PizzaExpress (One Island South)

營業中

休息中

星期6 中午12點黎到黃竹坑 pizza express無乜人唔駛等位 入到去覺得室內裝潢都唔錯 略嫌近窗口位置曬左少少呢個小丸子麵包係前菜 口感特別 有驚喜次次黎都會嗌餐飲dry ginger 因為出面比較少有 好飲👍🏻仲叫左個pizza 大概$168 薄身 個人鍾意厚身pizza多點

星期六同男朋友去海洋公園但唔想係樂園食會好貴就搭一個站去黃竹坑站食pizza express 見倒佢有lunchset $349for two 個人認為唔飲野既話散嗌會好啲同掋啲 因為佢份量都多

黃竹坑嘅餐廳數量比較少，主要都集中係One Island South 呢邊 (MTR Exit A)。今日又可以開心同同事食個午餐，就黎到呢邊嘅PizzaExpress 啦🤣🤣PizzaExpress嘅午餐比較抵食，只要點一份主菜，就會送一份麵包波波或者係salad，仲有free refill 嘅凍檸茶添❤️❤️同事最愛嘅麵包波波，雖然係送嘅，但份量好多，熱辣辣點牛油同pesto sauce食好好味😋每次黎都會食嘅蜜糖雞肉Pizza ，少少甜加埋雞肉同芝士，好好味！見到新野 Omi pork 新豬肉炒意粉，係素豬肉黎望落同食落都有肉嘅口感，味道就係咸咸地辣辣地

依家pizza express Lunch time叫main dish送dough ball / salad加飲料。香港人最鍾意咩？大件夾抵食嘛，見有咁多野食，就決定食呢間。Dough ball 雖然係送既，但係都有成9粒咁多，軟綿綿，口感有啲似麵包鋪既芝士波，不過無芝士味，中間綠色個醬好好味，自己好鍾意食呢啲波波Salad個人覺得個汁偏酸，不過啲菜都好新鮮叫左辣肉腸pizza，係薄批，好大份！辣得黎好香，唔食開辣既朋友可能未必食到。Carbonara 好creamy，如果少啲肥肉就更加好Risotto 份量都唔細，鍾意佢有好多蘑菇粒餐廳內環境好舒服，令人好relax，想慢慢咁傾計，可惜食完仲要返工呀下次週末食一定更happy。

是日假期大家都偷懶唔想煮就決定係附近搵嘢食講下講下就醒起去黃竹坑食pizza😝一車直到 行幾步落就去到不過我地低估左佢受歡迎程度要等位呢😅😅職員話要等30-45分鐘...一路係出面等一路聞到pizza嘅香味真係好想快啲衝入去食🤣大約等左30分鐘就入到去啦😌😌我地4大2小叫左個4人餐2個小食4個主菜4杯飲品掛住食冇影相成餐樣樣嘢都味道 賣相都令人滿意小朋友都食得好開心🥳埋單連埋加一約$700左右滿足嘅一晚之後齊齊散步行返香港仔

早上喺黃竹坑one island south做完野，咁就諗住食埋晏先返出去啦。突然之間好想食pizza，而黃竹坑餐廳都唔多，想食pizza就只可以去pizza express!中午十二點幾，人都唔多。估唔到入到去，環境咁好，好chill好有藝術感，就算坐耐左都覺得舒服嘅。但呢間pizza express 唔似其他分店咁有set lunch嘅餐牌，取而代之嘅係叫一份正常size嘅主食會送沙律或者麵包波波加一杯野飲。咁呢...一個人食就會好吃力，兩個人食就剛剛好喇！黎到pizza express真係一定要食麵包波波，呢度嘅份量比跟餐嘅多，有9粒，配有牛油同羅勒香草醬。主食我就叫左個新口味-卡邦尼薄餅，d煙肉脆卜卜，中間仲有隻太陽蛋，雖然講就講係流心蛋，但黎到係熟蛋，呢下有d失望，不過食落都好香口，好滿足嘅！野飲我就叫左杯可樂，汽水配薄餅真係一個無敵嘅組合。如果唔飲汽水嘅，可以選擇凍檸茶，因為免費refill架！

今日午餐跟同事一齊黎到公司附近的pizza express 吃午餐，午餐時段較抵食，因為午餐時段每叫一個主菜都可以選沙律或麵包波波，還有飲品 （凍檸茶可以無限refill😍)。 沙律是凱薩沙律，今次就無叫啦。這個就是黎到pizza express一定要食的麵包波波， 有成9 粒，淨係食前菜麵飽。我地叫左這個北京烤鴨pizza, 好有驚喜，佢有甜醬味道， 雖然係較重味，但係唔會食完一塊就好漏。另外仲叫左這款蜜糖雞肉pizza, 食落有點點蜜糖味，少少甜少少香，好特別。

Went here for lunch today, it’s as good as usual. We ordered a festival special around $700 ish, including 2 side dishes, 3 mains and 4 drinks. It’s quite a nice combo of set with fair price We ordered Parma ham sticks and meat balls for the side dishes. Meat balls are filled with tomato sauce, sweet and sour, nice and tasty Sided with the dough balls, dip it with the butter, soft and warm, nice to eat as always Thr parma ham sticks are crispy, dip it with butter to eat just right on point We

分量細食物差，比之前食過完全兩回事，而家食物分量比之前足足少一半，一半份量都算食物質素卻強差人意，真貼錢買難受，唔怪得以前需要訂位，依家隨時行去都大把位，所以是必有原因，經過今次中伏,我想都未必有下次的機會。

去完OP，要快d搵食返屋企，附近真係冇乜選擇，所以嚟咗pizza express。應該有十幾年冇嚟過。記得佢初初嚟香港，係幾好食架，所以嗰陣成日都去。事隔多年，重臨舊地，俾老公串到飛起，仲話另願食Pizza HutAvocado tomato dip $68唔係好肚餓嘅一刻，佢咁清新嘅味道，確實令人好欣喜。四色芝士薄餅 $148D藍芝士有d over, 麵我咁鍾意食芝士，都覺得有啲難頂焗蘑菇 $83又唔寫清楚有辣汁，一食辣到飛起蘑菇蝴蝶粉 $133都OK嘅，但絕對篇唔上好味。價錢就好抵，分分鐘好似平過Pizza Hut。

係黃竹坑附近返工搵食都幾難，周圍都係工廠區。非常難得地有間Pizza Express，想食pizza唯有食佢。我同同事一行四人，叫左兩個大pizza。佢地既pizza係比較薄片，上面既料芝味十足，比起其他pizza餐廳更加足料。

叫左外賣番屋企食，簡左個set再加一個pizza,set 入面可以係pizza/麵食類任選兩款，我地簡左le rose pizza,同埋肉醬千層，另外跟set仲有一個小麵包跟hazelnut sauce, 同埋一個藍芝士蒜蓉包,外加左個白汁雞肉Pizza,le rose pizza有巴馬火腿，雞肉，辣肉腸，火箭菜，味道唔錯餅底好煙韌，白汁雞肉pizza,呢個好一般，唔係好食到有白汁，藍芝士蒜蓉包，呢個有4片，幾好食，芝士好香，肉醬千層都好食，不過分量細，麵包球Hazelnut sauce,呢個好難唔好食，主要都係食個醬，整體大部分都好食，不過個人喜好都係le rose pizza較好，味道唔錯，而且送黎既時候夠哂熱，會再encore~~~

Pizza Express 偶爾去到黃竹坑，今日可以拍吓拖，食返個下午茶。Pizza Express向來質素唔差，價錢係偏貴！但環境、質素都有保證。大落地玻璃，餐廳寬闊，環境好好。我地叫咗2個下午茶setPizza：好迷你，不過芝士豐富，茄醬濃郁，脆脆薄底，好味嘅。肉醬長通粉：輕量級別！肉醬夠但太少通粉。沙律：呢個份量反而大😂😂😂個意大利醋，酸酸哋，好醒胃，加上翠綠鮮嫩的雜菜，好 fresh 呀。飲品：如常的凍檸茶和熱咖啡。不過，侍應呢個moment 就好放慢，心急人士，就未必應合了😂

呢間pizza 店，都見到好耐，都係連鎖店，但係一直未試過，又係星期日，8點幾搭地鐵嚟到黄竹坑，都已經好多收舖，行過呢間仲好多人，入去問問…收10點，ok反正未試過，又試下。感覺高檔過pizza Hut, spaghetti House, 坐落都舒服，服務員大部份係外籍人士，服務態度良好，當然，一分錢一分貨吧！我哋又食得多咗D嘅，四個人，又小食，又飯，又意粉，仲有pizza及甜品拼盤，埋單一千零幾，其實都ok，平均都係$250.-左右一個人，如果冇我哋咁大食，就會再平D。至於食物質素……ok嘅，多D款式，甜品拼盤……中間嗰舊白色好甜，完全係食緊糖嘅感覺，個飯…一般啦，其他都滿意，source 好味pizza 係薄D，不過，整體滿意！

黃竹坑呢間Pizza Express開左好耐都未試過，今日做野俾同事激親，想搵杯alcohol cheer up自己，於是落左去食。Lunch time時間好多人，都要排隊，但因為我得一個人，所以唔使5分鐘就有位，人多都係book定台穩陣D。Lunch set包 頭盤、主菜+飲品各1款，由$78起。價錢係黃竹坑黎講，唔係特別平，不過環境都坐得舒服。頭盤揀左三文魚小食，olive oil太重手，食到成口油。三文魚係超級薄切，好彩嘅係rocket都好香好嫩。酒要額外叫，今日叫左PINOTGRIGIO BLUSH SAN VALENTINO APULIA, ITALY, 簡稱Rose Wine...十分普通，但可滿足心靈需要。Main叫左蟹肉白酒汁意粉，同樣...都係好油!蟹肉亦少得可憐，不過意粉texture 就OK由於頭盤同main都伏伏地，餐飲唯有安全地叫返杯English breakfast tea。總括黎講，唔使特別破費黎食。