PizzaExpress (新城市廣場一期)

營業中

休息中

食物都係普普通通 但最大問題係埋單時 要求Apple pay比錢 有位男職員突然態度好差好悔氣拎住部機行埋黎講左句 喂 點呀 快d啦 我地明明有催 如果佢地咁急既可以要求我地行出去先用apple pay 而唔係無啦啦比催個客快d😅😅食完餐飯仲要受氣 勁莫名奇妙

約左frd食早餐 太早冇乜選擇 呢間pizza食得多早餐就第一次食 可能太早 唔洗等位上餐速度都好快嗌左個生酮早餐 好大份 食極都食唔晒 靚女frd就嗌左牛角包晨早流流 飲杯熱咖啡醒一醒神真係好正下次早餐又多一個選擇

雷打不動家庭日 今日一早起身寶貝女就話要食pizza十二點來到已經要等位會員經典pizza半價更加不能錯過一坐低已經有塗色紙比小朋友等佢地可以乖乖坐定定服務員對住小朋友都好有耐性態度好好出餐速度好快 啱晒唔鍾意等嘅爸爸pizza一如既往的好食 阿女最愛軟心芝士pizza 有齊佢最鍾意食嘅芝士同車厘茄而我就鍾意辣牛肉青椒pizza最後加多個燉牛頬肉配北非小米估唔到好有驚喜牛面頰肉夠淋又夠牛味一啖落去 滿口膠質北非小米好飽肚 pizza又大份 今餐真係好滿足！

見到Pizza Express做緊優惠，就同屋企人去食吓。今次我哋叫咗三款Pizza，分別係皇后簿餅、瑪嘉麗塔皇后薄餅同埋軟心芝士薄餅。三款薄餅都係即叫即整，所以等嘅時間都比較長，但係嚟到就好脆同埋熱辣辣。我覺得最好食嘅係瑪嘉麗塔皇后薄餅。雖然呢款薄餅冇肉做配料，但係因為好多芝士，所以味道都好豐富，夠鹹香味。而且因為好多蕃茄醬，所以唔會因為芝士太多而好膩，因為有蕃茄醬嘅酸味中和返。而佢三款薄餅都係好足料，而家有折嘅話更加抵食😆

早餐薄餅想食到pizza express的美味pizza，又不想花太多金錢，可以選擇早餐。Pizza express不用等到11:00已經有早餐pizza供應，配料有火煎菜、車厘茄、肉丸和芝士，面層打了一隻雞蛋去焗，香滑蛋汁溶入pizza。意式焗蛋餅金黃色賣相不錯，焗蛋餅非常飽肚，外皮和餅低都焗得焦脆，有蛋香味，配上招牌原味pizza包。餡料除了蛋，還有火煎菜、車厘茄和肉丸。番茄湯肉丸粗管通粉湯是番茄羅宋湯，除了粗管通粉，配料有肉丸和蛋。其實pizza express早餐的配料都大同小異，番茄通粉賣相普通，難影到靚相，唯有加隻牛油果黑珍珠救返張相。

慳妹跟住優惠走💨最近同屋企人食飯，㨂左去 pizza express🍕，因為做緊有「1 + 1 = 3」優惠，任何主菜買二送一，抵好多！我地提前online 訂座，唔洗屋企嘅老人家等🙏🏻❥ 健康輕盈沙律🥗 $146食菜唔係中菜嘅專利，呢個沙律都有羽衣甘藍、青菜🥬同羅勒，仲有mozzarella cheese、牛油果🥑、烤南瓜、紅菜頭，配搭果仁及黑醋醬，非常豐富❥ 北京烤鴨薄餅 $168呢個係帶有中國特色嘅pizza，薄餅上面有鴨胸、青蔥、青瓜、mozzarella cheese，鴨胸美咊甘香，配上特色填鴨醬，真係好有食緊片皮鴨嘅風味本身仲會有辣椒碎，我想走辣，所以叫職員唔好加❥ 蘑菇燴長通粉 $146難得有得食長通粉🤩蘑菇口感柔焾，長通粉質感剛好，掛住松露油，好香滑，creamy得黎唔會好濟❥ 1664 Brut Combo $208呢個set包括辣牛肉青椒傳統薄餅，配埋1664 Brut拉格啤酒🍺辣味嘅免治牛肉整得好有印度特色、配上青燈籠椒、紅洋蔥及mozzarella cheese，加上餅底嘅番茄醬🥫，味道好滋味1664 Brut拉格啤酒充滿氣泡感，味道較清，有淡淡花香同葡萄香氣🍇

🌧️難得一見既黑雨後一日，相約閨蜜到沙田新城市食返嗰午餐，周圍嘅餐廳都好多人，呢間都唔例外有好幾個排緊隊，慶幸我地只有2位👭下一張枱就到我哋。食物味道不過不失，cappuccino價錢偏貴少少，估唔到有配一包小餅乾，偏甜，個人鍾意配苦味重少少嘅咖啡。大家可以估吓最下嗰杯咩圖案🤣🤣叫咗個特級瑪嘉麗塔皇后薄餅，味道比相像中淡，芝士味淡但羅勒好香。餐單有另一個係配辣肉腸，鐘意濃味既朋友試嗰個會好啲。另一味係燉牛頰肉配北非小米，牛肉量偏小，肉嫩，味道可以再濃郁啲，配小蕃茄食就可以中和肉嘅油膩感，當然，這道菜本身就唔油膩，就喺非常健康嗰種😆兩個女仔食6-7成飽，最後埋單HKD470，同食物質素對比價錢偏貴。下次去應該要試招牌菜……

We’ve always enjoyed going to Pizza Express as a family since kids love the food. They provide a kids menu with coloring and sticker activities. However, there was a problem with the ice cream at this particular pizza express that was extremely concerning and is a potential food poisoning hazard. We were served ice cream that was melted and re-frozen. When addressing this with the staff, they seem perfectly aware and mentioned their freezer is too small and is constantly being opened and closed

迎接夏天來臨，Pizza Express推出充滿意大利風情嘅「Ciao Summer 」夏日Menu⛱️，Caca一向係佢地嘅fans，第一時間就去試喇😋！👧🏻Caca今次食乜嘢？Doppio Zucchini Prawn 雙重蝦肉意大利青瓜薄餅 $218 - 烤香嘅蝦肉、清新嘅意大利香瓜，配上濃郁嘅Pecorino意大利羊奶芝士、Mozzarella及白汁，入口滿滿芝士同超多蝦肉，口感好豐富！Baked Cauliflower w/cheese 香烤芝士椰菜花 $68 - 椰菜花以意大利羊奶芝士、車打芝士及巴馬臣芝士烤焗後，味道香濃，飲住啤酒更加絕配。Sicilian Caponata西西里烤燉茄子 $78 -茄子配以紅洋蔥、番茄、橄欖、酸豆、意大利羊奶芝士及番茄醬等烤燉過後，與迷你麵包一齊食，好有意大利風味呢！Peroni Nastro Azzurro 生啤酒 (300ml) $58 -口感清新爽脆，飲落有淡淡柑橋香氣，非常消暑。Ciao Summer Menu有不同嘅Combo Set，可歎住啤酒或夏日特飲，試清新夏日滋味！

在你們的pizza express 沙田快餐店用餐是一次不愉快的經歷。根據的pizza express 沙田 店 "店面宣傳海報"，中英文內容顯示我們可以在用餐時享受"半價經典披薩"。所以我們被吸引這店食晚餐. 並點了classic pizza 大披薩 。但到埋單時, 賬單顯示classic pizza 是原價。pizza express 員工說是"宣傳海報promotion 的 "QR code 連結"內推廣的英文內容(不是中文的內沒有說細pizza) Half price is to Classic Origin pizza，所以 我不能享受你們半價的經典披薩。但在店面宣傳海報 內 促銷只不適用於升級到羅馬base，沒有說披薩的大小。它的員工告訴我，我應該在下單時通知她，這樣她就會告訴我半價 只適用於classic origin 。但為何 pizza express "QR code 推廣"連結內文英文與"店面宣傳海報"內容有何不同?但作為香港人，我們日常用閱讀中文。沒有注意QE code 連結 內英文細小內文!由於這張店面海報，誤導我們去這店用餐。後來店長來了，我們倆都看了"

由佢得中環一間幫襯到而家第一次試沙田分店大部份員工都好nice除咗一個四眼男…上碟以為自己去咗澳牛…女仔落單….落漏咗一杯…兒童餐甜品經理接order竟然可以做錯再到四眼男澎一聲掉低個甜品就走咗…乜都冇講…再同其他侍應講嚟錯咗…好nice咁即時換..點知又係個四眼男澎一聲掉又走人又要再搵另一個侍應攞餐具…全場full…. 但大多侍應掛住落單/睇電腦/四五個圍埋冇一個面向客人正常中環/tst分店有咁嘅服務已經俾人投訴好彩食物質素都keep到

限時90分鐘，入座點了餐，無俾水，要自己要求侍應俾水，個侍應仲要不情願咁叫左另一個侍應俾水，另一個侍應仲要再叫另一個侍應，好似我地煩到佢咁，叫了兒童餐，但要自己要求兒童餐具，侍應仲黑口黑面，其他分店會自動問需唔需要兒童餐具，最離譜係食左40分鐘，d野仲未食完，就上雪糕，就咁放係枱度就走左去，杯雪糕仲要係溶溶地嘅，即係逼我食雪糕先？去其他pizza express嘅分店，d侍應都好好禮貌，未試過咁差！d野食仲要無其他分店咁好食，pizza又硬唔好食，長通粉唔夠汁好乾，價錢又唔係平，俾錢張單就咁放係枱度就走左去，食到成肚氣，無下次！

喺網上見到Pizza Express星期一至四做緊優惠，今日星期二做一隻新口味Pizza 原價工I72 ，星期二特價$52，同時喺OpenRice訂位仲可以賺埋飛行里數，點可以唔帶埋🤴🏻一齊試呢？～～～西西里肉腸菠菜薄餅🍕～～～Pizza屬於中型size，面上有適量蔬菜、雞肉塊、芝士cream同埋蕃茄汁🥫，🤴🏻就覺得最好味就係頭一塊，因為溫度最熱，可能餅底比較薄就好快凍就變得普通咗啲😆😆，我就覺得味道正常，但有點唔明嘅係佢所講嘅肉腸係唔係就係雞肉塊呢？因為我哋搵唔到肉腸嘅嘢😅😅～～～意式焗肉丸🧆～～～$68只有五粒肉丸🧆呢個性價比非常之低，唔係好大粒比起普通打邊爐丸丸細少少，肉質方面比較偏 ‘淋 ’ 、偏軟！😅😅反而跟配嘅茄汁🥫更吸引😋😋，茄汁🥫唔會太酸帶有DD 甜味😉😉，可能就係貴在個醬汁掛😝😝

今日同bb去食lunch 原來無lunch set 裡面有位的 但無人帶位入 要等幾個字先入到去座 落單叫左幾次都無人 d人應左你又行左去唔理 d野食就一般啦 唔夠熱 叫左個甜品上但要等好耐要追幾次先有 最過份係叫左人埋單 但條友唔見左 要再叫其他人先埋到單 野食已經唔係平 仲要咁既service 真係差到爆 真係衰過食茶記 之前去過yoho mall食都唔會咁 係呢間個個侍應都黑口黑面 叫都唔理 係非常之差 唔會再去 blacklist 趕時間真係唔好去食

復活節到喇，又係約埋班好友聚會嘅節日Pizza Express分店遍佈各區打開Menu發現多咗好多新菜式一班朋友Gathering, 可以叫下 沙律．小食．Pizza．甜品同飲品✨有營沙律 五顏六色．擺盤精美烤南瓜、牛油果沾醬、藜麥、鷹嘴豆、烤燈籠椒、車厘茄、青瓜及青菜沙律嘅配搭搭，清新健康之選✨揀咗兩款Pizza 都有驚喜雙重芝士脆邊薄餅 餅底塗滿番茄醬，放上西班牙肉腸．抱子甘藍，灑上兩款唔同嘅芝士烤焗，芝士味好香濃，薄薄嘅餅底非常脆口 ✨煙燻燒烤醬牛肉薄餅 面層加上燉牛頰肉，烤完都唔keep到肉汁紅洋蔥．車厘茄．芝士．令口感更豐富✨焗蘑菇配托米諾芝士及羅勒香草醬 熱辣辣嘅蘑菇幼滑嘅托米諾芝士加上清新嘅醬汁，有爆汁感，好Juicy✨蒜香橄欖車厘茄焗蝦 將醃製過嘅蒜蓉，再加入橄欖和車厘茄，蝦肉爽口又鮮味。✨意式八爪魚片冷盤八爪魚片 口感豐富，面層加上橄欖 同 橄欖油，配酒精飲品嘅最佳小食✨烤雞配松露牛油 原隻烤雞啖啖肉，加少少松露牛油，味道更香，同北非小米一齊食 味道同口感好夾✨血橙梳打特飲 (右）將果蓉加入梳打，放上原片橙乾作點綴，酸中帶甜，味道清新 ✨士多啤梨冰茶 (中）士多啤梨果