影片
港鐵上環站 E1 出口, 步行約5分鐘
繼續閱讀
營業時間
*6pm closed
星期一至五
08:00 - 18:00
星期六至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
建議：如果想使這咖啡連鎖店的優惠券，不管是那一款優惠券，也不要去中環中心這分店使用。當然，如果覺得用coupon 就係西客，咁…… 不用分那麽，只要用coupon 就不要去這分店。至於真金白銀消費會不會有好待遇？ 我真係唔知 ～ 亦唔想知，因為以後唔會去中環中心呢間分店～ 呵呵 🙃 另外：5點後唔好去，雖然網頁寫收6點，但5點已經開始執嘢唔做生意架啦～ 唔好阻職員收工啊！店面環境：坐位在店面外邊的公眾地方，扶手電梯的轉角嘅位置。是咁的，我有張優惠券，使用條款寫明 「不包括期間限定店，銅鑼灣興發街及金鐘添美道分店」，咁即係中環中心用得啦～上網check左營業時間，收18:00。 第一次去拎住優惠券埋去counter，職員話：我地收左啦，收5點半。 望一望錶17:32。 又係嘅，食肆要預收工執嘢，5半埋數好合理。 所以當刻轉身就走唔好阻人收工。第二次提早少少17:10左右到。職員望住張coupon 話唔用得。 寫住 「不包括期間限定店，銅鑼灣興發街及金鐘添美道分店」咁我黎到你又話唔用得，會唔會去另一間又話唔用得？問佢邊間用得，個銀髮女職員話：唔知喎，你點樣得到張coupon 問返出coupon 間嘢啦！ 我二話不說問佢要公司電話，畢竟張coupon 咪就係佢公司出架囉，你唔知但集團office肯定知邊間用得吖。銀髮女職員：淨係得呢到個電話(指住店面個電話)，都話你點拎到張coupon 問返嗰間嘢咯，呢到唔用得啊！我：就當唔關張coupon 事，你公司總有個電話掛，我而家想要你公司電話。銀髮女職員：我地打工架咋。然後有另一個女職員出黎：佢想要咪俾佢囉～ 但未必有人聽架，我哋打上去都成日無人接。唔知係咪我事運高，一打個電話就有人接。講明原委之後公司嗰邊即刻話打去中環中心了解下，然後就聽到銀髮職員所指的店舖電話響起。期間，銀髮女職員已經開始收拾店面…… 🙃隔左一陣，公司打返黎話：中環中心嗰邊收鋪啦～ 星期六日唔開。 呢兩日可以去中上環另外兩間使用。 望望個錶，17:40 🙃我問：即係中環中心其實可以用 coupon嘅？但個職員頭先唔係話收左，而係話用coupon 唔用得喎。佢公司竟然係話：唉～ 無辦法，而家D店員……唉～ 我地會嘗試再同佢哋溝通下。 不如你去中上環另外兩間分店吖。臨走仲要聽到中環中心接電話個女職員好大聲同銀髮女講：上面嘅嘢我唔想知，佢地自己傾掂佢。 真心，我都係想知邊到可以用張coupon 啫。 用coupon 就一定要受氣？ 又，到底佢哋中環中心收幾點？ 定係睇職員心情架？
繼續閱讀
有次幫老闆在中環中心買飯團，意外地經過這間隱藏於角落的外賣西餐店，門口是有不少上班族等外賣，就約了妹妹一起試。位置：在中環中心的的一樓，由Pacific Coffee 那邊走過去就到了。環境：門口就安排了三張枱，也是下單的位置，有大玻璃櫃展示沙律，另一角落是售賣曲奇餅、咖啡和月餅🥮。服務：只有四張枱提供堂食，主打外賣。午市：一份主茶+兩份沙律+湯或咖啡（齊啡）$72，另點牛扒就貴少少！沙律就有五款選擇，挺多的，算是健康生酮飲食。🍴牛扒🥩+蛋🥚雜菜+🥦椰菜 $76牛扒好像茶記的薄牛扒，已切開條狀，全熟，肉質帶韌勁，但不算老或粗糙，最棒是蛋雜菜，煎得夠香，菜類豐富，椰菜就家常味道。🍴牛扒🥩+蕃茄🍅+粟米🍌豆腐 $76配是日南瓜湯，質地很稀水，味道還好。蕃茄的沙律醬太多了，蓋過了蕃茄的鮮甜，粟米🌽豆腐淋上胡麻醬，不錯👌☕️Latte Hot $16（套餐半價）一般，下次不用點！
繼續閱讀
朋友好鐘意咖啡，買咗本地咖啡品牌LASSANA嘅虎年限定賀禮裝送畀佢嘆啡成個手工曲奇禮盒包裝橙色好喜慶～裡面有🍊橙香百里香曲奇（好特別少見嘅曲奇味道，橙味又襯返個包裝）、🍫黑朱古力曲奇（朱古力非常味濃郁，亦不會太甜 )☕️伯爵茶曲奇（消淡，食完口中會留下伯爵茶香的餘韻），仲有蝴蝶酥同杏仁條（兩款都好酥脆香口）
繼續閱讀
其實係第二次幫襯。第一次，同朋友坐低飲。熱嘅Americano。飲落其實真係好一般。溫度過熱，入口燙口。講明坐低飲，係咪應該調節一下呢，我喺出面其他咖啡店飲我未試過會係燙口。豆偏酸，明白嘅個人口味未必個個都覺得酸。第二次，同事請，買一送一，外賣熱flat white 返上office 飲。可能大家對於flat white 及latte 既定義有些小分別。所以決定無下次。其實無比較無傷害，佢同同埸既 pret a 、太平洋咖啡，都已經有點距離。我都唔拎鐵行里間咖啡店作比較了。
繼續閱讀
第二次幫襯，今次試吓上次沒有食的。估唔到咖啡咁正，三文魚意粉上枱時是熱騰騰的，不得不讚👍🏻沙律好快賣晒，下次一定要早來試吓。減肥中的我都忍唔住食晒成碟，值得。
繼續閱讀