Marks & Spencer - 食品部

營業中

休息中

Marks & Spencer 既嘢食除左餅乾、像皮糖，買得最多應該係佢既蒜蓉包！M&S蒜蓉包係我既雪櫃長期佔一席位，法包加上勁多蒜泥同香草，啖啖都有濃郁的蒜香同牛油味！焗完酥香可口！做到真正外脆內軟又唔會太咸！就咁食／點咖哩都一樣咁好味！3x蚊一條，重要係英國生產，其實都唔算太貴，用氣炸鍋同焗爐都得！ 好方便，一陣就有得食!有興趣既就follow我ig睇更多食評分享啦☺@leetaitai_foodie#唔係廣告

🔹Cottage pie $79| 352kcal我一定係癡左線啦咁貴都買左😱但係望落真係好吸引😭我好耐無食過薯蓉了,同埋卡路里真係唔高!!!!!我企左喺到好耐最後都係買左🤣一開始以為薯蓉會好多,但其實下面全部都係肉醬~唔怕太多carbs~薯蓉🥔食落幾creamy,同埋啲紋路真係靚😍薯蓉本人無咩味,所以要配埋下面啲肉醬一齊食.肉醬入面有豬肉末,紅蘿蔔🥕同埋洋蔥.味道一啲都唔重,所以即使佢啲肉醬好多都唔會膩!食完之後一啲都唔會覺得heavy之外仲好有飽足感!但佢嘅缺點係真係太貴啦...想食多次都唔敢😭呢盒野好啱on diet嘅人食,可以滿足自己嘅口腹之欲又唔邪惡,不過味道當然淡啲啦始終佢係sell健康的.

🔹法國硬包 $10健康指數:🔅🔅🔅麵包入面法包相對健康,上網睇過話傳統法包只用水,鹽,麵粉同酵母4種材料,所以脂肪較少~M&S都好好,寫埋1個係162kcal.味道:🔅🔅真係唔係個好食嘅法包😭我已經好用心咁食好用心咁咬,但都食唔到一丁點嘅味😭口感方面就外硬,食到最入面有就少少軟.賣相:🔅🔅🔅

M&S 可頌真的無得講，好軟好酥；但咖啡就.... 溫度高到奶已經有苦味，無咖啡味. 趁早等左d時間估唔到好失望... 希望可以train train同事，唔好影響其他質素啦...

「好友狂嚐曲」系列食評一向喺寫朋友送贈嘅曲奇餅，今趟就有啲灰色，半抽水咁啦，因為，好友送贈嘅「Easter Bunny Biscuits」明顯就喺寫住餅乾，不過，無論樣貌，抑或口感，都極似一塊曲奇 ，如果唔喺包裝袋寫住「餅乾」，相信十個人有九個都當佢喺曲奇 。包裝已打正旗號喺復活節應節產品，以朱古力搭雲呢嗱為主要味道，而M&S嘅產品一向都頗有質素。打開包裝袋，一排上下兩層共8件，當下午茶一鋪過就搞掂 。牛油朱古力乾餅中，以雲呢嗱味做出內兔仔，仲喺一隻小肥兔。餅乾口感都幾鬆化，朱古力味都OK，亦滿有牛油香，感覺唔錯。食完都覺得佢似曲奇，不過，理佢喺餅乾定曲奇，都衷心多謝老友 ！