Starry Night (已結業)

呢間酒吧餐廳而家主推生蠔任食，除咗生蠔任食，仲有多達20款嘅小食都可以無限追加，就連牛扒羊架嗰啲都有，好豐富！餐廳用咗星空嘅裝修，有少少酒吧嘅風格，多數都係梳化座位，夠闊落坐得舒服～如果一大班人嚟嘅話，仲可以包場搞party，一大班人嚟慶祝！------------------------------🦪◖120分鐘時令生蠔放題◗ $398一坐低會上咗一個海鮮拼盤先，有一打生蠔、海蝦同蜆，生蠔都算肥美，口感爽脆，幾鮮甜，食完再encore，可以瘋狂一打一打咁叫🔥！生蠔即叫即開，所以都要等返一陣先有得食，可以試叫定先～除咗任食生蠔，仲有其他小食，推薦佢嘅芝士年糕、芝麻八爪魚、水牛城雞翼、椒鹽雞軟骨、薯角，佢嘅卡邦尼意粉都做得唔錯，軟硬適中，夠掛汁有奶香！🥩◖澳洲m2牛肩胛配威士忌燒汁◗ +$98佢呢個牛肩胛超厚切，原件上，外層焦香，裏面肉質鮮紅色，肉汁鎖得幾好！夾雜着啲筋膜部位，比較難切，但咬落去又唔會話好韌，帶有濃郁嘅牛香～🍹◖荔枝梳打◗ 荔枝果味濃郁，唔飲落唔算太甜，仲有一串荔枝果肉喺面，打卡都幾靚🌿◖Mojito◗ 味道偏酸，帶啲薄荷葉香味，清新開胃🍩◖Oreo Milkshake◗

日式放題就食得多啦，西餐放題唔知你又有冇試過🥴？除咗有前菜、小食及熱食，120分鐘仲有生蠔任食，即叫即開🦪！加$98可以揀多一款牛扒/羊架/燒春雞主菜，我哋試咗佢哋嘅羊架真係幾唔錯，肉質嫩滑又多汁，應該係全晚最出色嘅食物🥰。————————————————👅 時令生蠔放題（$398/位）🔸凍海鮮🔸👉🏻時令生蠔任叫任食，數量都唔會俾少，生蠔盤底下用乾冰營造煙霧效果🧊，增添氣氛。亦提供凍蝦及凍蜆，最啱配杯酒慢慢嘆🔸前菜🔸👉🏻一開始會送上黑糖麵包、凱撒沙律及餐湯，俾你開開胃🤤，加埋巴馬臣火腿/煙三文魚即刻變咗高級沙律。亦都有日式前菜任食，包括中華沙律及味付螺肉等。🔸小食🔸👉🏻呢個小食組合啱晒開party，有芝士年糕、炸春卷、薯條🍟、雞翼⋯其中我最鍾意外皮脆卜卜嘅炸雞軟骨🔸熱食🔸👉🏻主打肉醬意粉及卡邦尼意粉真係🍝，兩款我哋到時過，同出邊嘅餐廳質素不相伯仲🔸飲品🔸👉🏻 食多度海鮮同埋小食，點少得一啲酒精飲品🍸，一個價錢任飲紅白酒，亦可加錢升級其他調酒，馬天尼同荔枝特飲都唔錯———————————————— 🚩總結：超豪氣嘅生蠔放題🤗———————————————— 🌟注意：食得晒先好叫，唔好做大

呢排成日見到呢間餐廳嘅廣告又有生蠔放題又有意粉又有主菜有牛扒有酒飲咁我膽粗粗走去試吓啦我哋一行四個人喺中秋節年假去食四個人加埋假期附加費飲酒連埋+1大概五百幾蚊一個頭好入正題，講吓佢啲前菜 其實都係個啲野餐湯 沙律前菜一般野個黑糖包就幾好食之後就開始食蠔啦佢日本同法國蠔嘅主打，但係日本蠔就俾政府禁咗 所以我食嗰晚呢就淨係得法國蠔出場幾有心思嘅有個火山識噴煙 打卡一流 上面有埋啲凍盤 蝦阿個啲 食完即叫佢refill都唔算慢 4個人都食左10打左右 還可以最緊要我地一啱傾一路飲 唔經唔覺都飲左佢兩三枝白酒 超哂時個店嚇都無趕我地走 幾好下次會再黎

今日咁撳吓社交媒體網站見到有間舖頭賣廣告講到明生蠔放題任食我一睇開近我個飯 講食生蠔，我一個都食佢幾打即刻約埋我個朋友仔那那林定位國慶假期去食間餐廳有兩三台去到有個餐湯沙律一般嘢之後會攞個火山來上生蠔個樣唔錯打卡一流有埋凍蝦翡翠螺啊嗰啲凍盤蠔我睇落刀幾大隻比酒店嗰啲大鹹鹹地有啲Aftertaste幾好食不過偶然有啲蠔殼食完之後叫咗兩個意粉食落都唔算太差，一般正常嘢食完熱嘢之後繼續掃佢啲蠔 兩個人都可以食咗佢六打左右 超級無敵飽買單一人唔使五舊水

之前經openrice book 連埋加一都係400幾 見佢又有小食又有意粉個啲 最最最重要既係仲要有大大隻生蠔任食。 就咁睇落就大隻個酒店啲size 一格咁上下 食落都鮮甜既 不過啲凍盤就好似麻麻 所以我都係食生蠔多 同老公兩個人食左4打 加埋個意粉又食下個啲送酒小食 愈食愈多 最尾飽都行都行唔郁。笑死人。。 最緊要埋單兩個人加埋都唔洗一千蚊落樓 有酒飲有生蠔食。不過佢環境就無高級餐廳既感覺 不過重要係夠平如果下次想食蠔 就會再黎既

岩岩十月一日國慶放假期呢住同屋企人去食餐好既 所以就係10月1號晚網上訂左食蠔wts 訂左10月2號晚7點6位2號晚準時咁上左攞左位先但我味齊腳 問左可唔可以等哂所有人黎到先開始 員工答我話可以 等我地到哂先開始計時都冇問 之後佢就好好咁拎左杯水我 （幾暖心）大約10幾分鐘之後 我屋企人到左 一開始係頭盤先上台 記得好似有 面包 湯 中華沙律 味道還好 但唔會食太多 要留位放蠔之後終於等到主角上位 唔算話好大隻 但睇落新鮮 食都幾好食 起碼我同屋企人都食左4 5打

10分好嘅放題餐廳咁樣先呢我即日book位都可以即刻有得食啦一坐低有前菜餐湯個啲我個friend好鍾意食佢個啲黑糖麵包 一開始上盤蠔 有埋啲凍盤阿當然啦，主力我哋梗係掃佢哋啲蠔啦佢個餐仲有卡邦尼意粉同埋肉醬意粉嗰啲熱誠，起碼一定夠飽我哋一行四個人去每位平均四百幾蚊加埋飲酒有紅白酒同生啤任飲加埋都係$500唔使我哋四個大隻佬，加埋食咗佢超過10打蠔出餐速度算係正常，冇出邊嗰啲會hold你一陣咁樣如果下次去食蠔食，呢間好過去食自助餐

我同朋友 都十分喜歡食生蠔上網見到呢間餐廳有生蠔放題任食生蠔仲有其他主食 都唔算太貴就膽粗粗去咗booking啦上網見啲評語唔算太好但食落都真係唔錯一坐低有沙律餐湯等前菜正常一般嘢頭嗰盤生蠔有啲火山煙做打卡位之後refill 都算快 相對而言生蠔新鮮 無限refill仲 加錢 食咗佢嗰啲 羊架賣相幾靚之餘食落都唔算差我兩個人都食咗四五打再食埋佢啲小食 仲加錢飲埋紅白酒 起碼飲咗佢一支性價比十分之高好值得推薦十分滿分有9.5分

琴日同屋企人一行7人諗住試新嘢，食生蠔放題，點知食到一肚氣，上菜又慢，經理態度又差，我哋上到去見一個客都冇已經覺得好奇怪，開頭我以為係我哋太早，但到我哋走嘅時候，都冇客囉，原來我哋中咗中大伏。我哋訂咗6:30 ，我細佬同佢朋友早20分鐘上去先，一上到去已經叫定兩打生蠔，點知等咗半個鐘先到，跟住我哋再叫四打生蠔，等咗十分鐘，經理入來話唔可以咁樣叫，只可以食完一打先可以再叫一打，都算數，佢個螺臭，有啲生蠔都係臭，兩打有一打都係吐返來，都未試過遇到一間咁嘅餐廳。個經理仲串到爆，我同屋企人講一陣再去食過，個經理就以為我話而家去第度食，即刻好串話咁我幫你地埋單。最後我哋忍唔住埋單走人，我哋訂6:30，7:00已經要埋單走人，埋張單都要搞咗我哋半個鐘，但重要錯，我哋七個人去食，張單收咗我哋八個人錢，好在發現到。呢間嘢我唔會再去，啲生蠔又唔新鮮，又唔凍，費事食到肚痾，冇下次😡😡

朋友係網上平台買咗優惠，然後要自己聯絡餐廳預約幾時，好正常不過既事，但打電話打咗幾日都聯絡唔到，原來個電話唔係用嚟打，係用嚟WHATSAPP，用WHATSAPP就覆機了。 去到餐廳，我哋三個被安排近門口嘅位置，OPENRICE食評寫到咁「好」，所以都自備定電筒去驗蠔。食物陸續送到，有法國、日本蠔、牛扒、意粉、炸物… 蠔，法國蠔，好瘦，一啲都唔肥美，勉強都可以，但日本蠔真係食完驚反胃，就算落幾多鹽水（我哋三個一致認為嗰啲係鹽水，並唔係海水）都遮蓋唔到個陣唔知咩味。意粉，經典，一生人之中千祈咪試，明明叫咗個卡邦尼意粉，結果嚟嘅係同白烚意粉無分別。西冷牛扒，我哋要五成熟，結果嚟到應該都有九成熟。我哋去到個時，得我哋三個，夜少少，佢哋（餐廳職員）自己友到咗，然後個場就勁嘈，當然啦，除咗我哋都無其他客，駛鬼理我哋咩，所以大聲叫大聲玩，影響我哋，既然係咁趕客，不如個晚就唔好做生意，你哋自己玩啦～呢間餐廳，唯一可取之處，係炸物還可以，至少係新鮮炸起。如果要去呢間餐廳食任何嘢，請記得要CHECK單，我哋買KKDAY既優惠，唔知點知餐廳張單又收唔知咩KKDAY既費用，因為「趕」住走，所以拿拿臨比錢，返到

入到去不過不失 一坐低會有 會有餐湯餐包前菜又唔使叫就會出埋 有埋凍蝦翡翠螺嗰啲凍盤整埋乾冰睇落都幾有美感 之後有十。幾款小食 叫咗一個意粉 熟食味道還算可以 不過不失勝在生蠔有不停refill 嗰晚有法國生蠔 同埋韓國生蠔法國生蠔細隻啲 鹹啲重海水味本來主打嘅日本蠔因為政府問題變咗韓國蠔就個頭大隻啲 食落比較creamy我同我老婆一人都食咗二十幾隻真係食蠔都食飽 主菜都唔使加價錢相宜 兩個人八百零蚊埋單平均每個400蚊都唔使

從來未食過咁差嘅地方，室溫生蠔末食過，又瘦又唔好食，食完叫12隻生蠔，等超過半個鐘先至再來12食，－次order兩打，又話個盤唔裝,食完再叫，但係又得兩個鐘，－座叫咗嘅食物，又等好耐，－係就冇，但冇又唔講，除咗生蠔唔得，啲意粉阿婆都食到，好似飯堂煑好裝出來，最多叫暖，不能叫做熱、寧願傾偈都唔去幫手開生蠔，只得一個人去開，我今次真係好嬲，仲叫埋幾個朋友去食，真係對唔住啲朋友。各位想去嘅朋友真係要考慮清楚

入到去一個人都冇已經有少少驚。環境好昏暗，連個餐牌都睇唔清楚。話法國日本生蠔任食，結果全日指供應好細隻嘅法國生蠔，話日本生蠔壞咗冇貨，個侍應話今日只係入咗一盒日本生蠔，我心諗打開門做生意得一盒生蠔？然後個侍應企喺度完全冇反應。再叫黑糖麵包又冇，個卡邦尼意粉難食到🤢服務態度差到唔使講，話一定要食晒一盤生蠔攞隻吉碟去換。喺OpenRice訂位食完仲要比多$100服務費，真係一蚊都唔想比。伏到不得了，唔會再幫襯，直頭中途就想走。

香港生活左幾廿年，呢間算係體驗與食物同樣差！CP值勁低！一入去俾小食同幾片黑糖包，口感係靱既無香味，食左一啖就放低左😕環境係做開吧場，場內燈光昏暗，隻蠔根本睇唔到新唔新鮮！兩個人第一碟十隻蠔幾隻蝦幾隻螺，法國蠔係No.3.5既size唔3唔4好細隻好簿身（出面$100唔洗一打嗰啲），日本蠔叫做大隻少少，以為本身係creamy 啲，但食落去係臭既！感覺勁差，又勁多碎殼！(我太太後來話見佢好似無沖水直接俾客)蝦超細隻冰水味，急凍翡翠螺無處理過，入面係有沙同味係尿味！😡標榜任食蠔，蠔只講係日本同法國，但唔會同你講係邊個產地！話送一杯飲品，唔問唔話你知有咩飲，無drink list隨口噏當秘笈！意粉闊條麵係烚麵咁淋既，蜆肉意粉得一兩粒蜆肉，無味既，只求飽肚ok。其餘小食全部澱粉，年糕薯條薯餅咁，炸到油淋淋望你快啲飽。成間餐廳得兩個server(黑衫好少少紅衫hea啲反應冷淡), 好在成晚得兩枱客姐, 都要等佢處理完野食5-10分鐘先搵到佢幫你跟單落order😔成晚俾左一杯水無添過星期五至日仲要收多$38！不論你$388定$478附加費一樣！事前都唔會同你講，細字睇到係你好彩。我揀左$388，埋

打開我發覺其他評全部都係枚來的，我只反映真實情況。＄478一位，樓上吧格局(中伏）其後職員講解，之後來小食冷盤中華沙律、八爪魚、螺頭，餐湯磨菇湯感覺罐頭湯(常溫)一啲都唔熱，黑糖麵包長條型一嚿麵包唔知放咗幾耐生蠔放題冷盤，職員整色整水加乾冰營造火焰冷盤，10生蠔、2翡翠螺、4凍蝦，生蠔得法國同日本2種，第1碟係有10隻(6法國4日本)，全部都好瘦冇肉，仲要鹹到一個點😮‍💨，每食一隻要飲幾淡水先得，水又冇refill過。第2碟開始宜家傢俬細盤上，每次只得6隻，D蠔越來越瘦及越食越細隻，食左2碟都唔想要叫喇，凍蝦 蝦肉 淋啤啤 好梅。主菜，有2款紐西蘭羊架同澳洲肉眼扒。原本揀咗羊架，隔咗一陣先話冇貨。唯有揀2份肉眼扒，2份個叫左5成熟嘅，黎到變全熟切都切唔到。黑松露意粉仲淋過我屋企個地拖，佢仲要已經係闊條麵，都可以煮到淋哂。埋單$478一位加個五六日假期$38一位。絕對沒有下次。全晩見大廳連埋我呢枱得三檯客，臨走仲黎左兩枱客慶祝