係黃竹坑做左好耐，因飯腳話呢間麻麻，所以一直冇試。今日因為約左朋友，又急聲之下，求其入左間最近既餐廳。心諗求其食飽就算，但發覺都好OK喔!份量超大既炸魚柳沙律。沙律係凍冰冰，雪櫃拎出黎再撈醬，因為如一早係撈好左，好易出水，但呢份完全冇呢個問題，食到尾都好干爽。 主菜呢條魚真係不得了!皮薄涵靚，咬落去一陣煙即標出黎，魚肉夠晒豬時，又入味  加埋只碟都係魚形，茶記黎講算好有心思 另散叫左杯凍0T，埋單$55。如果有套餐就好啦，可以平少少，因為呢個價仲貴過叫碟飯。
朋友就食個左常餐豬排米$43，佢都話豬排大大件好入味，而且都lum，又大碗。

工業區，呢度都坐得舒服，冷氣充足。而且有3層(好誇張)，唔怕冇位坐。出菜又快仲咁有水準，下次一定再食過!

呢間曾經拎過米之連，不過真係各花入各眼。
一行三人叫左個2人餐，另加飲品。其實本身係散叫的，但我地揀左5樣，佢有4樣冇...佛到爆，於是求其揀左個六百幾既2人餐。前菜大部份都比香港餐廳辣少少，有位朋友就食唔到。好少食到魚既kimchi，我自己就覺得OK，朋友就覺得有D腥。 雜菜炒粉絲好油，真係啖啖油，無言... 烤肉有牛同豬，2款既味道係一樣，一D豬同牛既味都冇，好失望 呢D菜係唔夠包肉的，refill就要加錢，更係冇加到.. 石鍋雜錦飯味道相對地正常，中意食飯蕉既朋友應該會好開心，因拎出黎時熱辣辣，石鍋亦好熱，等一陣就好蕉。但就影黎影去都有煙霧彌漫的感覺(haaa) 我只可以話，呢度最好就係抽氣夠勁，燒完都唔會一身味。

是日心情憂鬱，冒住痴肥風險，衝左落去叫左件柚子豆腐芝士蛋糕，幫自己打打氣!
呢件cake真係好好味!少少甜、清清柚子香、啖啖柚蓉味，雖然唔係好食得出豆腐味，但味蕾心靈都好滿足!綠色塊葉係白朱古力，好有心思，齋睇都心廣神怡 Americano coffee 就比S牌既淡味，不過配cake都OK。
價錢唔平，足夠食一個lunch set。不過女人既野，甜品實在係另一種享受。有時俾少少錢買鍚下自己，對自己好D，好重要!
減肥?who care? 

最近愛上有事慶祝都去稻八!無他，食物正、服務得、價錢實惠，點可以唔encore?
今次叫左$238個餐，另加梅酒。今次主要影D上次冇post既野同大家開心些牙。慶祝就當然要干一杯啦!首次試稻八梅酒，waiter介紹呢只比較易入口、少少甜，加冰飲，oishii!! 主腳就係佢啦!最中意呢度唔似其他餐廳咁砌到薄到透光，大啖大啖肉咁先夠痛快架嘛!而且厚得黎又唔鞋唔un, 有牛味且好lum，我中意啊!$238呢個餐有3款牛(極上安格斯牛小排、特級美國穀飼牛、美國進口牛)，點分我真係識條鐵，只分到係好食好食同好食! 呢個和牛都好正啊!幾乎入口即溶，細細舊如fatty K我呢D淑女都可以食得好有儀態 呢只雞似係日本雞，一烚即白晒，好lum，但雞味唔太突出 新年開始特別推出花膠，限時架!要補就快手! 呢個好玩啊!自己整天婦羅，想幾厚粉、咩味、炸幾耐，自己決定。個人推介秋葵同蕃薯仔，yummy! 呢個自助bar都好多選擇，肉丸、菜、日或小吃同白飯都有!日式得黎帶中式，飯人都岩架! 雪糕分任食同限量，限量就係埋單時會俾呢張紙你，每位一個貴價雪糕，如有核桃味m牌就唔好揀啦，因為好似藥水味... 除左凍飲，亦有熱水，同樣係自助式 $238包任食刺身

九展雖然開多左食肆，但質素都幾參差。
揀華星因為我中意食多士，三點都冇下午茶，要三點三先有。$40一個常餐，都可接受。
多士都烘得幾好食，好鬆軟既牛油厚多士。
意粉有少少硬，叉燒都好lum，不過就冇燒味檔個D咁入味，同埋得3小舊，好可憐...唯有食多2啖意粉啦~
火腿是烚的，好彩蛋煎得唔算太油。然而凍檸茶冇茶亦冇檸味 全場其實人唔多，不過冇waiter執野，D吉台都幾乎有客人食完既餐具等垃圾，要自己執。
落完order可以坐低等嗌咪，食物出得快，不過個喇叭勁拆，次次都好似嗌交咁，好嘈好銀耳，扣晒分

尖沙咀有條街係開滿大大小小既韓國食店，而呢間位置就比較隔涉，離the ONE都有10分鐘路程。所以即使係星期5都會有位，人多時坐得會有D迫。今晚食$280既晚餐，埋單加一$300多D，除開都係百幾蚊1個人，今時今日係TST食dinner真係好少...海帶湯清清地，油左少少。通常我唔會飲晒，因留肚飲海鮮豆腐湯 呢度既kimchi有好多款，辣既款式亦唔會太辣，加上自家製，所以每次黎都有唔同kimchi食，應該係我係香港食過最好食既kimchi之一!今次我仲買左一盒蘿蔔，實在太好味!跟餐送白飯一碗，唔通呢個係一人餐...? 呢個簡直係我最愛!可以揀唔辣，我呢個係小辣。最正係滑66既豆腐，撈埋蛋黃一齊食，配一口白飯，噢媽咪啊 牛肋骨約4-5件，好冧入味，啖啖肉!但個人就覺得牆汁甜左D
仲有個炒粉絲，油左少少，掛住食唔記得影

容記雖然店舖細細，但食物水準一D都輸蝕架!油菜唔油，nice! 少油關係，菜就冇咁青綠，不過唔會有青黃味。D腐乳多到可以留返黎送飯 酸辣米線本身都有芽菜、肉碎等配料，辣度亦有得揀。牛柏葉爽YY啊!通菜控叫完一碟通菜再加送時，都係叫通菜... 牛肚亦都好彈牙!豬紅一般都會浸水，但容記呢度食得出冇水份，正! 我碗米線叫左微辣，因為要留D空間食辣菜圃!食完中意仲可以一樽樽咁買走添 容記所有滷水都好正!之前已經食過滷鵝腎、豬肚，今次食豬腳。大大啖咬落去，都唔會一口油，老闆將D油都迫晒出黎，太高招啦掛~!
豬腳好入味，而且味道剛好，唔會好咸要狂飲野凍檸茶茶味唔係太濃，有4片檸檬，而且仲好鮮甜!

餐廳重新裝修後改左名，雖然唔知有冇轉到老闆，waiter就認到有個女waiter，因長期黑面同埋只掛住同另1男waiter傾計。好彩有個文青look既4眼弟弟好好笑容又勤力，否則真係零 service。
星期5晚加埋我地都係只5台人，相對商場入面其他餐廳排晒隊，真係差少少。
是日叫左2份dinner set，包自助沙律bar，湯同包都自己黎。湯有羅宋、南瓜忌廉，係全餐最好味的 包有3款：提子方包、芝麻包同牛油餐包。有部面包機可以烘熱，但作用不太，唔可以期待有暖暖地又軟軟地既面包。沙律大約7-8款，質素好失望 牛扒多筋，7成熟變全熟，鞋口，冇牛味 只食到瑞士汁味，唔難食，只係好油 凍0T冇0亦冇T味

去元朗拜年，同朋友先到Glasshouse醫肚。星期日每人最抵消費$150，限時90分鐘。
我地7個人一共叫左10樣野，因台大長，黑松露鮮蝦椰菜花咸蛋薄餅、白酒煮大蜆未影就已分銷。
黑松露鮮蝦椰菜花咸蛋薄餅有黑松露香，但就食唔到咸蛋味，冇特別。
白酒煮大蜆完全唔得，D蜆肉係梅的...OK，水果都好甜 一個字: 油 呢串蕃薯一出場，大家已無言... 呢2塊菜唔知想點，仲大過碗粉。因為其中朋友有少少胃痛，於是叫碗清D既少俾佢。佢話茶餐廳既好食D 賣相幾靚，味道係無味，只食到一柱菜 另一款pizza, 都算足料的Parma ham, 總算拎返D分數 呢個都OK，可以試 意粉都好食，酸酸甜甜，焗得好靚 我地每人都叫左杯飲品，呢杯係menu 寫must try. Let's try! but no next time...
只有茶味的鴦，請回我咖啡!

希望大，失望大。呢個價錢，真係可以有好多選擇。未試過可以一試，但唔需要特別去試。

繼續南區覓食系列之街坊食堂~
寶寶小廚又名泳池餐廳，因開正係包玉剛泳池入面。呢間食堂雖然平民化，但味道絕對有驚喜!
我地3位lady叫左3個小菜加2個白飯，份量足夠4人食!另叫左3杯檸茶。 必食鎮江骨!個醋超級無敵香!甜酸度調得剛好，豬骨大大舊啖啖肉。切記一大啖咬落去，因會熱到飛起(fatty k就試過啦...) 呢個齋煲份量十足，材料有炸豆腐、枝竹、粉絲、白菜仔、茄子、草茹、木耳、豆角，逐樣食都有排食 雞，堅全部都係雞!咖哩香而不辣，友人爭住用汁撈飯食不過咖哩粉重手左少少，令汁傑左DD，但唔影響味道 除左小菜，亦有午餐，大大碟3送飯湯加飲品都係$46!老闆仲係餐廳推行環保，同善心人一齊將節省既外賣餐具變成善款，捐出去幫癌症病人，讚啊!