LC Tea水果茶專門店 (已結業)

第一次飲天水圍 LC Tea，揀咗梅香芭樂烏龍（大杯，$32）少甜少冰。新鮮芭樂打成碎，飲落有粒粒同椰果粒，好有口感，烏龍茶味淡淡滲出，夏天咁熱飲，好清新解渴。本身飲品唔算甜，少甜會淡味啲，第一次飲，可以選擇正常甜度。屋企人飲超級水果茶（大杯，$36），桃香烏龍茶底，水果新鮮好味，茶味夠，好少鋪頭可以有呢款桃香烏龍茶揀，比較特別。富士蘋果茉莉（大杯$32），正常甜，味道比較清甜，蘋果味清新，甜度剛好，唔需要少甜。

今日天氣熱又曬，行開新北江商場，扶手電梯一上到去轉彎就見到呢間新開嘅小店，一心諗住試吓究竟好唔好飲呢杯芝士奶蓋宇治抹茶價值$42✨叫咗少冰CP值真係低，唯一OK嘅係佢個芝士奶蓋，都幾香幾濃芝士味而佢個抹茶…其實飲飲下有啲嬲，真係好似飲緊水咁，已經叫咗小冰都可以淡茂茂平時唔係太難飲我都唔會點彈，但呢個真係唔得會唔會係店員加得太多水… 想像唔到如果唔少冰會點🥹新開張都唔係呢幾日，可以改良下沖茶嘅技巧，抹茶乜嘢茶都好起碼都要俾人飲到有茶味，冇茶味嘅我不如飲水