Lady M

營業中

休息中

開始我美食之旅，第一站當然要去機場。難得Lady M有開兼完全冇人排，當然要一試，食個港女早餐。叫咗個提拉米蘇千層蛋糕。千層皮唔係特別薄身，Cream唔係特別滑。但真係好做到Tiramisui 嗰種咖啡香味，最欣賞佢中間有薄薄海綿蛋糕，吸晒咖啡原液，一切會慢慢滲出來。Lady M一試就好。相信有其他小店會做得更好。

上年二月臨搭飛機之前，嚟咗機場呢間Lady M飲杯嘢食個甜品原來依家裝修緊，唔知下次再搭飛機仲可唔可以過嚟食呢😁嗰陣準備去honeymoon～心情好愉快食咩都開心😊😊😊原味千層蛋糕凍朱古力

今日同事請食cake, 佢係機場禁區買左LadyM cake俾我地。我揀左要櫻花味千層蛋糕🍰千層蛋糕層層分明，有粉紅色嘅topping, 仲有片片粉紅色嘅花瓣點綴一下，好靚好吸引。千層蛋糕嘅每一層蛋皮都好有蛋香味，每層cream 都好滑😋，再配上櫻花🌸味，成件事好fresh，好match. LadyM 做事認真且有誠意。佢地外賣會有餐具🍴提供，餐具quality 都唔差，用銀色嘅餐具食起蛋糕上黎感覺好高尚。

一流千層蛋糕！一直以來，從未嘗過鼎鼎大名的Lady M千層蛋糕。難得第一次跟朋友去外地旅遊，距離登機還有少許時間，朋友們提議食件千層蛋糕才出發。我們一行三人點了三件千層蛋糕: 抹茶、伯爵茶、期間限定的栗子。抹茶回甘味重，伯爵茶味香濃，甜而不膩。栗子比較甜不太香，我們愛茶味系列多點。蛋糕口感幼滑，好像食雪糕一樣。不過可能忌廉份量頗多，我們吃不完栗子忌廉。千層蛋糕除了食忌廉外，還有千層皮。每層餅皮薄如紙，十幾層加上薄薄的忌廉口感一流，果然名不虛傳。我們的旅程就由這餐甜品開始！

今日入嚟機場工作，聖誕都冇食過蛋糕又咁啱經過LADY M，就買件CAKE梳乎一下堂食冇最低消費，換言之可以SHARE食都冇問題只係比外賣多咗10%既加一服務費伯爵茶千層蛋糕 $75入口伯爵茶味真係幾香食到中段啲奶味同茶味混合，AFTER TASTE有香濃既奶味留係口腔千層餅皮層層分明，幾有口感重點係啲CREAM都幾香滑，唔會好膩有種食日本蛋糕忌廉既感覺，真係幾好味而且啪晒成舊蛋糕都唔會好飽濟，真係幾高質

機場食物向來貴及不是太好吃，但如今機場開了Lady M，可以大飽口福了！提提大家雖然7:00開始營業，但如果想堂食的話要9:00，7:00-9:00只提供外賣。單點一個漢堡$58，漢堡加一杯飲品共$88，額外加$8有tea latte。於機場用膳來台，這個價錢算是實惠。蛋沙律牛油麵包漢堡之前於銅鑼灣旗艦店吃過牛油果炒蛋漢堡，令人再三回味，所以對這蛋沙律牛油麵包漢堡亦滿有期望。牛油麵包帶有濃郁的牛油味，但略嫌不夠熱及不夠鬆軟，沒有外脆內軟的口感。蛋沙律混合了爽脆的洋蔥碎，增添口感，整體味道不錯。Rose Tea Latte滿有玫瑰香氣，但甜了點。

自己一個出發都總會有少許不安的情緒，所以好早至達機場。去到無野做都係去搵間可以舒舒服服坐下的餐廳邊食邊等。由於有幾間餐廳裝修緊，決定去食甜品。每次去 lady m都一定會點伯爵茶蛋糕，真係好好食 還有 rose latte，視覺效果一流！但無奈，價錢真係一點也不便宜呢。。。。

今日預多少少時間到機場， 距離登機仍有三小時，一於找個地方食high tea。禁區內見到 Lady M ，雖然一直想食，但其實我從來未食過 ，因為通常都要等位 。現在竟然唔需要等位！ 一件千層餅大約$70幾，（原味$60幾) 如果有杯飲品的set就$110幾， 其他cake 連連飲品就$100零幾，latte要加$8，所以set的價錢比較化算。我倆二人揀選開心果千層餅 、草莓拿破崙、mocha 、cappuccino 。千層餅的確係幾軟滑、有輕微果仁味。草莓拿破崙頗為香脆鬆化，裏面當然唔少得有新鮮草莓切片 。咖啡不過不失。食完cake 仍未離坐，但待應會為我倆加水。有心想食 Lady M 嘅朋友而又需要離港的話，可以預早到機場在登機之前試下，就算要排隊都好快會有位。

搭2點鐘飛機，早咗入閘但又食咗午飯，除咗去lounge飲杯咖啡外，其實仲可以去Lady M嘆件cake。辦理完出境手續，一出搭扶手電梯再行幾步就係店舖所在，有少少難搵。堂食約有10人排隊，不過店內座位不少，只係等左15分鐘就有位啦。我點左玫瑰千層蛋糕，朋友叫咗原味千層蛋糕。兩款蛋糕的千層口感都好正！每層中間都有cream filling,口感豐富。玫瑰蛋糕表面的糖漿甜咗少少，亦都冇乜玫瑰味，不過賣相就非常精美。反而平平無奇嘅原味就好好食，蛋味濃郁👍🏻玫瑰花奶茶都係無乜奶茶味，但賣相吸引。

時間比較趕，來不及好好用餐，於是選擇了來 Lady M 吃個甜點，還好排隊的人不多，所以也不耽誤什麼時間！Lady M，賣的是精緻，所以上門的食客，享用奢華多過於實實在在的用餐吧……餐廳的設計以大理石為主，所以從視覺上，就蔓延出一種高大上的感覺，白色的背景，讓環境看起來更加明亮，這一點對於食客們來說體驗還是比較好的。這一次選擇了「原味千層蛋糕」，整體口味主要還是來自於千層蛋糕的層層感受和奶油的口味。這一款不算太甜膩，一件正好，再搭配咖啡，口味中和得也很不錯，算是個人喜歡的口味感受之一。

上機前試下，反正不用排隊！點了兩款蛋糕，雜莓海綿蛋糕和伯爵茶千層蛋糕，再叫多一杯飲品，柚子檸檬梳打！看似平凡的雜莓海綿蛋糕食落好好味，甜中帶一點酸，中和返蛋糕的甜！不錯！杯凍飲都好好味！ 服務態度都好好！還送了一張$20禮券！機場化妝品店適用！

入到禁區醒起有間lady m。於時就去朝聖一下。之前一直都未試過。因為成日都覺得要排好耐隊。一去到見到堂食條人龍唔短。外賣就一個人都冇。所以排左一陣見條龍唔多郁就決定買走去閘口食算。不過買完見到盒連袋。打開見到叉連乾冷連固定托。就好後悔。覺得成件事好唔環保。一向都覺得食野要食原味先最可以食到本身個質素。好可惜原味賣哂。最後揀左開心果千層蛋糕。蛋糕皮好薄。層與層之間好平均。令到咬落口感唔錯。cream滑有好濃奶味。對喜愛香濃奶味嘅人會好滿足。略嫌越食越甜。開心果香味亦隨之減退。所以真係要同時配杯coffee or tea。朝聖完。明白呢個價錢其實有一大部分都去左門面度。除左欣賞師傅功力。其實覺得唔駛再試。

今日終於可以出遊，在黃昏時候去到機場，食餐大的又怕蝕了一陣飛抵台灣的夜市quota，所以就去一下lady M朝聖一下再起行，都說知道伯爵茶重現香港，就實在難抵擋它的誘惑！去到機場的lady M，確是空位難求，去到剛好有位，所以可以坐低享受一下，畢竟是可以當晚餐的，所以放任一下，2人叫3件⋯⋯勁呀！今日來一個原味，之後當然有伯爵茶口味，然後就是栗子蛋糕，栗子有點驚喜，中間有一層栗子🌰慕絲，令成件餅的層次立即高了，難得！

一直都好想嚐食的甜品……千層蛋糕，估不到, 在機場內有分店吖。在忙完check in, 放下行李及過海關等一連串的程序後; 可以坐下食一點點甜品啦，真的令人歡喜又開心，又滿有幸福感喔😍😘😍🍹很多選擇啦…但我就不會多心的，好專一的只想食最原味又最好味的千層蛋糕🤩🌺很多選擇, 多心的話, 真的很幸福, 香甜。🍸可以有外買的, 我地是離境,…當然是現場食的好了。☕好期待呀…好想快點食呀。🍵我地三人一人選一款, 可以嚐試食多兩款。☕ Signature Mille Creps : 最喜歡簡單, 好味又健康的蛋糕, 一層又一層的, 可以數到幾多層吖??☕味道一點都不甜又不膩, 一層薄片加一層忌廉, 甜甜的忌廉味合到好適中, 好好味道🍵 Gateau Nuage : 一入口有濃濃的芝士味,口感好似紐約芝士蛋糕，芝士好滑好濃, 配咖啡也不錯，好味道。☕ Earl Grey Mille Crepes : 有淡淡的伯爵紅茶味, 仍然最愛是原味的千層蛋糕。

在機塲禁區内的lady M,好處是很快有位，雖然仍有人龍，但由於旅客的目的是搭飛機離港，所以通常在Lady M 坐10~30分鐘便離開。以前試過幾款千層蛋糕，都是外賣，因為不想等位。今次見有千層酥，又不用等位，便試吓。外賣專櫃~多款蛋糕選擇~法式香蕉千層酥上枱外觀認真麻麻，細细件，酥皮也淋了。但蛋糕内層香軟幼滑，加上內藏香蕉肉，淡淡的香蕉味，軟綿綿的蛋糕，真係食多2,3件也沒問題結果5分鐘巳食完，坐了15分鐘巳離開。