好想試佢嘅疏乎厘、蘋果金寶同埋出邊一般甜品店好少見嘅麵包布甸，呢度雖然地方細細亦都冇好靚好打卡嘅店舖環境，但係睇得出老細都好有心機做甜品，外區人絕對值得專登過嚟試🥰
繼續閱讀
我哋三點去到唔使排隊，入面有三張枱，空間唔算好大我哋分別叫咗兩款嘢食，包括招牌原味朱古力心太軟配雪糕$55，聞落已經好香朱古力味，一切開啲朱古力即刻流晒出嚟👍🏼心太軟個皮好薄👍🏼外脆內嫩😋蛋黃原味疏乎厘配開心果雪糕$61，疏乎厘充滿空氣感，外面嗰層又脆又甜好好食😋入面蛋味好重，空氣感十足👍🏼但係個開心果雪糕就冇乜味😂下次要再試吓其他味道嘅心太軟同埋甜品👍🏼👍🏼👍🏼👍🏼
繼續閱讀
好誇張 有心太軟外賣真係第一次見 之前睇片見過係用特定溫度🌡️焗 確保心太軟到客人手上仍然流心👍🏻開心果心太軟🥜：外面脆脆哋 裡面超級流心 好多汁 醬裡面仲有粒粒開心果 開心果味超級濃 同埋好香牛油味🧈 好似真係口裡面同時間食緊幾粒開心果 配埋雪糕冷熱交替 自家製開心果雪糕🍦 (+$3)：雪糕好滑 對比心太軟 呢個冇一粒粒開心果但有淡淡既開心果味招牌蛋白souffle🥚: 睇落去超級leng jai 漲卜卜 外層脆脆哋 好似仲有一粒粒啡糖灑係上面 食到中間仲係好蓬鬆好滑既蛋白 仲有泡 軟綿綿🫧 焗得完全啱啱好冇熟到似變擦膠又冇生到太水 味有少少似燉奶/蛋🍳 就算唔配雪糕齋欣賞佢個蛋香味 都超級好食重點係蛋白味超級出！😍自家製芒果芭菲🍧(+$5) ： 幾有創意同埋心思💭 總共有三層 面層係冰凍芒果汁 而下面個兩層係雲呢拿同芒果雪糕🥭！味道：🌟🌟🌟🌟.5/5 📍Sugar Mama 地址：屯門青柏徑6號鹿苑地下3號舖
繼續閱讀
原味心太軟係又好食又抵食 急凍買翻屋企叮翻熱嚟食都好正食過一次又一次 其他味嘅心太軟都可以 但原味贏九條街雪糕啲味我個人覺得好有創意 可能我見識少未見過呢啲味 所以覺得好新奇 但唔知係咪我食唔慣 覺得唔係幾好食 唔推薦食佢啲雪糕 但其他嘢可以一戰 原味心太軟就係必試的
繼續閱讀
有人同我講屯門有間世一心太軟然後幾條友戇居居揸車入去食舖頭名叫Sugar Mama 細細間坐兩台客已經full咗老闆應該幾鍾意海龜牆身、天花板全部都係海龜口味係幾多下 你未見過嘅味都有叫咗嗰D24榴槤 算係比較好食嗰個非是不可嘅原味朱古力🍫出面大把好食過佢中伏指數 🚁🚁最後食完個個都問條友邊度好食佢話以前真係好好食㗎近期有個網紅Foodie有介紹返就諗起佢啦多謝打手 令我哋山長水遠入嚟食個甜品繼續追擊打手～IG🔍goldenfinger444
繼續閱讀