Monster Kitchen

營業中

休息中

特登黎試佢哋新update lunch Menu ，心思思樣樣都想食，餐湯南瓜湯照舊出色，口感幼滑食到少少南瓜蓉。紐西蘭西冷牛扒，肉味比平時肉眼更香濃，朋友身為牛魔王都讚不絕口，比較特別嘅係佢配菜，好鍾意食佢嘅蕃薯條感覺冇平時炸薯條咁肥膩。明太子忌廉芝士烏冬•日式薑汁味噌烤豬頸肉不得不講，餐廳嘢食嘅份量真係好足冇諗過有咁多片豬頸肉，鮮嫩脆口，伴紫菜增添日式風味，最特別係平時忌廉配意粉，冇諗過用烏冬有另一番特別嘅口感。飲品叫咗一杯水果茶同埋佢哋期間限定開心果奶蓋，水果茶有香濃百香果味，不過太細杯，天氣咁熱好快飲晒，開心果奶蓋就有驚喜，茶底嘅白桃烏龍好清新解膩。埋單嗰陣見隔籬枱話lunch炸蝦飯好好食,俾我有機會下次再嚟，等涼少少可以坐出面，服務好好，希望佢哋唔好咁快轉Menu😅

除左要激活夜市，同時都要多啲幫襯💛小店，#Monster Kitchen 位於荔枝角工廈內嘅西餐廳，室內環境唔算好大，仲設有戶外環境，而落單就要自己行出去落單，擺設亦有💛思。不乏本土特色!!!✨炸池魚仔配辣芒果醬（$28）魚仔外邊嗰層粉香脆辣味，肉質有彈性，有少量絲骨，最欣賞佢有多埋辣芒果醬點黎食。✨煙薰腩肉配長通粉（$28）黑松露白汁，長通粉質地煙韌又大份，食出有種香味濃郁既菇菌類味道。✨和風明太子蟹肉牛油果扁意粉（$28）蟹肉份量多，意粉沾滿明太子醬，口感超Creamy。✨朱古力（$28）濃郁朱古力味非常突出，甜度係適中，飲曬都唔覺得溜，非常好喝。✨蘋果soda（$22）soda氣味幾出，帶點蘋果味，冰凍解暑。整體：環境室內舒適，又有室外露台，而店員服務態度很好，免收加一，高質素👍🏻

荔枝角工廈覓食記。🌟今次去到荔枝角站附近的 Monster Kitchen，餐廳行小清新風，有好多植物裝飾，仲有室內同室外露台位可以選擇。紫薯Latte🌟今次試了黑板餐牌的特飲紫薯Latte，漸層色好靚，每一啖飲到好多紫薯蓉，充滿口感。香檳葡萄Soda🌟另一個黑版特飲，超香葡萄味，又唔會話好甜，幾好飲。Jack Daniel BBQ 脆炸雞翼🌟加了whiskey醃製的雞翼，充滿酒香好入味，好juicy，新鮮即叫即炸外面好脆入面。澳洲m5和牛腹心肉•脆炸薯條•阿根廷青醬🌟第一次試腹心肉的部位，雖然不算太多脂肪，但是無筋易切開，食多啲都唔怕油膩，同青醬好夾！鐵鍋蕃茄醬牛肉芝士燉飯•溫泉蛋🌟鐵鍋熱辣辣好吸引，將溫泉蛋黃及蕃茄醬拌飯食，見到都流口水🤤，仲要有好多牛肉同芝士。

荔枝角返工，呢間大家講嘅隱世餐廳已經食過好多次，基本上可以叫飯堂,多數同班同事嚟食lunch，第一次試夜晚Menu，好處係唔使lunch食到急急腳走慢煮八爪魚，藜麥沙律佢哋既沙律菜次次都好新鮮好鬼清新，幾鍾意佢再加八爪魚嘅口感，份量重好多一個人真係食唔晒竹炭脆糠牛油焗田螺• 雲吞脆片造型好得意好似盆栽🪴雲吞脆片好香口配合幼滑嘅薯蓉牛油味好出，但個人口味認為個薯蓉個調味再濃味一d整體感覺會更佳。法式奶油香蒜蝦球•麵包碗真係大大力推薦，個包焗到好香脆，入面嘅醬汁嘅蒜蓉味同埋芝士味係完美結合，勁香濃，成班friend勁快K.O.澳洲m3和牛肉眼扒，法式忌廉胡椒醬。脆炸薯條呢個牛扒係我哋決定會再夜晚encore嘅原因，望上去好似好生，但原來食落去係不得了，真係做到外脆內嫩，咬落去仲鎖住啲肉汁，不枉我係佢哋網店都成日買牛。坐得舒服，性價比都幾高呢度都係唔錯嘅選擇

下班約了在附近的友人上來工廠區吃個晚餐，雖然設在工廠區，平日晚餐時段，店內坐滿了人。餐廳設有室外座位，晚上亮燈後很適合打卡，有一種悠閒感，適合情侶或大伙人聚會。紫薯Latte($28)，是日特別餐飲。夢幻紫色和白色忌廉的賣相看來不錯，紫薯味非常濃郁，頂層有我喜歡的忌廉，整杯味道較甜。梳打水($20)，店員把冰塊裝到一個杯，讓我們把梳打水倒進其中。冰凍的梳打水，最適合配薯條和牛扒喝。自家製荽茜青醬意粉‧藍鰭吞拿魚蓉‧烘松子仁($118)，意粉掛上荽茜青醬，每口都能嚐到荽茜青醬的味道，如荽茜青醬更稠身則更佳。意粉的頂層放上藍鰭吞拿魚蓉和烘松子仁。松子仁味道甘香和富營養，一口吃下，能嚐到烘松子仁的香脆。藍鰭吞拿魚蓉與意粉攪拌起來吃更佳。澳洲M3和牛肉眼扒，法式忌廉胡椒醬，脆炸薯條($238)，和牛肉眼扒外脆內軟腍，能鎖緊肉汁，肉眼扒已切成一塊塊，方便進食。吃下去時，能嚐到牛肉眼扒外層的香脆和內層的肉汁。牛肉眼扒旁邊是沙律菜和薯條，沙律菜爽口，薯條份量適中，薯味足，如能脆一些更好。

Monster Kitchen  位於荔枝角的多國菜餐廳，型格工業風加入加入木系元素，環境使人舒適放鬆，餐廳設有戶外用餐區，有很多植物裝飾，十分有情調，適合打卡。是日湯品是忌廉豆類湯，湯味香濃，材料足，加上新鮮麵包作為開胃前菜是最佳選擇。明太子忌廉芝士烏冬．日式薑汁味噌烤豬頸肉忌廉醬汁拌上芝士及配料製成，燒得軟熟，加入明太子味恰到好處，烏冬口感幼滑，盡掛醬汁；豬頸肉燒得香脆，肉質較爽脆彈牙，加上日式薑汁味道帶微辛加配了冰凍果茶清新及解膩，作為開胃飲品很適合，新鮮的水果味道清爽不會過甜泰式冬陰功汁．蜆肉．吉列炸蝦泰燉飯冬蔭功夠香濃，少少辣味剛好，配料很足，有四隻吉列炸蝦；蜆肉分量多，意大利飯煙韌程度煮得恰到好處，軟硬適中，更掛上了滿滿的香辣冬陰功汁非常滋味！整體來說，食品賣相及環境吸引舒服，環境非常適合三五知己聊天談心，交通夠方便，值得推介。

隱世工廈cafe🤭 餐廳主打Cafe多國菜 位於工廈入面 係由網上商店擴充～ 環境裝修vintage風格 設計簡約====᪥ 澳洲m5和牛腹心肉配脆炸薯條 $188澳洲和牛具嚼感 牛味香濃 配以阿根廷青醬Side配咗薯條同沙律🥗᪥ 燒烤菇及黑松露卡邦尼粗管通粉 $108粗管通粉煙煙靭韌口感幾好～ 醬汁濃郁帶鹹香味道 配以自家製煙燻腩肉᪥ Jack Daniel BBQ 脆炸雞翼 $68雞翼juicy肉質嫩滑 bbq醬帶煙熏味道᪥ 香檳葡萄梳打 $22᪥ 紅蘋果梳打 $22᪥ 朱古力奶蓋Tiramisu Tiramisu十分幼滑 朱古力奶蓋香甜可口更帶奶香

呢間樓上cafe環境唔錯，有個balcony有打卡位，見有人帶埋愛犬出來一齊食野。秋天坐出去應該幾爽。呢碟和風明太子薯條算係我薯條排名top 5，醬料調味足唔會話食到尾無晒醬！蘋果白蘭地雞肝醬多士俾左好多醬，搽晒咁多塊多士重有剩！個醬好香白蘭地味，必點！蝦意粉都好好食，汁夠濃唔會水der der, 蝦都夠鮮甜。最後驚喜原來免加一！綜合嚟講會encore!

慶祝生日🎂友人指定要食西餐，呢度坐得舒服又好食。久唔久轉下新menu，最鍾意佢哋有Daily Special試吓啲新野鰻魚牛油果🥑類似墨西哥卷🌮️原來鰻魚同牛油果都可以咁match，口感勁豐富仲有青瓜🥒同沙律菜超開胃頭盤紅菜頭灸燒帶子燴飯，顏色好靚打卡係正，初初會擔心紅菜頭d味會唔會好怪，但食落真係好有驚喜，cream cheese調味加上大大粒帆立貝，飯入邊加左墨魚口感非常好，最難得係一啲都唔膩，四個人share仲有啲唔夠食，我覺得自己都可以K.O.一碟🤣白味噌慢煮加拿大豬鞍扒•忌廉青蘋果豬耳粒每次必食，肉質極細緻鮮嫩又多汁，咬一啖係有肉汁流出黎，啲薯蓉打到好似Cream咁滑，仲有好甜嘅BB椰菜💛紫菜和風明太子薯條，正常發揮食過好多次🤣值得一讚係份量依然夠多💛即叫即炸💛香濃蝦頭汁米形意粉，灸燒赤蝦最鍾意佢d蝦夠新鮮，灸燒完後有好濃嘅炭火香味，米形意粉口感特別好掛汁。Homemade Lemonade好fresh同解渴，個人喜好比較鍾意飲甜嘢，但友人就表示甜度適中非常好👍🏻

最近捐窿捐罅揾食去到荔枝角工廈🤭Cafe有室內同外既座位，如果涼啲坐室外應該會幾寫意😍但當日落大雨所以無出去參觀下🥲🍝和風明太子蟹肉牛油果扁意粉🥑($118)全部都係我地最鐘意既意粉toppings😆同埋超級多汁而且個汁好濃🥰所以意粉好掛汁😇嗰汁都有牛油果蓉係入面🥑而且有啲煮到幾淋既牛油果粒😋🥩煎焗1855封門柳•脆炸薯條•阿根廷青醬🍟($188)Medium煎到啱啱好既封門柳上枱已經十分之吸眼😍嫩口得黎牛味十分之濃😋配上青醬令整體咸香味更出😇🥤Strawberry Latte ($58)🍓配上厚厚既cream超邪惡😝奶味超級濃😚士多啤梨味就比較似麥當勞新地隻士多啤梨醬🤣🤣整體黎講坐得幾舒服😌而且食物質素都幾唔錯😋值得一試!!!

見到OpenRice comment寫得幾好，所以你試吓，喺工廠大廈上面，影相環境就幾好，不過入到去就一般般，始終比較細，可能天氣涼啲嘅時候坐露台會有情調啲，我2:10去到，入到去侍應話3:00要交枱，因為有人book咗場，出邊天氣實在太熱，我都唔想再周圍搵，我諗50分鐘都夠時間食嘢嘅，叫咗個意粉，比較鹹，賣相同意粉質感都唔錯，真係可惜太鹹，冇下午茶餐，唔記得百幾蚊了，不過都係一次試過就算

✨煎焗1885封門牛柳，脆炸薯條，阿根廷青醬 💰188💫評分: 8.2/10📝封門牛柳揀咗5成熟，肉質粉嫩多肉汁，已經切好咗6塊所以好方便食，上面沾滿微辣青醬一啖一嚿好滿足，薯格脆口，沙律菜有埋紫椰菜酸酸地好開胃✨和風明太子蟹肉牛油果扁意粉💰148 🔅推介🔅💫評分: 8.6/10📝意粉做到 al dente，超creamy個明太子醬又唔會漏，啲醬凍左都唔會杰，蟹肉都有幾嚿，仲有好幾粒大牛油果好足料，牛油果入口即融同個意粉融為一體，木魚絲令口感更豐富👍🏻，推介🥰✨Chocoholic💰58💫評分: 7/10📝啲朱古力醬會滴晒落嚟打卡一流，面頭鋪滿朱古力碎、棉花糖，朱古力味好香濃，幾甜，鍾意朱古力🍫要試吓✨Hazelnut Latte 💰48💫評分: 7.4/10📝唔會太甜，咖啡同榛子味幾balance ✨蘋果白蘭地雞肝醬多士💰88💫評分: 7.9/10📝雞肝醬一啲都唔腥面頭再撈啲蔥花，連蘋果果醬一齊食好match，食完5塊脆多士都剩係點到1/5碗雞肝醬(好慷慨俾咗好大兜🤣)，好想打包番去再食🤣，之後繼續點薯格，側邊嘅酸瓜可以解膩Monster Kitchen@monsterkitchen

香港真的有很多優質餐廳，店主為減低營運成本，用心力尋找合適地方經營，務求可以在合理價錢下又能提供優質美食给顧客這間隱藏在工廈內的秘密夢想基地，就讓我們一起努力尋寶吧！！！一推開門，確實有驚喜實而不華的田園感，很舒服，近旁晚時份，坐在outdoor 用餐區，望著天色由白轉黑，再配合勁chill的裝飾，感覺有些夢幻Menu內的餐飲，款款也想試，而且價錢合理食品製作，有高手在民間嘅感覺，食材，用料，製成品有酒店級數--strawberry Mojito-- $58青檸，薄荷葉，士多啤梨，味道有層次--Homemade Lemonade--$58上層係蝶豆花茶，夢幻打咭飲品**煎焗1855封門牛柳，脆炸薯條，阿根廷青醬**--1855hanger steak--$188牛柳質量好，孰度係medium rare，份量不小，阿根廷青醬是由香草溶和醋等醬料調制，味通帶微酸甜，再配炸薯條，小量沙律菜，一碟巳有均衡飲食的感覺**香濃蝦頭汁米型意粉，炙燒赤蝦**--shrimp sauce orzo--$138蝦頭汁完全混入在米型意粉內，入口每啖都帶有濃郁嘅蝦香味，再加小量蕃茄仔的微酸，完全把整體的味道激

食物味道尚算滿意，法國包皮非常軟熟令人驚訝，而且牛肉雖然全熟但咬落唔會好老好硬，餐廳範圍地方亦都十分大同仲食咗好多植物，最重要餐廳係寵物友善，歡迎狗狗進入，而且店員有都照顧需要比水狗狗，不過狗狗只可以坐outdoor 位置，而且店舖四周已經比其他工廠大廈包圍着，所以坐位對住左對面大廈既冷氣機機頭，所以比較熱，而且中午太陽曬淨，雖然餐廳亦會提供遮，而且店員有提供風機，但中午仍會比較熱，比較適合秋天冬天去

出去荔枝角想搵間坐得舒服既餐廳，諗住睇下工廈有咩好食，發現左呢間西餐，都坐得幾舒服。1. 自家製煙腩肉卡邦尼 $108超濃的卡邦尼醬汁掛住意粉，食上去又唔會太流，之餘啖啖芝士同煙肉，都做得唔錯，鍾意食卡邦尼既人一定要試下💕2. 四川風味薯條 $88每條薯條都好重手，好多調味粉，每條都有好重既蒜香味，加上芝士醬，都幾好食，略嫌有點重手所以有點咸。3. 和風明太子蟹肉卡邦尼意粉 $118相比卡邦尼意粉，呢個味道清淡一點，啖啖帶著牛油果香味，蟹肉唔多，不過都幾好食。4. 鐵鍋牛肉蕃茄芝士意大利飯 $118嫌蕃茄味不算太重，而且飯的油很多，對清淡人士來講有點太油膩。5.比目魚。薯條。蜜糖窩夫 $118炸得很脆，而且魚柳很大塊，味道算可以，窩夫做得有點普通，加上蜂蜜很配合，沒有什麼太特別。整體都算正常6. 朱古力 $60略嫌飲品價格貴，$60的價錢沒有同等水準，飲品可以不點，這杯味道很淡，飲上身似水沖朱古力粉加朱古力醬，有別於一般用牛奶沖的朱古力味道。整體食物唔錯，坐得都舒服，沒有服務費所以沒服務，價錢岩豐儉由人， 可以一試。