影片
港鐵長沙灣站 A2 出口, 步行約5分鐘
繼續閱讀
電話號碼
66590668
營業時間
今日營業
12:00 - 20:00
星期一
全日休息
星期二至日
12:00 - 20:00
以上資料只供參考, 請與餐廳確認詳情
招牌菜
之前上網見到個蛋糕好靚，咁岩有朋友生日就買個試一試，最尾都係買左個signature Dancing feather蛋糕，痴線，勁好食，蛋糕味十足十，蛋糕有蛋糕味，啲cream 甜度又岩岩好，唔會太油膩，仲可以要求蛋糕少甜，少甜，少甜，好重要，所以要講三次，同埋雞蛋味超濃，唔會似平時出去嗰啲連鎖店咁，食得出好新鮮，應該係即日制做，同埋送貨超快，已經plan 緊下次朋友生日試下另一款，同場加演，交收見到店主姐姐人靚聲甜，高高瘦瘦，生日牌啲字仲寫得好靚架～
繼續閱讀
上年生日男友晌呢度小店訂左個蛋糕，男友知道我鍾意kitty蛋糕，就叫左小店師傅幫手諗下蛋糕既款式，果然冇失望白雪雪既hello kitty蛋糕，圓碌碌既kitty仲有小珍珠配搭高貴感大增味道又唔算好甜 fresh 岩哂唔太食甜野既我，多謝小店師傅既心思 🤗岩岩仲見到fb post 開左新店，一睇裝修就知小店主很有心思，kitty 係我大愛，其後就係笑哈哈，笑哈哈公仔帶比人感覺好開心，總言整個店鋪感覺好relax好舒服 會再幫襯小店 支持
繼續閱讀
以往啲連鎖蛋糕店整蛋糕通常都最少一磅起，不過而家佢地已經了解到巿場需求，一磅對好多人/party黎講都係太大，所以已經好識做咁開始做半磅。上星期有兩個朋友咁啱同一個星期內生日，諗住夾埋買個蛋糕食完餐飯切個餅，就當簡單慶祝下。提前一星期不斷留意啲蛋糕店都無樣啱心水，半磅始終選擇係少好多，不外乎係鮮忌廉、鮮果、朱古力或抹茶嗰啲，唔好講話啲嘴饞嘅朋友，我嗰關都過唔到。搭上搭有朋友介紹Mad Time Studio，之前買過蛋糕，好食又有特色，又有實體店，不妨試下。被店員 (或者老細，因為佢介紹得好專業) 推介哩個奶香焙茶千層， (當時)響某平台仲做緊優惠價，我唔係響平台落單，店員都照比優惠價，體貼。焙茶味香濃，唔甜，仲有陣堅果香味，每層中間夾住忌廉，不論口感同味道上，效果都令個蛋糕唔膩，最緊要係個份量，食完飯三個人食啱啱好，唔駛你推我我推你，不情不願咁食埋個蛋糕。 (現實張相靚好多...)現場去拎蛋糕時見佢有macaron同件裝特色蛋糕賣，順手買埋黎試下。Macaron 係伯爵茶同玫瑰味4 件 ($88) ，鐘意佢玫瑰味有香味得黎係唔太甜，(係嘅玫瑰味肯定係香精，但係起碼佢唔係嗰啲甜到一食就知假，少少幻想都無嘅味道)；反而伯爵茶比玫瑰味甜，老實說……我都係喜歡偏淡甜多啲嘅味道，所以我推玫瑰味。另外買咗嗰件玉子焦糖蛋糕好有驚喜！佢似法式焦糖布甸 ﹐但係因為佢係正方體，五邊都沾有黃糖，用火槍輕炙至焦香，焦糖微暖而香脆 (仲要係拎到返去公司成個鐘後都仲有哩個效果！)，裡邊布甸質地挺身但仍能保持幼滑，有別於一般法式焦糖布甸，最緊要又係佢唔會得個甜字，真係有蛋香。雖然網上蛋糕店唔一定信唔過，但有間實體店係方心好多 ，講真佢同連鎖蛋糕店價錢又唔差得遠，但款式更有特式，唔會一式一樣又係食嗰啲款，值得再幫襯。
繼續閱讀
其實已經幫襯過呢間蛋糕舖幾次，因為係我屋企附近。之前有次覺得好難忘嘅係買chocolate brownie，佢係即叫即整，整完ready好就叫我過去攞。個brownie外脆內軟，流心的，仲熱辣辣，真係好好味😋 今次因為要買散水餅，所以揀左兩款不同嘅roll cake，分別係earl grey citrus roll (伯爵茶橘皮卷蛋）同 banana chocolate crunch roll （香蕉朱古力脆脆卷）去多謝同事們的照顧。開頭問店主意見應該買咩味嘅卷蛋時佢都有耐心咁解答我問題（因為我未食過佢地嘅roll cake)，最後揀左呢兩款。收到嘅時候包裝好靚，啲同事見到都話好靚，仲話點解我屋企附近咁好有呢啲蛋糕賣😂入正題😂 我偷食左件banana chocolate roll cake 覺得香蕉好fresh，然後啲cream好好味，唔太甜，但又好有口感，加埋啲朱古力脆脆，食落好滿足🥰 其他同事都話earl grey都好味😋 加上啲roll cake都幾大件（1個roll可以切到7件cake)，價錢連埋整cake嘅時間同人手，仲有心思，計落真係唔太貴。所以我應該係會再回購架，同埋試下其他味😆
繼續閱讀
自從上次食過Devil Chocolate cake之後，就對上面嘅蛋白脆餅念念不忘，難得今次可以散買，即刻掃左3罐🤭🤭今次嘅蛋白脆餅配上青檸，食落滲出啖啖青檸果香，亦同蛋白脆餅本身嘅甜味取得好好嘅平衡。朝早用嚟送杯咖啡，簡直係100分，不過知道小店主要用蛋白脆餅嚟整蛋糕，好少散賣😂所以希望嚟緊可以多啲配搭唔同味道，整嚟散賣就好。
繼續閱讀