Sol House Oyster Bar and Restaurant

營業中

休息中

👨🏻‍🍳Sol House Oyster Bar and Restaurant (荃灣)📍荃灣享和街43-59號都城大廈地下57A號舖 「荃灣會encore的高質西餐❤️」 朋友慶生，餐廳朋友揀😆佢之前食過話好食！！星期日夜晚餐廳未算full，驚驚地🤣點知食落有驚喜！！😆❤️ 👍🏻🍽️法國生蠔 $10/隻 （一打😆正常，幾fresh）👍🏻🍽️小食分享拼盤 $298👍🏻🍽️Set Dinner $688 (二人晚餐） Starter : 1️⃣Daily Soup w/ Bread & French Butter 每日餐湯配麵包，牛油（+$40可升級為粟米蟹湯）2️⃣Daily Salad 每日新鮮沙律Add Foie Gras Toast 1 piece *追加鵝肝多士1件（+$78） 我地有升級粟米蟹湯，不過我地口味較中意普通忌廉湯🤣但系2個湯都okay的🤤👍🏻🍽️沙律必食！！推！！超大份，而且好好食🥹麵包糠吾系硬脆（好怕麥當勞個隻🤣），脆得黎好香口好易咬❤️仲有勁多蟹肉！！沙律菜都好爽脆新鮮👍🏻 追加左2塊👍🏻🍽️鵝肝多士，yumyum🤤👍🏻 Second Course : Tuna Tartare w/

呢日同老公睇完戲🎬就想輕食晚餐，無意之中發現我Book mark左呢間餐廳，就決定同老公試吃。生蠔🦪望落去就唔算話好飽滿。但以$10一隻嘅價錢嚟講，算係幾新鮮，抵食。另外，我哋叫左一份烤原隻西班牙墨魚🦑配墨魚汁意大利飯，法式茄蓉。嘩😋有驚喜! 好好味丫!! 個墨魚煮得剛剛好，唔會過熟變得韌，咬落去係有種爽口。意大利飯都煮得恰到好處，配上酸酸地嘅蕃茄蓉，十分之開胃。環境舒筋，服務唔錯，食物都好吃。下次會再幫襯。

見到呢到有$10抵食生蠔，即使叫埋朋友過來試試先～二人套餐💰HK$688是日餐湯係南瓜湯，餐包都好味～烤澳洲深海龍蝦尾配紅蝦汁意大利飯都唔錯，龍蝦尾爽口，紅蝦汁酸酸地令人好開胃，可借份量少～烤美國12安士肉眼扒 (需另加HKD$50)肉眼扒都唔錯，重牛味～是日甜品係紅絲絨蛋糕批，味道好甜，好失望～法國生蠔(6隻)💰HK$60味道新鮮，但略嫌比較細隻～結果埋單價錢原來都唔平，唔係太伐算，少少失望～

套餐抵食！最期待$10/隻蠔，無令我失望，其他嘢食中上水平！油封鴨值80分，但唔夠脆皮。燒乳豬仔反而一般般，但所有配菜一流。意粉70分，蟶子煮過龍。Cocktail 唔錯，只係試咗Blue Moon。價錢$$$ 但算係值得。

元旦日隨意搵屋企附近荃灣呢間西餐廳見網上訂座仲有85折+$10蠔優惠所以黎試吓我哋早到咗45分鐘侍應已經安排好枱比我哋一坐低梗係叫半打$10隻嘅生蠔先雖然細細隻但係都算好新鮮本來有諗過叫二人套餐但係內容唔係我最想食所以叫咗$588牛扒餐1） 澳洲M7和牛5oz2）日本鹿兒島M4和牛5oz3) 美國牛腱胛扒5oz另有少量燒配菜同兩杯紅酒送不過我覺得分量比較少，我哋另外再叫咗個紅蝦牛油果沙律先叫啱啱飽不過啲牛質素真係高嘅Medium rare 亦都做得剛剛好，日本牛入口即溶，美國牛好爽口牛味好夠，澳洲牛就中規中矩明白點解分量有控制，因為用料質素真係好總括來說呢間餐廳嘅番兜指數都係高下次可以式吓A la cart menu , 因為都會有85折

昨日下午與家人聚會，我哋叫左一打生蠔，Size中型，鮮甜帶咸味，各人都有叫餐，set lunch 價錢中價，其實依家西餐廳都係依啲價錢，只考慮味道比較重要，每個餐份量足夠，唔算太多，黑毛猪肉眼配薯蓉👍👍，虎蝦天使麵味道濃香，好好味😋🤤，另外10安士平板牛肉，叫左7成熟，好彩肉質淋軟，唔會過熟👍👍❤️，服務體貼。

食材、烹調、擺盤、服務都 above average ，有心，用心經營的食店。推！點了烤美國戰斧豬扒配蘋果莎莎、10安士平鐵牛扒午餐，肉質嫩口及烹調時間剛好，會再回購。跟餐的榛子蛋糕也十分足料。訂枱時留了，慶祝生日 remark。用餐時也忘記了這點，上餐時蛋糕碟上寫了Happy Birthday生日字句，頓然覺得十分窩心及細心。(好多時餐廳都會遺忘了訂枱時客人的remark)亦試了六國生蠔拼盤及特價生蠔，不過不失。家庭及朋友聚會的一個好選擇！

朋友即興話想去有得食蠔的西餐廳！咁岩間餐廳嘅蠔只賣$10一隻，我地叫咗兩打生蠔，真係超值！首先，我地試咗個墨西哥烤半熟吞拿魚蔬菜沙律。呢個沙律色彩鮮豔，新鮮嘅吞拿魚切片煙燻香口，加埋蔬菜同特製嘅墨西哥醬汁，味道真係好開胃！之後，我地又嚐咗個烤法國鴨髀配甜椒紅花意大利飯。鴨髀烤得香脆，肉質嫩滑，每一口都帶嚟豐富嘅鴨肉香氣。而意大利飯粒粒分明，味道鮮美，令人回味無窮。餐前小食方面，我地叫咗個Cheesy Nachos。脆脆嘅玉米片鋪滿咗芝士同埋醬汁，夠味又夠濃郁，真係一啖接一啖停唔到口！而最令我地驚喜嘅就係生蠔啦！每隻只係$10，質量超好！生蠔新鮮鮮甜，肉質滑嫩，食落好滋味。我地兩打生蠔一下就食晒，真係無法擋！總括而言，呢間西餐廳真係可以滿足蠔迷嘅胃口，$10一隻嘅生蠔物超所值！加埋其他菜式如墨西哥烤吞拿魚沙律、烤法國鴨髀同Cheesy Nachos，真係令人嘆為觀止。下次如果再想食蠔，我地一定會再黎呢度滿足口腹之慾！

餐廳設計寬敞有格調，坐得舒服，空間夠寧靜野食整體確係唔錯👍🏻性價比高，燒雞嫩滑，個龍蝦🦞煎得好香另外，多謝店員嘅小驚喜🎁送上一幅珍貴嘅即影即有媽媽表示很喜歡❤️

餐廳有大幅宣海報又有座地宣傳版宣傳10元一隻法國生蠔，又幾抵，午市套餐又有八折優惠，一於入去食個晏歎生蠔。雖然生蠔平，不過都係叫左半打試過先，好食先再要。生蠔外型有大有細，望落去都似樣，至少有肉食。蠔味偏淡，加點海鮮醬同吃才有點味道，感覺係新鮮。最後試過覺得普普通通，過口癮算了，所以沒有再要。明白一分錢一分貨，質量可以，10蚊真係抵食。兩個人每人叫份午餐是日餐湯係忌廉蘑菇湯，湯底稠密，蘑菇香味濃郁，口感綿滑。餐包暖暖地都好味。是日沙律係雞胸什菜沙律，沙律菜好爽，醬汁酸酸甜甜，食落幾開胃，雞胸有兩片，唔係好鞋。燒美國10oz平鐵牛扒配薯菜，牛扒有兩件，易切易食冇筋，切開後睇到肉色粉粉的，賣相唔錯，但入口感到冇味道，肉味不足，醬汁都係淡口，問待應要碟芥辣，點左先覺夠味。薯仔，南瓜也煮得唔夠淋，口感偏硬，牛油粟米就軟硬適中。藍青口配辣蕃茄汁意大利粉，藍青口的肉軟軟綿綿又幾好食，意大利粉就偏硬身，醬汁濃郁有蕃茄味唔係好辣，不過味道偏鹹。兩個主食一個淡一個鹹，我哋覺得唔係太好食。結尾飲杯咖啡，味道都係一般般，唯一可讚杯牛奶係暖嘅，加落咖啡都唔會令咖啡變凍。

朋友知道小妹我鍾情生蠔🦪🦪🦪，於是推介荃灣有間西餐廳，佢地嘅生蠔最近做緊優惠，而且質素唔差，小妹我當然要去試試看😚😚😚Today's Special~French Oysters $10/each🌟🌟🌟法國生蠔，口感爽口清新，海水味濃，非常新鮮，加上優惠價每隻$10，cp值超高💯💯💯炸燒烤汁雞翼配藍芝士汁(6隻) $78雞翼炸到金黃色，皮脆內嫩，惹味炸日本甜蕃薯條 $62日本蕃薯條帶甜味，薯條粗身，香脆可口蟹肉蛋黃忌廉汁大通粉 $188蟹肉絲，濃郁蛋黃忌廉汁，配上大通粉，creamy，有口感餐廳用膳環境舒適，服務員友善有禮，食物質素高、味道好，價錢親民，性價比高

荃灣各商場有許多大型西餐廳，我今次選這間地點很旺，內有裝修佈置，感到有質素。食物方面，蟹肉大通粉味道鮮甜，可試試。雞翼用特別胡椒炸焗的，好好味！法國生蠔味道很好，也是好的starter 。Waiters 都好好禮貌也及時換上新碟。下次去荃灣，幫襯會吃多牛扒的。今次味道好啱我呢！

平日的午市十二點半，餐廳食客少。叫了兩個主菜，再加半打生蠔。上菜速度都快，前菜同生蠔都未食完，主菜也來了。二人給了四人座位，寬敞而整枱面都是食物也可以慢慢食。湯，仍是令人滿意，色澤吸引，香味濃郁。沙律，仍然新鮮。生蠔，只是$10一隻，每人限最多叫半打。我哋先叫半打來看。今次洗得淨，沒有蠔殼，不是肥美類型。感覺算新鮮，有海水味，但欠鮮甜。主菜漢堡飽薯條，薯條炸得剛好，薯味飽滿。漢堡飽料都不錯，但水/汁份多🤔，食到一半，底的飽都濕得變淋了。另一主菜軟殼蟹意粉，意大利粉質地剛好，我喜歡硬一點的。所以媽媽嫌不夠軟。軟殼蟹不會炸得過硬，份量足。唯多吃兩口，就覺得調味鹹了。最後喝返杯咖啡，賣相吸引，味道一般，沒有咖啡的香氣。

今次有點失望，平時吃午餐都很滿意。豈料晚餐比午餐貴，質數還要差些，而區內西餐都薄有名氣。主菜烤羊鵝肝份量小，肉質一般，如果不是同友人慶祝生日一定不會去叫羊，通常主菜跟多一個食物（鵝肝）都心知不妙，兩樣都強差人意。鵝肝沒煎香，很瘦；羊不夠嫩滑。另外，下單時職員話食物不會一次過上齊，結果意粉跟羊一起上桌而因為要食羊先，意粉蛋黃汁變得杰身而變得不好吃，食時都凍了，根本沒有下一round, 知道食物是share 好應該先後才上菜吧。

準時入座。上餐都算十分快服務一流食完一道都會即時收碟及換碟。每人限六隻的十元生蠔十分抵食。意粉及其他沙律躉前菜份量十足。甜品的心太軟，恰到好處溫度。飲品種類選擇繁多